1/16/2019
Today from Hiiraan Online:  _
Wararka Maanta- Jimco, Jan 11, 2019
Wasaaradda Amniga oo faah faahisay xarigga Sarkaal ka tirsan ciidamada Booliiska


 

Jimco, Janaayo, 11, 2019 (HOL) – Wasaaradda Amniga gudaha xukuumadda Soomaaliya ayaa sheegtay in la soo xiray sarkaal ka tirsanaa ciidamada Booliiska Soomaaliyeed oo ka soo muuqday baraha bulshada isaga oo gacan ka hadal uu dhaxmarayo qof dumar ah.

Sarkaalka la xiray ayaa lagu magacaabaa Yuusuf Xundubeey, waxaana maalmihii ugu danbeeyay muuqaalkiisa lagu baahinayay baraha bulshada ku wada xiriiraan xili uu gacan ka hadal ka dhax socday isaga iyo qof dumar ah oo la sheegay in ay aheyd xaaskiisii hore.

“Wasaaradda Amniga waxay soo xirtay Sarkaal ka tirsan Booliska Soomaliyeed oo fal foolxun kula kacay Gabar Soomaliyeed oo ahayd xaaskiisi hore/ Xaafada Shibis. Marnaba looma dul qaadan doono in Ciidamadu ku xadgudbaan sharafta iyo xuquuqda muwaadinka Soomaliyeed”ayaa lagu yiri qoraal ka soo baxay Wasaaradda Amniga.

Muuqaalka ayaa la sheegay in baahisay gabadha uu gacan ka hadalka dhaxmaray, waxaana sarkaalkan uu xirnaa waqtigaa dareyska ciidamada Booliiska Soomaaliyeed.

Waa markii ugu horeysay oo sarkaal ka tirsan ciidamada loo soo xiro sida la sheegay aflagaado ama gacan ka hadal uu u geystay qof dumar ah.

C/raxmaan Diini, Hiiraan Online
[email protected]







Click here
1/11/2019 5:29 PM EST
Jimco, Janaayo 11, 2019 (HOL) - Waxaa magaalada Rustenburg ee waqooyi-bari ee dalka Koofur Afrika lagu dilay laba wiil oo Soomaali, mid kale waa dhaawac

1/11/2019 12:36 PM EST
Jimco, Janaayo, 11, 2018 (HOL)- Guddoomiyaha maxkamada Darrada Koowaad ee ciidamada qalabka sida Gen Xassan Cali Shuute ayaa faah faahin ka bixiyay kiisaska ugu badan ee maxkamada soo gaaray sanadkii la soo dhafay.

1/11/2019 12:06 PM EST
Jimco, Janaayo, 11, 2019 (HOL) - Warar xogagaal ah oo an naga soo gaarayo ilo ku dhaw-dhaw wasaaradda maaliyadda ayaa sheegaya in Nigel Roberts loo magacaabidoono guddoomiyaha bangiga dhexe ee Soomaaliya.

1/11/2019 7:37 AM EST
Jimco, Janaayo, 11, 2019 (HOL)– Waxaa soo xirmay kalfadhigii Afaraad ee Golaha Aqalka sare ee Soomaaliya sida lagu sheegay qoraal ka soo baxay xafiiska guddoomiyaha Golaha Cabdi Xaanshi Cabdullaahi.

1/11/2019 5:53 AM EST
Jimco, Janaayo, 11, 2019 (HOL)– Guddoomiye ku-xigeenka amniga iyo siyaasadda Gobolka Banaadir, Maxamed C/llaahi Tuulax ,oo ka hadlay dabka xalay ka kacay Suuqa Bakaaraha ayaa sheegay inhalkaasi ay ku baaba’day hanta badan oo ay lahaayeen Ganacsatada Soomaaliyeed.

1/11/2019 1:48 AM EST
Jimco, Janaayo, 11, 2019 (HOL)–Agaasimaha guud ee wasaarada Caafimaad Somaliland, Dr:Maxamed Cabdi Xargeeye ayaa ku dhaawacmay rasaas uu ku furey askari ka tirsan ciidamadda Militeriga Somaliland.

1/11/2019 12:53 AM EST
Jimco, Janaayo, 11, 2019 (HOL) – Suuqa Bakaaraha oo ah kan ugu weyn Soomaaliya dhinaca kalana ka mid ah xarumaha ganacsiga ugu ballaaran marka la eego Geeska Africa, ayaa waxaa xalay qabsaday dab aad u weyn oo looga soo gurmaday damintiisa qeybaha ay ka kooban tahay Muqdisho.