11/23/2017
Today from Hiiraan Online:  _
Wararka Maanta- Sabti, Sept 9 , 2017
Xildhibaanno ku eedeeyay xukuumada baaqashada fadhigii maanta ee baarlamaanka


 

Sabti, September, 09, 2017 (HOL) – Kulankii baarlamaanka ee maanta oo ahaa mid siweyn bulshada Soomaaliyeed isha uga wada hayeen lana filayay in looga dooddo go’aankii xukuumada Soomaaliya ay ka qaadatay Ururka ONLF iyo ku wareejintii dowladda Itoobiya Cabdikariin Sheekh Muuse Qalbi-Dhagax ayaa kooram la’aan u baaqday.

Qaar ka mid ah xildhibaannada baarlamaanka Soomaaliya oo warbaahinta la hadlay ayaa si kulul ugu eedeeyay xukuumada Soomaaliya in ay si ku talagalay u baajisay fadhigii maanta, kaddib markii sida ay hadalka u dhigeen ku qalqaalisay xildhibaannada qaarkood in aysan saxiixin buugga is diiwaangalinta.

Xildhibaan Canab Xassan Cilmi ayaa sheegtay in ay jireen xubno ka tirsan gollaha xukuumada oo jooga baarlamaanka islamarkaana xildhibaannada qaarkood u sheegay in ay tagaan fadhiga laakiin aysan saxiixin buugga is diiwaangalinta.

‘’Waxaan rabaan in aan umadda Soomaaliyeed la wadaagno maanta waxa dhacay oo ahaa fool xumo ah, shacabka meel kasta oo ay joogaan waxaa ay sugayeen in Baarlamanaka uu hadlo, ka doodo wixii dalka ka dhacay ee ah arrinta ay sameysay dowladda, maanta waxaa dhacday in jid walba loo fariistay in Baarlamaanka xaruntiisa la soo geli waayo, Xukuumaddana iyadaa dadka dhahayay ha saxiixina, markii xarunta la yimid”ayay yiri Xildhibaan Canab Xasan Cilmi

Waxaa ay sheegtay in marnaba arintan aan sidaa looga hari doonin, mar walba oo dib leysugu soo laabto fadhiga baarlamaankana laga doodi doono ilaa sida ay hadalka u dhigtay xukuumadu ka qirato qaladka ay gashay.

Xildhibaan Zakariye Xaaji Maxamuud Cabdi oo isagana warbaahinta la hadlay ayaa sheegay xildhibaanno ka tirsan baarlamaanka diideen in ay saxiixaan buugga is diiwaangalinta arintaa oo uu ku tilmaamay mid sharciga baalmarsan.

Laakiin dhinaca kale isla xildhibaanno ka tirsan baarlamaanka ayaa difaacay sababta keentay baaqashada fadhigii maanta ee la filayo in uu baarlamaanku yeesho, iyaga oo taa ku micneeyay arin iska caadi ah oo inta badan la arko maalmaha ugu horeeya ee kalfadhiga baarlamaanku furmo.

Lama oga halka ay saldhigan doonto dooda ku saabsan go’aanka xukuumada ee la xiriira Ururka ONLF iyo u gacan-galintii Itoobiya Cabdikariin Sheekh Muuse oo culeys siyaasadeed ku abuuray dowladda federaalka.

C/raxmaan Diini, Hiiraan Online
[email protected]





Post your comments

9/9/2017 12:39 PM EST
Sabti, September, 09, 2017 (HOL) – Madaxweynaha dowladda Soomaaliya Maxamed Cabdullaahi Farmaajo ayaa kormeer ku tagay dugsiga tababarka ciidamada ee Jeneraal Goordan ee magaalada Muqdisho.

9/9/2017 11:07 AM EST
Sabti, September,09, 2017 (HOL)- Madaxweynaha Somaliland, Axmed Maxamed Siilaanyo ayaa markii ugu horeysay ka hadlay xasuuqa lagu hayo muslimiinta Rohingya ee wadanka Myanmar.

9/9/2017 6:11 AM EST
Sabti, September, 09, 2017 (HOL) –Kooxo hubeysan oo la socday gaari nooca raaxada ah ayaa weerar ku qaaday gaari uu leeyahay Gudoomiye ku-xigeenka Degmada Dharkiinley.

9/9/2017 6:07 AM EST
Sabti, September, 09, 2017 (HOL) –Tartankan oo ay ku loolami doonaan ilaa 16 kooxood oo kamid ah kooxaha heerka 1-aad ee degmadaasi ayaa waxaa soo qabanqaabiyay maamulka iyo xiriirka kubadda cagta degmadaasi oo kaashanaya wasaaradda dhalinyarada iyo cayaaraha Jubaland.

9/9/2017 5:46 AM EST
Sabti, September, 09, 2017 (HOL) –Kulankii maanta ee Baarlamaanka dowladda Federaalka Soomaaliya, ayaa waxaa uu u baaqday kooram la’aan, sida uu sheegay Jawaari.

9/9/2017 2:34 AM EST
Sabti, September, 09, 2017 (HOL) –Muwaadin u dhashay dalka Mareykanka oo lagu magacaabo Maalik Alim Jones, oo 32-jir ah, ayaa maxkamadda horteeda ka qirtay in uu taageero siiyay, kana mid ahaa dagaalyahannada Al Shabaab ee ka dagaalama gudaha dalka Soomaaliya.

9/9/2017 2:09 AM EST
Sabti, September, 09, 2017 (HOL) –Rag hubeysan ayaa xalay nawaaxiga xarunta Degmada Warta Nabadda, ku dilay wiil dhallinyara ah oo la sheegay in uu ahaa Timo-jare, sida dadka deegaanka ay sheegeen.

9/9/2017 1:49 AM EST
Sabti, September, 09, 2017 (HOL) –Ra’iisul-wasaarihii hore ee Soomaaliya Cumar Cabdirashiid Sharmaarke ayaa beeniyay in dowladdii hore ee uu ra'iisul-wasaaraha ka ahaa ay Ethiopia la gashay heshiis ay labada dal isku-weydaarsanayaan maxaabiis iyo muwaadiniin.

9/9/2017 1:13 AM EST
Sabti, September, 09, 2017 (HOL) –Dowladda Qadar iyo xulafadda uu hoggaamiyo Sacuudiga, ayaa waxaa muddo dhowr bilood ah ka dhax-taagan xiisad diblomaasiyadeed, oo meeshii ugu sareysay gaartay.

9/9/2017 12:57 AM EST
Sabti, September, 09, 2017 (HOL) –Kulanka maanta ee Baarlamaanta Dowladda Federaalka ee Soomaaliya ayaa waxaa looga hadli doono arrimo ay kamid yihiin go’aankii xukuumadda ay ka qaadatay arrinta Qalbi-Dhagax, sida uu sheegay Xoghayaha Guud ee Golaha shacabka C/kariin Xaaji Cabdi (Buux).

9/9/2017 12:37 AM EST
Sabti, September, 09, 2017 (HOL) –Kooxo hubeysan ayaa xalay duleedka Magaalladda Muqdishu ku dilay askari ka tirsanaa ciidanka Booliska ee dowladda Soomaaliya, sida dadka deegaanka ay sheegeen.