Khamiis, Feberaayo, 14, 2019 (HOL)-Wasiirka Maaliyadda Soomaaliya, Dr ; Cabdiraxmaan Ducaalle Beyle, Wasiirka ayaa Maanta ka hadlay xaaladda dhaqaale ee Dalka, miisaaniyadda Sanadkan iyo caqabadaha ka taagan canshuur bixinta.
Wasiirka ayaa sheegay in ay jiraan illaa 20 shirkado oo aan canshuur bixin, isagoo u digay shirkadahaa, kuna wargeliyay in haddii ay bixin waayaan ay sharciga ku kala baxayaan.
Beyle ayaa intaa ku darray in ay hadda ka gaabsanayaan magacyada ganacsatada iyo shirkadaha aan canshuurta bixin, balse marka xiga ay soo bandhigi doonaan.
Sidoo kale waxaa uu uu sheegay in wada hadal u socdo
shirkadaha aan canshuurta bixin, waxaana uu ugu baaqay inay iska
bixiyaan canshuurta ku waajibtay sida uu yiri.
“Waxaa jira
shirkado waa weyn oo labaatameeyo aan canshuur bixin, waa idin digeynaa
canshuurta bixiya, haddii kale waa idin magac dhabayaa, sharciga ayaa ku
kala baxeynaa”ayuu yiri Wasiir Beyle.
Wasiirka ayaa dhinaca kale sheegay in wareegga saddexaad barnaamijka dey cafinta la soo
geba-gabeynayo Bisha April horraanteeda, waxaana uu sheegay in wali caqabada ugu weyn tahay daqliga ka soo
xerooda canshuuraha oo aad u yar.
C/raxmaan Diini, Hiiraan Online
[email protected]
