Isniin, August, 27, 2018 (HOL) - Taliyaha hay’adda Nabad-sugida Soomaaliya ayaa maanta ku
soo dhaweeyay maanta magaalada Muqdisho, taliyaha hay’adda sirdoonka dalka Sudan
Gen. Salah Abdalla Mohamed (Salah Gosh)
Warkan oo lagu daabacay bogga sida goor dhow lagu
shaaciyay barta Twitterka ee NISA ayaa lagu sheegay in Agaasimaha Nabadsugida
iyo Sirdoonka Soomaaliya Xuseen Cusmaan Xuseen ayaa soo dhaweeyay wafdi uu
horkacayay taliyaha hay’adda Sirdoonka dalka Sudan (NISS) oo booqasho rasmi ku
yimid magaalada Muqdisho.
Saraakiisha ka socta dalka Suudaan ayaa markii
danbe la geeyayxrunta Taliska Nabadsugida Ex guriga Habar Khadiijo halkaasoo
wada hadalo kula leeyihiin Hoggaanka Hey’adda Nabadsugida Soomaaliya.
Ammaanka magaalada Muqdisho ayaa si aad ah loo
adkeeyay, iyadoo ciidamada Xasilinta ay xireen dhowr waddo oo halbowle u ah isu
socodka xaafadaha Muqdisho.
Labada dhinac ayaa ka wada hadlaya xiriirka wada
shaqeyn oo ay yeelan karaa waxaana booqashadan ay ka danbeysay kulan dhowaan
magaalada Khartoum ku dhex maray Taliyaha Nabad-sugida Sudan Salah Gosh iyo
Fahad Yaasiin Taliye ku-xigeenka Nabadsugida.
C/raxmaan Diini, Hiiraan
Online
[email protected]