Howlgal dhalinyaro lagu soo qab qabtay oo xalay laga sameeyay qeybo ka mid ah Muqdisho
Axad, April, 28, 2019 (HOL)– Ciidamada dowladda
Soomaaliya ayaa howlgal amniga lagu sugayo ka sameeyay xalay qeybo ka mid ah
magaalada Muqdisho gaar ahaan degmada Dherkeenley ee gobolka Banaadir.
Gaar ahaan howlgalka ayaa laga sameeyay
xaafaddaha Dabakaayo Madow, Xoosh, Suuq
Boocle, iyo kuwo kale, iyagoona guri guri u baarayay.
Goobjoogayaal ku sugan degmada sheegay in
baaritaanadaasi ay Ciidamadu xalay ku soo qabteen dhalin-yaro badan qaarkood
laga soo saaray xili habeenimo ah hoygii ay degenaayeen.
Ciidamada ayaa goob fagaaraa iskugu keenay dhalin-
yaradaasi iyaga oo su’aalo weydiinayay.
Maalmihii ugu danbeeyayba waxaa ay ciidamada amaanku ka sameynayeen
degmooyinka iyo xaafadaha magaalada Muqdisho howlgalo baaritaano ah,
iyaga oo ku soo qab qabtay dhalinyaro ay sheegeen in looga shakisanyahay
falalka amni darro ee ka dhaca magaalada Muqdisho.
C/raxmaan Diini,
Hiiraan Online
[email protected]
