Dowlad Gobolleedyada : Qoraalka madaxweyne Farmaajo wuxuu carqalad ku yahay daadaallada khilaafka lagu xalinayo ee Aqalka sare
Isniin, October, 29, 2018 Afhayeenka Golaha Iskaashiga Dowlad gobolleedyada Cabdullaahi Sheekh
Xassan ayaa sheegay in ay u arkayaan warqada la sheegay in ay ka soo baxday
xafiiska madaxweynaha dowladda Soomaaliya Maxamed Cabdullaahi Farmaajo mid lagu
carqaladeynayo sida uu hadalka u dhiggay waanwaanta Aqalka Sare.
‘’Annaga ma
jirto Qoraal ka soo baxay madaxweynaha dowladda Soomaaliya oo si rasmi ah noo
soo gaaray, laakiin waan arkeynay warqad baraha bulshada la wareejinayo oo la
leeyahay madaxweynaha ayeey ka soo baxday,xitaa haddii ay dhab tahay in
warqadaasi madaxweynaha ka soo baxday waxaan u aragnaa mid lagu carqaladeynayo
dadaallada Aqalka sare ee la doonayo in lagu xaliyo khilaafka jira’’ ayuu yiri
afhayeenka Golaha Iskaashiga dowlad gobolleed-yada.
Mar wax
laga weydiiyay waxa ay ku diidan yihiin in Muqdisho lagu shiro ayuu yiri’’
Dabcan haddii Muqdisho lagu shirayo iyo haddii Marka lagu shirayo intaba waxa
aan ka sugeyno waa aqalka sare, ilaa iyo haddana kama maqal waan ku
guuldareysanay waanwaantii aan wadnay marka iyaga aan ka war sugno’’ ayuu
hadalkiisa sii raaciyay.
Khilaafka u dhaxeeya dowladda dhexe iyo madaxda
maamul goboleedyada ayaa xoogeystay tan iyo markii magaalada Kismaayo ay golaha
iskaashiga ku yeesheen shir wadatashi ah, ilaa haddana ma jirto isku soo
dhawaansho labada dhinac ah.
C/raxmaan Diini, Hiiraan
Online
[email protected]