5/26/2018
Today from Hiiraan Online:  _
Wararka Maanta- Talaado, May 15, 2018
Dagaalo u dhaxeeya ciidamada dowladda iyo Al-shabaab oo ka socda gobolka Hiiraan


 

Talaado, May. 15, 2018 (HOL) – Dagaal markiisii hore ku bilaawday Al-shabaab iyo dad xoolo dhaqato ah laakiin markii danbe ay ku biireen ciidamada dowladda Soomaaliya ayaa ka soconaya qeybo ka mid ah gobolka Hiiraan.

Nuur Maxamed Absuge oo ka mid ah saraakiisha ciidamada dowladda Soomaaliya ayaa isaga oo ku sugan gobolka Hiiraan sheegay in dagaalladii ugu danbeeyay ee dhacay lagu dilay tiro dhowr ah oo ka tirsan xoogga Al-shabaab, isaga oo dhinaca kalana sheegay in ay ka furteen u badan qoryaha fudud.

‘’Dagaalladan waxaa ay ka socdaan deegaannada Xafooley iyo Aadan Yabaal oo hoostaga gobollada Hiiraan iyo Shabeellaha dhexex, markii hore dagaalladu waxaa ay dhaxmarayeen dadka deegaanka iyo Al-shabaab, hasse ahaatee waxaa markii danbe ku biiray ciidamada dowladda oo gacan siinaya dadka deegaanka ayuu yiri ‘’ Nuur Absuge.

Sarkaalkan ayaa intaa ku daray in deegaanno dhowr ah oo ay kala wareegeen Al-shabaab hadda ku sugan yihiin ciidamada dowladda Soomaaliya.

Ilaa iyo hadda dhinca kale ma jiro wax war ah oo ka soo baxay Al-shabaab oo la xiriira dagaallada la sheegay in ay ka dhaceen deegaanno ka tirsan gobollada Hiiraan iyo Shabeellaha dhexe.

C/raxmaan Diini, Hiiraan Online
[email protected]





Click here
5/15/2018 3:35 PM EST
Talaado, May, 15, 2018 (HOL)– Inta badan wadamada Muslimka ah oo ay ku jiraan Sacudiga iyo Indonesia ayaa sheegay in maalinta Arbacada oo Barri ku beegan la buuxin doono 30ka bisha Shacbaan.

5/15/2018 11:29 AM EST
Talaado, May, 15, 2018 (HOL)–Guud ahaa gobollada Somaliland waxaa si weyn loogu dabaaldegay gooni isku taaga Somaliland ee 18 May, taas oo loo soo raray 15 May ka dib markii ay ku beegan tahay Ramadaan.

5/15/2018 10:17 AM EST
Talaado, May, 15, 2018 (HOL)-Madaxweynaha Maxamed Cabdullaahi Farmaajo waxaa uu ka walaacsanyahay dagaalka saakay kasoo cusboonday deegaanka Tuka-raq ee Gobolka Sool, kaasoo sababay khasaaro dhimasho iyo dhaawac ah.

5/15/2018 9:14 AM EST
Talaado, May, 15, 2018 (HOL)-Dagaal xoogan oo illaa saakay ka soconayey dulleedka Tukaraq ayaa haatan qaboobey walow ay jiraan rasaas maqalkeeda degaanada ugu dhow laga maqlayo.

5/15/2018 7:06 AM EST
Talaado, May, 15, 2018 (HOL)-Madaxweynaha Somaliland Muuse Biixi ayaa ka hadlay dagaalka saakay ka dhacay deegaanka Tuko-raq, waxaanu ku eedeeyey Soomaaliya inay dagaalkaasi ku soo qaaday,isla markaana ay iska difaaceen.

5/15/2018 2:00 AM EST
Talaado, May. 15, 2018 (HOL)-Ra'iisul Wasaare ku-xigeenka Xukuumadda Federaalka Soomaaliya, Mudane Mahdi Maxamuud Guuleed Khadar oo safar shaqo ku jooga magaalada Ankara ee dalka Turkiga ayaa waxa uu kulan la yeeshay dhiggiisa Dalkaas, Dr Recep Akdag.

5/15/2018 1:42 AM EST
Talaado, May. 15, 2018 (HOL)–Subaxnimadii hore ee saakay ayaa dagaal laysku adeegsanayo hubka waaweyn uu ka bilaawday deegaanka Tukaraq oo Laascaanood Bari uga beegan 52Km.

5/15/2018 1:01 AM EST
Talaado, May. 15, 2018 (HOL)–Wararka ka imanaya gobolka Sool ayaa sheegaya in goor dhaw uu dagaal culus dib uga qarxay deegaanka Tuka-Raq oo bilihii ugu danbeeyayba ay ka jirtay xiisad coladeed oo u dhaxeysa Soomaaliland iyo Puntland.

5/15/2018 12:11 AM EST
Talaado, May. 15, 2018 (HOL)–15-ka May maalinta dhalinyarada Soomaaliyeed kuna beegan aas aaskii Ururkii dhaliyarada SYL ayaa lagu wadaa in munaasabado lagu weyneynaayo lagu qeybaha kala duwan ee dalka.

5/15/2018 12:02 AM EST
Talaado, May. 15, 2018 (HOL)–Waxaa magaalada Baydhabo ee xarunta gobolka Baay ka soconaya maalintii labaad shir ay halkaa ku leeyihiin madaxda dowlad gobolleedyada dalka Soomaaliya.