3/29/2024
Today from Hiiraan Online:  _
Wararka Maanta- Isniin, Sept 9 , 2017
Madaxweyne Siilaanyo oo ka hadlay xasuuqa lagu hayo muslimiinta Rohingya

 

Sabti, September,9, 2017 (HOL)- Madaxweynaha Somaliland, Axmed Maxamed Siilaanyo ayaa markii ugu horeysay ka hadlay xasuuqa lagu hayo muslimiinta Rohingya ee wadanka Myanmar.

Madaxweyne Siilaanyo ayaa xukuumadda wadanka Myanmar ugu baaqay inay joojiso isir tirka iyo diin sifeynta uu ku hayo shacabka muslimiinta ah ee Rohingya,isla markaana bulshadda caalamka ugu baaqay inay ka hawlgalaan sidii loo joojin lahaa dhibaatadda lagu hayo muslimiintaasi Rohingya.

“Waxaanu ka xunahay muuqaaladda iyo warbixinadda ka dhanka ah bani’aadanimadda ee lagu hayo muslimiinta Rohingya, kuwaas oo ay gaysanayaan ciidamada Myanmar, waxaan ku boorinaynaa xukuumadda Myanmar inay joojiso qulqulatooyinka, isir tirka iyo diin sifeynta lagu hayo bulshadda Rayidka ah ee Rohingya, isla markaaana u ogolaataa in la gaadhsiiyo gargaarka bani’aadanimoo inay gadhaan dadka u baahan.”ayuu yidhi Siilaanyo.

Waxaanu intaas ku daray “Waxaan bulshadda caalamka ugu baaqaya gaar ahaan UN-ta inay joojiyaan ololaha xasuuqa ah ee lagu hayo muslimiinta Rohingya ee wadanka Myanmar.”.

Dhinaca kale, Xildhibaan Axmed Diiriye Nacnac oo ka tirsan Baarlamaanka Somaliland ayaa sheegay inay wadaan mooshin ay ku ansixinayaan sidii ciidamo loogu diri lahaa muslimiinta Rohingya si ay u difaacaan, waxaanu madaxweynaha Turkiga ka dalbaday inay usoo diraan diyaaraddo lagu qaado ciidankaasi.

“Waxaan dadka reer Somaliland u sheegayaa, arrintaa foosha xun ee ka dhacday wadanka Myanmar aad iyo aad ayaanu uga xunahay hadii aanu Somaliland nahay, shan iyo toban xildhibaan ayaanu dooneynaa inaanu mooshin ku keeno, dawladuna waa ay naga aqbashay hore ayaanu ugu sheegnay in ciidan Kamaandowsa oo shan kuna loo diro muslimiinta Rohinga ee la xasuuqayo”ayuu yidhi Xildhibaan Nacnac.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
9/9/2017 12:39 PM EST
Sabti, September, 09, 2017 (HOL) – Madaxweynaha dowladda Soomaaliya Maxamed Cabdullaahi Farmaajo ayaa kormeer ku tagay dugsiga tababarka ciidamada ee Jeneraal Goordan ee magaalada Muqdisho.

9/9/2017 9:57 AM EST
Sabti, September, 09, 2017 (HOL) – Kulankii baarlamaanka ee maanta oo ahaa mid siweyn bulshada Soomaaliyeed isha uga wada hayeen lana filayay in looga dooddo go’aankii xukuumada Soomaaliya ay ka qaadatay Ururka ONLF iyo ku wareejintii dowladda Itoobiya Cabdikariin Sheekh Muuse Qalbi-Dhagax ayaa kooram la’aan u baaqday.

9/9/2017 6:11 AM EST
Sabti, September, 09, 2017 (HOL) –Kooxo hubeysan oo la socday gaari nooca raaxada ah ayaa weerar ku qaaday gaari uu leeyahay Gudoomiye ku-xigeenka Degmada Dharkiinley.

9/9/2017 6:07 AM EST
Sabti, September, 09, 2017 (HOL) –Tartankan oo ay ku loolami doonaan ilaa 16 kooxood oo kamid ah kooxaha heerka 1-aad ee degmadaasi ayaa waxaa soo qabanqaabiyay maamulka iyo xiriirka kubadda cagta degmadaasi oo kaashanaya wasaaradda dhalinyarada iyo cayaaraha Jubaland.

9/9/2017 5:46 AM EST
Sabti, September, 09, 2017 (HOL) –Kulankii maanta ee Baarlamaanka dowladda Federaalka Soomaaliya, ayaa waxaa uu u baaqday kooram la’aan, sida uu sheegay Jawaari.

9/9/2017 2:34 AM EST
Sabti, September, 09, 2017 (HOL) –Muwaadin u dhashay dalka Mareykanka oo lagu magacaabo Maalik Alim Jones, oo 32-jir ah, ayaa maxkamadda horteeda ka qirtay in uu taageero siiyay, kana mid ahaa dagaalyahannada Al Shabaab ee ka dagaalama gudaha dalka Soomaaliya.

9/9/2017 2:09 AM EST
Sabti, September, 09, 2017 (HOL) –Rag hubeysan ayaa xalay nawaaxiga xarunta Degmada Warta Nabadda, ku dilay wiil dhallinyara ah oo la sheegay in uu ahaa Timo-jare, sida dadka deegaanka ay sheegeen.

9/9/2017 1:49 AM EST
Sabti, September, 09, 2017 (HOL) –Ra’iisul-wasaarihii hore ee Soomaaliya Cumar Cabdirashiid Sharmaarke ayaa beeniyay in dowladdii hore ee uu ra'iisul-wasaaraha ka ahaa ay Ethiopia la gashay heshiis ay labada dal isku-weydaarsanayaan maxaabiis iyo muwaadiniin.

9/9/2017 1:13 AM EST
Sabti, September, 09, 2017 (HOL) –Dowladda Qadar iyo xulafadda uu hoggaamiyo Sacuudiga, ayaa waxaa muddo dhowr bilood ah ka dhax-taagan xiisad diblomaasiyadeed, oo meeshii ugu sareysay gaartay.

9/9/2017 12:57 AM EST
Sabti, September, 09, 2017 (HOL) –Kulanka maanta ee Baarlamaanta Dowladda Federaalka ee Soomaaliya ayaa waxaa looga hadli doono arrimo ay kamid yihiin go’aankii xukuumadda ay ka qaadatay arrinta Qalbi-Dhagax, sida uu sheegay Xoghayaha Guud ee Golaha shacabka C/kariin Xaaji Cabdi (Buux).

9/9/2017 12:37 AM EST
Sabti, September, 09, 2017 (HOL) –Kooxo hubeysan ayaa xalay duleedka Magaalladda Muqdishu ku dilay askari ka tirsanaa ciidanka Booliska ee dowladda Soomaaliya, sida dadka deegaanka ay sheegeen.