Khamiis,
June, 28, 2018 (HOL)–Iyadoo bilihii uu danbeeyay uu taagnaa khilaaf xoog leh oo
soo kala dhaxgalay madaxda ugu sareysa maamul gobolleedka Galmudug, ayeey hadda
ku howlan tahay dowladda Soomaaliya sidii loo dhameyn lahaa is-mar-waaga
siyaasadeed.
Madaxweynaha Galmudug Axmed Ducaalle Geelle Xaaf,
kuxigeenkiisa Maxamed Xaashi Cabdi (Carabey) iyo Guddoomiyaha Baarlamaanka Cali
Gacal Casir waxa ay ku sugan yihiin magaalada Muqdisho, iyada oo shalay
gelinkii dambe ay kulan la qaateen Madaxweynaha Soomaaliya.
Ilo ku dhaw dhaw xarunta madaxtooyada iyo kulamada
madaxweynaha uu la yeeshay madaxda Galmudug ayaa sheegaya in madaxweyne
Farmaajo uu ka dalbaday mas’uuliyiinta maamulka in la soo afjaro wixii khilaaf
ah ee jira.
Madaxa xukuumada Galmudug Sheekh Maxamed Shaakir Cali Xassan
ayaa lagu wadaa in saacadaha soo socda uu soo gaaro magaalada Muqdisho si uu
ugu biro wada hadallada socda.
Madaxda Galmudug ayaa hadda ku kala shaqeeya magaalooyinka
Dhuusa-mareeb iyo Cadaado, madaxweynaha iyo madaxda xukuumadda ayeey xaruntooda
tahay degmada Dhuusa-mareeb, halka madaxweyne ku-xigeenka guddoomiyaha
baarlamaanka Galmudug ku shaqeeyaan degmada Cadaado.
