12/11/2018
Today from Hiiraan Online:  _
Wararka Maanta- Sabti, Mar 10, 2018
Wasiir Cawad “ Ma jiro heshiis sharci noqonaya haddii aysan ka war-qabin dowladda Soomaaliya


 

Sabti, Maarso, 10, 2018 (HOL) - Wasiirka Wasaaradda arrimaha dibedda iyo Iskaashiga caalamiga ah ee dowladda Soomaaliya ayaa si adag uga hadlay heshiiskii saddex geesoodka ahaa dekedda Berbera, kaa oo muran iyo khilaaf cusub ka dhax abuuray dowladda iyo shirkadda laga leeyahay dalka Iskutaga Imaaraadka Carabta ee DP World.

Wasiirka Arrimaha dibedda ayaa sheegay inaanu jirin heshiis ansax noqonaya oo lagu galo dhulka Soomaaliya, kaasi oo aanay waxba ka ogeyn dowladda federaalka Soomaaliya, ansixintiisana aysan soo marin Baarlamaanka.

Wasiir Cawad ayaa Imaaraadka kaga digay in ay isku dayaan in ay faragelin ku sameeyaan Madax banaanida Soomaaliya, wuxuuna tilmaamay heshiiskaasi inuu yahay mid aanay waxba ka jirin.

“Somaliland waa dad walaalaheena ah waxaa ay ka mid yihiin ummadda Soomaaliyeed, horumarkooda waan jecel nahay, Imaaraadka qaabka ay udhaqmeen ma ahan wax wanaagsan, dacwad ayaana ka gudbinay” ayuu yiri Wasiirka oo la hadlay BBC-da.

Waxaa uu sheegay Wasiirka in Jaamacada Carabta ay isku raceen in midnimada Umadda Soomaaliyeed tahay mid aan la dhaafi karin oo aan la dafiri karin, islamarkaana aduunka iyo Carabtuba ay qirayaan, islamarkaana tahay in la ixtiraamo.

Dowladda Federaalka Soomaaliya ayaa todobaadkan fadhiga Golaha Wasiirada Jaamacadda Carabta oo ka dhacay Qaahira ku gudbisay dacawad ka dhan ah Imaaraadka, waxaana Goluhu ay soo saareen bayaan ay ku sheegeen in ay muqadas tahay madax banaanida Soomaaliya.

C/raxmaan Diini, Hiiraan Online
[email protected]







Click here
3/10/2018 2:02 PM EST
Sabti, Maarso, 10, 2018 (HOL) – Kulan ay maanta ku yeesheen magaalada Muqdisho Wasiirada Maaliyadda Dowladda Soomaaliya iyo kuwa dowlad goboleedyada ayaa kaga hadlay dar-dargelinta arrimaha hanaanka qaadista canshuuraha dalka iyo sidii loo midayn lahaa,iyagoo maanta si gaar ah uga wada hadlay kana heshiiyay mideynta casnhuuraha gadista.

3/10/2018 9:15 AM EST
Sabti, Maarso, 10, 2018 (HOL)–Afhayeenka golaha shacabka Soomaaliyeed Maxamed Cismaan Jawaari oo maanta ka hadlayay furitaanta kalfadhiga 3aad ee Baarlamanka Soomaaliya ayaa xukuumadda federaalka ka codsaday inay dardar geliso ballan qaadyo dhowr ah oo ay soo jeediyeen kal fadhigii kan ka horreeyay.

3/10/2018 9:03 AM EST
Sabti, Maarso, 10, 2018 (HOL)–Koox Caafimaad ayaa u dhaqaaqa Guud agaan gobolka Sool si ay is-bedel ugu sameeyaan xanuunka Jadeecada oo waxyeelo badan ku haya guud ahaan gobolka.

3/10/2018 7:51 AM EST
Sabti, Maarso, 10, 2018 (HOL) – Madaxweynaha dowladda Soomaaliya Maxamed Cabdullaahi Farmaajo oo khudbad ka jeediyay furitaankii Kalfadhiggii saddexaad ee labada Aqal ee Soomaaliya ayaa soo hadal qaaday arrimo dhowr ah, isaga oo digniin u diray dowladdaha iyo Shikaddaha Shisheeye.

3/10/2018 7:26 AM EST
Sabti, Maarso, 10, 2018 (HOL)–Xukuumada Somaliland ayaaa sheegtay inay hakisay wada hadalkii la filayey in bishan ka bilaabmaan wadanka Jabuuti oo qorshuhu ahaa in labadda madaxweyne ku kulmaan wadankaasi.

3/10/2018 6:38 AM EST
Sabti, Maarso, 10, 2018 (HOL)–Maamulka degmada Mandera ee gobolka Waqooyi Bari Kenya ayaa gabi ahaanba xiray xadka uu la wadaago Soomaaliya gaar ahaan dhinaca degmada Beled-Xaawo ee gobolka Gedo.

3/10/2018 5:57 AM EST
Sabti, Maarso, 10, 2018 (HOL) -Degmada Afmadow oo ka tirsan gobolka J/hoose ayaa laga soo sheegayaa xaalado biyo la’aaneed oo saameeyay dadka iyo duunyada ku dhaqan halkaasi.

3/10/2018 3:32 AM EST
Sabti, Maarso, 10, 2018 (HOL) - Mid ka mid ah dalalka Carbeed oo xubin firfircoon ku leh Jaamacadda Carabta ayaa dhex dhexaadin doona dowladaha Soomaaliya iyo Imaaraadka Carabta oo markii u horeysay muddo rubuc qarni uu mad-madow soo kala dhex galay xiriirka labada dal u dhaxeeya.

3/10/2018 1:20 AM EST
Sabti, Maarso, 10, 2018 (HOL)-Waxaa Maanta lagu waddaa in Magaalada Muqdisho uu ka furmo kalfadhiga 3-aad Labada Aqal ee Soomaliya.

3/10/2018 1:16 AM EST
Guddiga Madaxa-bannaan ee Doorashooyinka Qaranka oo maal-mahaan wadatashiyo ku aadan sidii loo abbuuri lahaa wacyi-galin guud oo ku aadan suura galnimada u diyaar garowga qabashada geedi socodka qof Iyo Cod

3/10/2018 1:12 AM EST
Sabti, Maarso, 10, 2018 (HOL)-Qaxootiga Soomaaliyeed ee ku nool xerradda IFO ee dalka Kenya ayaa waxaa ay sameeyeen dibadbax ballaaran oo ay kaga soo horjeeddaan Hay’adda UNHCR.

3/10/2018 1:02 AM EST
Sabti, Maarso, 10, 2018 (HOL)-Warka ku saabsan kulanka labada hogaamiye ee Mareykanka iyo Waqooyiga Kuuriya oo ah mid hadal heyn weyn ka dhalisay dunida inteeda kale, ayaa waxaa soo baxaya in Mareykanku sharuud ku xirayo qabsoomida wada hadalladaas.

3/10/2018 12:52 AM EST
Sabti, Maarso, 10, 2018 (HOL)-Wararka naga soo gaaraya gobolka Shabeellaha dhexe ayaa sheegaya in ciidamada dowladda Soomaaliya ayaa saakay la wareegay deegaanka Gamboole oo qiyaastii 50KM dhanka Galbeed ka xiga magaalada Jowhar.