Axad, Janaayo, 06.
2019 (HOL) – Guddiga doorashooyinka DRC Congo ayaa shaaciyay in ay dib u
dhigeen Shaacinta Natiijadda doorashadii dhawaan ka dhacay dalkaasi.
Iyada oo ay isa soo
tarayaan baaqyada lagu doonayo in lagu shaaciyo natiijada doorashadii
madaxtooyada ee Jamhuuriyadda Dimuqraadiga Koongo ka dhacday, ayaa saraakiishu
sheegeen in aan maanta oo Axad ah lagu dhawaaqayn.
Gudoomiyaha gudida doorashooyinka ayaa sheegay in
sababtu tahay iyada oo kala bar in ka yar waraaqihii codadka lagu dhiibtay ay
soo gaareen xarunta.
Kaniisadda Kaatoligga, oo kumanaan goob joogayaal
ah u dirtay goobaha codbixinta, ayaa Khamiistii sheegtay in cidda guulaystay ay
iska caddahay, waxaa ay ku baaqday in natiijada la shaaciyo si looga baaqsado
xasilooni darro siyaasadeed.
Kaniisaddu waxay mucaarad cod dheer ku ahayd mudo
kordhinta xukunka Madaxweyne Joseph Kabila.
Waxa uu haatan xilka ka degayaa 17 sannadood oo
uu xilka hayey ka dib waxaanu ballan qaaday inuu suurto galin doono nin markii
ugu horraysay Jamhuuriyadda Dimuqraadiga ah ee Koongo xilka hab sharciga
waafaqsan loola kala wareegi doono tan iyo markii ay gobanimada ka qaadatay
Belgium 19960-kii.
C/raxmaan Diini, Hiiraan Online
[email protected]
