5/12/2021
Today from Hiiraan Online:  _
Wararka Maanta- Khamiis, Jun 28, 2018
Nabadsugidda Jubbaland oo Kismaayo ku soo bandhigtay rag kasoo goostay Al-shabaab


Khamiis, June, 28, 2018 (HOL)– Saraakiisha ciidamada nabadsugidda dowlad goboleedka Jubbaland ayaa magaalada Kismaayo kusoo bandhigay ilaa 12 nin oo ay sheegeen in ay kasoo goosteen maleeyshiyaadka Al-shabaab, kuwaa oo qaar kamid ah oo warbaahinta la hadlay ay sheegeen in ay ahaayeen gudoomiyeyaal tuulooyin hoostaga degmada Jamaame ee gobolka J/hoose.

Raggan ayay saraakiishu sheegeen in ay isu soo dhiibeen saraakiisha ciidamada dowlad goboleedka Jubbaland ee ku sugan aagagga dagaalka ee waqooyiga gobolka J/hoose.

Madaxa danbi baarista nabadsugidda Jubbaland G/dhexe Axmed Muuse ayaa sheegay in raggan ay xiriiro lasoo sameeyay saraakiisha ciidamada, islamarkaana ay u dulqaadan waayeen dhibaatooyin ay sheegeen in ay kala kulmaan Al-shabaab.

Mid kamid ah ragga isa soo dhiibay oo warbaahinta la hadlay ayaa sheegay in isaga iyo qaar kamid ah ragga kale ee ay wada socdaan ay go’aansadeen in ay isaga soo baxaan kooxdaasi.
Ma jiro wax war ah oo ku saabsan arintan oo kasoo baxay dhanka Al-shabaab.

Nabadsugidda Jubbaland ayaa marar badan magaalooyinka Kismaayo iyo degmooyin kale oo ka tirsan gobolka Gedo kusoo bandhigay rag ay sheegeen in ay kasoo goosteen kooxda Al-shabaab.

Xasan Nuur, Hiiraan Online
[email protected]
Kismaayo-Soomaaliya.












Click here
6/28/2018 4:42 PM EST
Khamiis, June, 28, 2018 (HOL)–Dowladda Itoobiya ayaa ugu danbeyntii Xabsiga ka sii deysay Cabdikariin Muuse Qalbi Dhagax oo ahaa sarkaal sare oo ka tirsanaa Ururka ONLF bilihii ugu danbeeyayna u xirnaa dowladda Itoobiya.

6/28/2018 11:01 AM EST
Khamiis, June, 28. 2018 (HOL)-Shirkii golaha wasiiradda Somaliland, ayaa maanta lagaga hadlay arrimaha amniga iyo xuduudaha.

6/28/2018 9:49 AM EST
Khamiis, June, 28. 2018 (HOL)-Dabley hubaysan ayaa rasaas la beegsatay saldhiga ku yaala badhtamaha magaalada Laascaanood ee xarunta Gobolka Sool.

6/28/2018 8:17 AM EST
Khamiis, June, 28, 2018 (HOL)–Wararka inaga soo gaaraya Isgoyska Debka ee magaalada Muqdisho ayaa sheegaya in qof hubeysan uu goor dhaw ku dhaawacay Gabar Wariye ah oo lagu magacaabo Farxiyo Mire.

6/28/2018 5:15 AM EST
Khamiis, June, 28, 2018 (HOL)–Madaxweynaha Puntland, Cabdiweli Maxamed Cali (Gaas) ayaa isku badalay agaasimayaal guud iyo agaasime waaxeedyo, sida ku cad wareegto goor dhow ka soo baxday xafiiska madaxweynaha.

6/28/2018 5:11 AM EST
Khamiis, June, 28, 2018 (HOL)– Ugu yaraan 15 qof ayaa ku dhimatay tiro kale oo ka badan 50 qofna waa ay ku dhaawacmeen dab-qabsaday suuq ku yaalla magaalada Nairobi ee dalka Kenya.

6/28/2018 5:04 AM EST
Khamiis, June, 28, 2018 (HOL)–Jabhadda ONLF ayaa shirweyne uga furmay magaalada Asmara ee dalka Eritrea, iyadoo shirweynaha socda looga hadlayo xaaladihii u dambeeyay ee ku soo kordhay Itoobiya iyo is bedeladii dhacay.

6/28/2018 4:50 AM EST
Khamiis, June, 28, 2018 (HOL)–Iyadoo bilihii uu danbeeyay uu taagnaa khilaaf xoog leh oo soo kala dhaxgalay madaxda ugu sareysa maamul gobolleedka Galmudug, ayeey hadda ku howlan tahay dowladda Soomaaliya sidii loo dhameyn lahaa is-mar-waaga siyaasadeed.

6/28/2018 1:21 AM EST
Khamiis, June, 28. 2018 (HOL) - Hay’adda Xasaradaha Caalamka ee International Crisis Group ICG ayaa war ay soo saartay waxa ay ku sheegtay in is-marin-waaga Puntland iyo Somaliland uu marayo meel xun, kaddib markii labada maamul ay ciidamo hor leh soo dhoobeen gobolada Sool iyo Sanaag.

6/28/2018 12:53 AM EST
Khamiis, June, 28. 2018 (HOL)-Guddoomiyaha Aqalka Sare ee Soomaaliya Cabdi Xaanshi Cabdullaahi ayaa kula kulmay magaalada Nairobi ee dalka Kenye dhiggiisa golahaa Senate-ka Kenya Kennedy Lusaka.

6/28/2018 12:35 AM EST
Khamiis, June, 28. 2018 (HOL)-Madaxweynaha dalka Jabuuti Ismaaciil Cumar Geelle ayaa ku eedeeyay shirkadda DP World ee laga leeyahay dalka Imaaraadka in aysan ogoleyn hormar ay sameeyaan dekeddaha kale.