10/21/2018
Today from Hiiraan Online:  _
Wararka Maanta- Talaado, May 15, 2018
Shirka Baydhabo ee madaxda dowlad gobolleedyada oo galay maalintii labaad


 

Talaado, May. 15, 2018 (HOL) --Waxaa magaalada Baydhabo ee xarunta gobolka Baay ka soconaya maalintii labaad shir ay halkaa ku leeyihiin madaxda dowlad gobolleedyada dalka Soomaaliya.

Waxaa shirka jooga oo ka qeybgalaya madaxweynayaasha Puntland C/wali Maxamed Cali Gaas, madaxweynaha Jubbaland Axmed Maxamed Islaam (Axmed Madoobe), madaxeynaha Galmudug Axmed Ducaalle Geelle (Xaaf), madaxweynaha Hirshabeelle Maxamed Cabdi Waare, madaxweyne Shariif Xassan oo marti loo yahay iyo xubno kale.

Kulanka ayaa maalintii shalay lagu lafa-guray arrimo badan oo khuseeya xaalada siyaasadeed ee dalka, waxaana dhammaan madaxda maamul goboleedyada isku raaceen khubadahoodii shalay in dowladda federaalka Soomaaliya ay diidan tahay nidaamka Federaalka.

Hasse ahaatee marka dhinaca kale la eego qodobada ugu waaweyn ee shirkan lagu falanqeynayo ayaa waxaa ka mid ah Amniga iyo sidii ururka Al-shabaab looga xoreyn lahaa deegaannada ay heystaan, qeybsiga kheyraadka dalka iyo sidii wax iyaga ay isku waafaqsan yihiin ay ula hortagi lahaayeen dowladda federaalka.

Waxaa maalmihii ugu danbeeyay sii xumaanayay xiriir qaar ka mid ah maamul goboleedyada dalka iyo dowladda dhexe kadib markii ay isku khilaafeen go’aanka dowladda dhexe ay ka qaadatay khilaafka qaar ka mid ah dalalka carabta.

C/raxmaan Diini, Hiiraan Online
[email protected]







Click here
5/15/2018 3:35 PM EST
Talaado, May, 15, 2018 (HOL)– Inta badan wadamada Muslimka ah oo ay ku jiraan Sacudiga iyo Indonesia ayaa sheegay in maalinta Arbacada oo Barri ku beegan la buuxin doono 30ka bisha Shacbaan.

5/15/2018 11:29 AM EST
Talaado, May, 15, 2018 (HOL)–Guud ahaa gobollada Somaliland waxaa si weyn loogu dabaaldegay gooni isku taaga Somaliland ee 18 May, taas oo loo soo raray 15 May ka dib markii ay ku beegan tahay Ramadaan.

5/15/2018 10:17 AM EST
Talaado, May, 15, 2018 (HOL)-Madaxweynaha Maxamed Cabdullaahi Farmaajo waxaa uu ka walaacsanyahay dagaalka saakay kasoo cusboonday deegaanka Tuka-raq ee Gobolka Sool, kaasoo sababay khasaaro dhimasho iyo dhaawac ah.

5/15/2018 9:14 AM EST
Talaado, May, 15, 2018 (HOL)-Dagaal xoogan oo illaa saakay ka soconayey dulleedka Tukaraq ayaa haatan qaboobey walow ay jiraan rasaas maqalkeeda degaanada ugu dhow laga maqlayo.

5/15/2018 7:06 AM EST
Talaado, May, 15, 2018 (HOL)-Madaxweynaha Somaliland Muuse Biixi ayaa ka hadlay dagaalka saakay ka dhacay deegaanka Tuko-raq, waxaanu ku eedeeyey Soomaaliya inay dagaalkaasi ku soo qaaday,isla markaana ay iska difaaceen.

5/15/2018 2:00 AM EST
Talaado, May. 15, 2018 (HOL)-Ra'iisul Wasaare ku-xigeenka Xukuumadda Federaalka Soomaaliya, Mudane Mahdi Maxamuud Guuleed Khadar oo safar shaqo ku jooga magaalada Ankara ee dalka Turkiga ayaa waxa uu kulan la yeeshay dhiggiisa Dalkaas, Dr Recep Akdag.

5/15/2018 1:42 AM EST
Talaado, May. 15, 2018 (HOL)–Subaxnimadii hore ee saakay ayaa dagaal laysku adeegsanayo hubka waaweyn uu ka bilaawday deegaanka Tukaraq oo Laascaanood Bari uga beegan 52Km.

5/15/2018 1:01 AM EST
Talaado, May. 15, 2018 (HOL)–Wararka ka imanaya gobolka Sool ayaa sheegaya in goor dhaw uu dagaal culus dib uga qarxay deegaanka Tuka-Raq oo bilihii ugu danbeeyayba ay ka jirtay xiisad coladeed oo u dhaxeysa Soomaaliland iyo Puntland.

5/15/2018 12:21 AM EST
Talaado, May. 15, 2018 (HOL)–Dagaal markiisii hore ku bilaawday Al-shabaab iyo dad xoolo dhaqato ah laakiin markii danbe ay ku biireen ciidamada dowladda Soomaaliya ayaa ka soconaya qeybo ka mid ah gobolka Hiiraan.

5/15/2018 12:11 AM EST
Talaado, May. 15, 2018 (HOL)–15-ka May maalinta dhalinyarada Soomaaliyeed kuna beegan aas aaskii Ururkii dhaliyarada SYL ayaa lagu wadaa in munaasabado lagu weyneynaayo lagu qeybaha kala duwan ee dalka.