Maamulka Gobolka Banaadir oo baaraya sababta Dabkii xalay ka kacay suuqa Bakaaraha
Jimco, Janaayo, 11, 2019 (HOL)– Guddoomiye
ku-xigeenka amniga iyo siyaasadda Gobolka Banaadir, Maxamed C/llaahi Tuulax ,oo
ka hadlay dabka xalay ka kacay Suuqa Bakaaraha ayaa sheegay inhalkaasi ay ku
baaba’day hanta badan oo ay lahaayeen Ganacsatada Soomaaliyeed.
Tuulax, oo la hadlayay warbaahinta ayaa
intaa in ay ka maamul ahaan xakameeyeen dabka, kaas oo dhalin lahaa qasaare
intaa ka badan, wuxuuna sheegay in ay wadaan baaritaanno ku aaddan waxyaabaha
soo celceliya gubashada Suuqa iyo hantidii lagu waayay.
Debkii xalay ka kacay Suuqa Bakaaraha ayaa sida
ay qaar ka mid ah Ganacsatadu sheegeen waxa uu ka billowday qeybta lagu iibiyo
Dharka Huudheyda, isagoo kusii faafay qeybaha Maacuunta, Hilibka, Dukaamo iyo
Guryo halkaa ka dhowaa.
Deminta Debkan oo ay Gacan weyn ka geysteen
maamulka Gobolka, shirkadaha Madaxa bannaan iyo dad weyne is xilqaamay ayaa
Saacado ka dib lagu guuleystay in la baqtiiyo, iyadoo ciidamaduna ay sugayeen
ammaanka guud ee Suuqa si anay ugu soo dhuuman tuugada.
C/raxmaan Diini, Hiiraan Online
[email protected]