5/26/2018
Today from Hiiraan Online:  _
Wararka Maanta- Talaado, May 15, 2018
Faah faahin ku saabsan dagaalka Tuka-Raq


 

Talaado, May, 15, 2018 (HOL) - Dagaal xoogan oo illaa saakay ka soconayey dulleedka Tukaraq ayaa haatan qaboobey waloow ay jiraan rasaas maqalkeeda degaanada ugu dhow laga maqlayo.

Dagaalkan oo ah kii ugu cuslaa ee laba ciidan dhexmara ayaa khasaare xoogan uu soo gaadhey labada dhinac iyadoo dhimashada ciidanku ay aad u badan tahay, dhaawacuna uu ka muuqdo goobaha caafimaad ee labada dhinac.

Maamulka Puntland war saxaafadeed ka soo baxay madaxtooyada ayaa waxa ay ku sheegeen in maamulka Somaliland duulaanka ku soo qaaday, halka madaxweynaha Somaliland Muuse Biixi Cabdi uu sidoo kale ku eedeeyey in Puntland ku soo duushey guulna ay ka soo hooyeen ciidamadoodu.

Ma jiraan dad dhexdhexaad ah oo ku sugan halka dagaalku ka dhacayo, waxase qasaaraha labada dhinac la sheegayaa in uu yahay mid aad u badan, iyadoo gaadiid la kala qabsaday qaarna la gubey labada dhinacba.

Dhinaca Puntland waxa ay sheegteen in ay qabsadeen sadex gaadhi oo mid ka mid ah uu Beebee yahay, waxaase dad ku sugan tuulada God-qaboobe ay ii sheegeen in ay arkeen Beebeega xili hore oo maanta ah.

Dhinaca Somaliland waxa ay sheegteen 4 gaadhi oo kuwa dagaalka ah oo Kaare ku jiro walow ay Kaaraha beeniyeen dhinaca Puntland, dad reerguuraa ah waxa sheegeen in xili ay meeshaas ka cararayeen ay arkayeen Kaare ku jira meel god ah dagaal culusina ka socdey cid uu raacayna inaanay xaqiijin karin ayay sheegeen.

Dagaalka Tukaraq ayaa u muuqda mid haatan bilaabmay iyadoo awooda ciidan ee halkaas isku horfadhida ay tahay mid aan labada dhinac waxba reeban keeni karana baaba ka soo kabashadiisu adkaan doonto.

Wixii ka soo kordha dib ayaan idinkala soo socodsiin doonaa iyadoo wararku ay sheegayaan in dagaalku uu ku soo ururay magaalada Tukaraq iyo hareereheeda.

Seynab Cabdi Warsame

Laascaanood g. Sool

[email protected]





Click here
5/15/2018 3:35 PM EST
Talaado, May, 15, 2018 (HOL)– Inta badan wadamada Muslimka ah oo ay ku jiraan Sacudiga iyo Indonesia ayaa sheegay in maalinta Arbacada oo Barri ku beegan la buuxin doono 30ka bisha Shacbaan.

5/15/2018 11:29 AM EST
Talaado, May, 15, 2018 (HOL)–Guud ahaa gobollada Somaliland waxaa si weyn loogu dabaaldegay gooni isku taaga Somaliland ee 18 May, taas oo loo soo raray 15 May ka dib markii ay ku beegan tahay Ramadaan.

5/15/2018 10:17 AM EST
Talaado, May, 15, 2018 (HOL)-Madaxweynaha Maxamed Cabdullaahi Farmaajo waxaa uu ka walaacsanyahay dagaalka saakay kasoo cusboonday deegaanka Tuka-raq ee Gobolka Sool, kaasoo sababay khasaaro dhimasho iyo dhaawac ah.

5/15/2018 7:06 AM EST
Talaado, May, 15, 2018 (HOL)-Madaxweynaha Somaliland Muuse Biixi ayaa ka hadlay dagaalka saakay ka dhacay deegaanka Tuko-raq, waxaanu ku eedeeyey Soomaaliya inay dagaalkaasi ku soo qaaday,isla markaana ay iska difaaceen.

5/15/2018 2:00 AM EST
Talaado, May. 15, 2018 (HOL)-Ra'iisul Wasaare ku-xigeenka Xukuumadda Federaalka Soomaaliya, Mudane Mahdi Maxamuud Guuleed Khadar oo safar shaqo ku jooga magaalada Ankara ee dalka Turkiga ayaa waxa uu kulan la yeeshay dhiggiisa Dalkaas, Dr Recep Akdag.

5/15/2018 1:42 AM EST
Talaado, May. 15, 2018 (HOL)–Subaxnimadii hore ee saakay ayaa dagaal laysku adeegsanayo hubka waaweyn uu ka bilaawday deegaanka Tukaraq oo Laascaanood Bari uga beegan 52Km.

5/15/2018 1:01 AM EST
Talaado, May. 15, 2018 (HOL)–Wararka ka imanaya gobolka Sool ayaa sheegaya in goor dhaw uu dagaal culus dib uga qarxay deegaanka Tuka-Raq oo bilihii ugu danbeeyayba ay ka jirtay xiisad coladeed oo u dhaxeysa Soomaaliland iyo Puntland.

5/15/2018 12:21 AM EST
Talaado, May. 15, 2018 (HOL)–Dagaal markiisii hore ku bilaawday Al-shabaab iyo dad xoolo dhaqato ah laakiin markii danbe ay ku biireen ciidamada dowladda Soomaaliya ayaa ka soconaya qeybo ka mid ah gobolka Hiiraan.

5/15/2018 12:11 AM EST
Talaado, May. 15, 2018 (HOL)–15-ka May maalinta dhalinyarada Soomaaliyeed kuna beegan aas aaskii Ururkii dhaliyarada SYL ayaa lagu wadaa in munaasabado lagu weyneynaayo lagu qeybaha kala duwan ee dalka.

5/15/2018 12:02 AM EST
Talaado, May. 15, 2018 (HOL)–Waxaa magaalada Baydhabo ee xarunta gobolka Baay ka soconaya maalintii labaad shir ay halkaa ku leeyihiin madaxda dowlad gobolleedyada dalka Soomaaliya.