10/21/2018
Today from Hiiraan Online:  _
Wararka Maanta- Talaado, May 15, 2018
Somaliland oo looga dabaal-degay 18ka May



Talaado, May, 15, 2018 (HOL)–Guud ahaa  gobollada Somaliland  waxaa si weyn loogu dabaaldegay gooni isku taaga Somaliland ee 18 May oo laga soo hormariyay waqtigii caadiga ahaa la dhigi jiray bilasha bisha Ramadaan awgeed.

Magaalooyinka waaweyn ayaa dad-weynuhu iskugu soo baxeen garoomada waaweyn ee khayridda, waxaana jidka marayey Ciidamo iyo Shacab ku labisan calanka Somaliland oo gaardis ku marayey dadweynaha hortoodda.

Ururadda bulshada iyo ardayda ayaan ka maqnayn gaardiska oo koox waliba waxay ka shaqayso muujinaysay.

Goobta ciidanku marayeen waxaa joogay madaxweyne Muuse Biixi, madaxweynihii hore Daahir Rayaale Kaahin, madaxweynaha Khatuumo Cali Khaliif Galayr, shir-gudoonka guurtidda iyo wakiiladda, safiirka Itoobiya u jooga Hargeysa, wefti ka socda Dawlad deegaanka Soomaalida Itoobiya, wakiilka Jabuuti u jooga Somaliland iyo marti sharaf kale.

Sidoo kale, waxaa la joojiyey isku socodkii gaadiidka oo wixii saakay lixdii ka dambeeyey lama ogolayn in magaaladda dhexdeeda soo galaan gaadiidka iyo isku socodka dhexdeeda, hasse ahaatee markii xafladu dhamaatay waxa la fasaxay gaadiidka, waxana suuqyada cidhiidhi galiyey gaadiid lagu sharaxay sawirka Somaliland oo koon iyo heeso wadani sameexado ku xidhay, kuwaas oo wadooyinka waaweyn marayey.

Dhinaca kale, waxaa maanta si weyn loo hadal hayey dagaalka ka dhacay Tuko Raq, oo dadweynuhu iska waraysanayaan dagaalka.

Barkhad-ladiif M. Cumar, Hiiraan Online

[email protected]

Hargeysa, Somaliland.







Click here
5/15/2018 3:35 PM EST
Talaado, May, 15, 2018 (HOL)– Inta badan wadamada Muslimka ah oo ay ku jiraan Sacudiga iyo Indonesia ayaa sheegay in maalinta Arbacada oo Barri ku beegan la buuxin doono 30ka bisha Shacbaan.

5/15/2018 10:17 AM EST
Talaado, May, 15, 2018 (HOL)-Madaxweynaha Maxamed Cabdullaahi Farmaajo waxaa uu ka walaacsanyahay dagaalka saakay kasoo cusboonday deegaanka Tuka-raq ee Gobolka Sool, kaasoo sababay khasaaro dhimasho iyo dhaawac ah.

5/15/2018 9:14 AM EST
Talaado, May, 15, 2018 (HOL)-Dagaal xoogan oo illaa saakay ka soconayey dulleedka Tukaraq ayaa haatan qaboobey walow ay jiraan rasaas maqalkeeda degaanada ugu dhow laga maqlayo.

5/15/2018 7:06 AM EST
Talaado, May, 15, 2018 (HOL)-Madaxweynaha Somaliland Muuse Biixi ayaa ka hadlay dagaalka saakay ka dhacay deegaanka Tuko-raq, waxaanu ku eedeeyey Soomaaliya inay dagaalkaasi ku soo qaaday,isla markaana ay iska difaaceen.

5/15/2018 2:00 AM EST
Talaado, May. 15, 2018 (HOL)-Ra'iisul Wasaare ku-xigeenka Xukuumadda Federaalka Soomaaliya, Mudane Mahdi Maxamuud Guuleed Khadar oo safar shaqo ku jooga magaalada Ankara ee dalka Turkiga ayaa waxa uu kulan la yeeshay dhiggiisa Dalkaas, Dr Recep Akdag.

5/15/2018 1:42 AM EST
Talaado, May. 15, 2018 (HOL)–Subaxnimadii hore ee saakay ayaa dagaal laysku adeegsanayo hubka waaweyn uu ka bilaawday deegaanka Tukaraq oo Laascaanood Bari uga beegan 52Km.

5/15/2018 1:01 AM EST
Talaado, May. 15, 2018 (HOL)–Wararka ka imanaya gobolka Sool ayaa sheegaya in goor dhaw uu dagaal culus dib uga qarxay deegaanka Tuka-Raq oo bilihii ugu danbeeyayba ay ka jirtay xiisad coladeed oo u dhaxeysa Soomaaliland iyo Puntland.

5/15/2018 12:21 AM EST
Talaado, May. 15, 2018 (HOL)–Dagaal markiisii hore ku bilaawday Al-shabaab iyo dad xoolo dhaqato ah laakiin markii danbe ay ku biireen ciidamada dowladda Soomaaliya ayaa ka soconaya qeybo ka mid ah gobolka Hiiraan.

5/15/2018 12:11 AM EST
Talaado, May. 15, 2018 (HOL)–15-ka May maalinta dhalinyarada Soomaaliyeed kuna beegan aas aaskii Ururkii dhaliyarada SYL ayaa lagu wadaa in munaasabado lagu weyneynaayo lagu qeybaha kala duwan ee dalka.

5/15/2018 12:02 AM EST
Talaado, May. 15, 2018 (HOL)–Waxaa magaalada Baydhabo ee xarunta gobolka Baay ka soconaya maalintii labaad shir ay halkaa ku leeyihiin madaxda dowlad gobolleedyada dalka Soomaaliya.