Sabti, Feberaayo, 03, 2018 (HOL) - Waxaa xarunta Hay'adda
Wabarashada SAFE ee Magaalada Muqdisho lagu qabatey munaasbad ku aadan
gudoonsiinta shahaado sharaf Jaamacada Horn Of Africa, waxaana ka qayb galayey
bahda Waxbarashada, mas'uuliyiin ka kala socotey Hayadda SAFE iyo Jaamacada Horn
Of Africa iyo Marti Sharaf kale.
Ugu horeyntii intaan Shahaada la Gudoonsiin
Jaamacada Horn Of Africa waxaa halkaa ka hadley Keyse Mayow Aw Xuseen oo ah
Agaasimaha Fulinta Hayada Waxbarashada SAFE , waxaana uu sheegey in
ujeedka ay Shahaadaas u guddoonsiiyeen Jaamacada tahay markii Jaamacada Horn Of
Africa ay ka soo dhalaashey sare u qaadida tayada waxbarashada dalka.
“Jaamacada Horn Of Africa waxay Shahaadada ku gudoonsiiney
markii aan Qiimeyn ku sameyney Tayada Waxbarashada iyo deeqaha
Waxbarashada Sannadkii 2017 ay siisey Bulshada Somaaliyeed “ayuu yiri
Keyse oo sheegey in Hayada SAFE ay sidoo kale Shahaadooyin Gudoonsiin doonto
Jaamacado kale oo iyana Horumar ka gaarey waxbarashada.
Maxamed Cismaan Abba Shiikh oo ah Gudoomiyaha
Jaamacadda Horn Africa una Sharaxan Shahaadada PHD oo isna ka
hadley munaasabada ayaa ugu horeyn u mahad-celiyey Hayada SAFE oo uu
sheegey in dadaal ugu jirto sidii dalka Soomaaliyeed bulshadooda u heli
lahaayeen waxbarasho Tayadeedu sareyso waxaauu intaa sii raaciyey “ Shahaadadaan
waxay nagu Dhiiragelineysaa inaan sii Laba jibaarno adeega waxbarasho ee aan u
Hayno Ummada Soomaaliyeed” isagoo halkaas ka balan qaadey in ay sii wadayaan
deeqaha waxbarasho
Dr Cabdirisaaq Maxamed Diiriye oo ah Aqoonyahan
Soomaaliyeed ka mid ahaa Xubnihii halkaas ka hadley ayaa u mahad-celiyey
hay’adda waxbarashad SAFE oo uu sheegey in ay qabatey qiimeyn loo baahanaa si
Bulshada Soomaaliyeed u ogaadaan Jaamacadaha Tayadooda Waxbarasho
ay aad u sareysa
Hay’adda Waxbarashada SAFE Waa Hay’ada ka shaqeysa
waxbarashada Ahliga waxaana Hoosta taga dugsiyo gaaraya ilaa 300 oo Dugsi
kuwaasoo ay u Fududeysa Dugsiyadaas dhinaca Waxbarashada iyo qaadashada
Shaadooyinka waxayna ka mid tahay daladaha waxbarashada ee mudada dheer jirey
C/raxmaan Diini, Hiiraan Online
[email protected]
