Jimco, September, 08, 2017 (HOL) - War ka soo baxay
taliska ciidamda Mareykanka ee Africa (AFRICOM) Jimcaha maanta ayaa lagu
sheegey in iyadoo iskaashi lala yeelanayo dowladda Federaalka ah ee Soomaaliya
ay ciidamada Mareykanka qaadeen weerar xagga cirka ah oo qorsheysanaa, kaas oo
lagu beegsaday Al-Shabaab Khamiistii abbaaro 2:45 Duhurnimo xilliga Soomaaliya.
Weerarka ayaa warka lagu sheegay in lagu dilay sarkaal ka tirsanaa Al-shabaab oo laakiin n magaciisa la sheegin.
Howl-galka ayaa
ka dhacay meel u dhow magaalada Baraawe oo 270 KM u jirta caasimadda Muqdisho.
Mareykanka ayaa holwgalkani fuliyay iyadoo la raacayo
awaamiirtii madaxweynaha Mareykanka uu bishii March sanadkan soo saaratay,
kuwaas oo u ogolaanaya ciidamada inay ku beegsan karaan al-Shabaab iyadoo
taageero laga helayao ciidamada Soomaaliyeed deegaannada ay ku xooggan yihiin
kooxdaasi.
Taliska Mareykanka ayaa sheegay in ay sii wadi doonaan tallaabooyinka sida ay hadalka u dhigeen lagu difaacayo Ameerikaanka islamarkaasina looga taqallusayo kooxaha
Argagixisada.
Inkastoo weerarada ay qaadayaan diyaaradaha aan duuliyaha
laheyn ee Mareykanka bilihii ugu danbeeyayba ku badnaayeen gobollada Koonfurta
iyo bartamaha Soomaaliya, ayaa haddana dhinaca kale waxaa jira saameyn mar
marka qaar duqeymaha ku yeeshaan dadka rayidka ah oo qaarkood ku dhinta.
C/raxmaan Diini,
Hiiraan Online
[email protected]