3/29/2024
Today from Hiiraan Online:  _
Wararka Maanta- Isniin, Apr 22, 2019
Madaxweyne Farmaajo oo u ambabaxay dalka Masar

Isniin, April, 22, 2019 (HOL) – Madaxweynaha Soomaaliya ,Maxamed Cabdullaahi Farmaajo iyo wafdi uu hoggaaminayo ayaa u amba-baxay dalka Masar, halkaas oo uu ka furmi doono shir deg-deg ah oo ay yeelanayaan Madaxda Midowga Afrika.

Shirkan ayaa lagaga arrinsanayaa xaaladda dalka Suudaan iyo sidii xal waara looga gaari lahaa qalalaasaha siyaasadeed ee ka jira dalkaas.

Dowladda Federaalka Soomaaliya oo xusuusan hiilkii iyo garab istaaggii Dowladda iyo shacabka Suudaan ay u galeen walaalahooda Soomaaliya, xilliyadii adkaa, ayaa mudnaanta siinaysa ka qeyb qaadashada dadaallada heer gobol iyo heer qaaradeed ee ku aaddan samata bixinta dalka Suudaan.

Madaxweynaha ayaa shir doceedyo la yeelan doona Madaxda Afrika iyo masuuliyiinta dalka Suudaan ee ka qeyb galaya shirkan, isagoo la wadaagi doona mowqifka Dowladda iyo Shacabka Soomaaliyeed ee ku aaddan garab istaagga iyo taageeridda shacabka aan walaalaha nahay ee Suudaan.

Iman Mohamed Jama, Hiiraan Online
[email protected]











Click here
4/22/2019 4:14 PM EST
Isniin, April, 22, 2019 (HOL)–Waxaa magaalada Nairobi ee dalka Kenya ku soo dhamaaday shir ay halkaa ku lahaayeen siyaasiyiin iyo qaar ka mid xisbiyada mucaaradka dalka.

4/22/2019 1:10 PM EST
Isniin, April, 22, 2019 (HOL) – Taliska howlgalka midowga Africa AMISOM ayaa jawaab ka bixiyay sawir dad badan ka careysiiyay oo 24kii saac ee la soo dhaafay hadal heyntiisu ku badneyd baraha bulshada.

4/22/2019 11:54 AM EST
Isniin, April, 22, 2019 (HOL) – Maxkamadda darajada koowaad ee gobolka Bari ayaa maanta xukun ku riday sarkaal ka tirsan wasaaradda maaliyadda oo lagu helay eedeymo musuq maasuq.

4/22/2019 11:33 AM EST
Isniin, Apriil, 22, 2019 (HOL)- Wasiirka gaadiidka iyo jidadka Somaliland Cabdilaahi Abokor CIsmaan ayaa sheegay inay wadaan qorshe ay doonayaan inay ku yareeayan shilalka soo noqnoqday ee maalin walba ka dhaca.

4/22/2019 8:40 AM EST
Tartankii Ciyaaraha Kubadda Cagta ah oo uga socday Magaaladda Columbus ee Gobolka Ohio Soomaalida Maraykanka & Canada ayaa shalay lasoo gabagabeeyey tartankan oo la qabto sanad kasta hadeer oo kale ayaa sanadkaan ahaa kii 19aad soona bilowday 17 bishaan April ayaa shalay la soo gabagabyey

4/22/2019 4:18 AM EST
Isniin, April, 22, 2019 (HOL)-Qarax gaar lagu soo xiray ayaa goor dhaw ka dhacay Waddada Tarbuunka ee degmada Hodan sida ay warbaahinta u sheegeen dad goobjoogayaal ah.

4/22/2019 4:09 AM EST
Isniin, April, 22, 2019 (HOL) –Madaxweynaha dowladda Soomaaliya Maxamed Cabdullaahi Farmaajo oo maalintii shalay khudbad ka hor jeedinayay shirka magaalada Muqdisho uga furmay culima’udiinka Soomaaliyeed, ayaa sheegay in dowladdiisu xiligan wajeyso dhaqaale xumo baahsan.

4/22/2019 12:49 AM EST
Isniin, April, 22, 2019 (HOL) – Ugu ayaraan 17 ruux ayaa ku dhimatay dhul ku go'ay koonfurta-galbeed ee Colombia Axaddii, sida ay masuuliyiintu sheegeen.

4/22/2019 12:43 AM EST
Isniin, April, 22, 2019 (HOL)–Ciidamada dowladda Soomaliya ayaa xalay howlgal amniga lagu sugayo ka sameeyay qeybo ka mid ah degmada Hodan ee gobolka Banaadir iyaga oo howlgalkaa ku soo qab qabtay tiro dad ah.

4/22/2019 12:34 AM EST
Isniin, April, 22, 2019 (HOL)-Magaalada Muqdisho waxaa shir uga socdaa xubno ka socda guddoomiyada joogtada ah ee Golaha Shacabka iyo Guddiga joogtada Golaha Wakiilada Puntland oo maalmahan ku sugnaa magaalada Muqdisho.