2/25/2020
Today from Hiiraan Online:  _
Wararka Maanta- Jimco, Aug 30, 2013
Xarakada Al-shabaab oo Degmada Ceelbuur kusoo bandhigay Ciidammo ay Tababar u soo Gabgabeysay (SAWIRRO)



Jimco, August 30, 2013 (HOL) — Xarakada Al-shabaab ayaa degmada Ceelbuur ee gobolka Gal-guduud kusoo bandhigtay Khamiistii shalay xoogag ka tirsan ciidamadeeda oo bilihii lasoo dhaafay uu tababar u socday.

Ciidamadan ayaa waxay dhoolla-tusyo kala duwan ku sameeyeen deegaanno ka tirsan gobolka Gal-guduud, gaar ahaan dhiniciisa bari oo ay Al-shabaab ka taliso, waxaana ciidamadan ay noqonayaan kuwii ugu horreeyay oo kooxdan ay kusoo bandhigto gobolka Gal-guduud.

“Dhawaan ayaa ciidamadan tababarka loosoo xiray, waxayna ka mid noqonayaa kuwa ka dagaalamaya gobollada dalka Soomaaliya qaarkood,” ayuu yiri guddoomiyaha gobolka Gal-guduud ee Al-shabaab, Sheekh Xasan Yacquub.

Sheekh Yacquub ayaa intaas raaciyey in ciidamadan ay ka mid noqonayaan jabhadda Cali Bin Abii Daalib ee ka dagaalanta gobolada dhexe ee Somalia, isagoo ku boorriyay in laga doonayo inay xoojiyaan dagaalka ay ku jiraan si loogu guuleysto hadafka ay Al-shabaab ka leedahay Soomaaliya.

“Waxaad dagaal kula jirtaa ciidammo Afrikaan ah oo soo duuulay iyo kuwo kale, waxaana la idinka doonayaa inaad u adkeysataan dagaalka aad kula jirtaan, mar walbana aad qalbiga ku haysaan inaad gaaraysaan halka aad higsanaysaan,” ayuu hadalkiisa ku daray Sheekh Xasan Yacquub.

Ciidamadan tababarka loosoo xiray ayaa kusoo beegamaya xilli ay gobolka Gal-guduud u magacowday dowladda Soomaaliya guddoomiye cusub, kaasoo xilka kala wareegay maalin kahor guddoomiyihii hore ee gobolkaas.

Al-shabaab oo weli ka talisa deegaanno badan oo Koonfurta iyo bartamaha Soomaaliya ku yaalla, ayaa waxay sannadkan oo keliya dhowr jeer soo bandhigtay ciidammo ay tababar usoo xirtay, kuwaasoo ay sheegtay inay kula dagaalamayso dowladda Soomaaliya iyo ciidamada AMISOM.






Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
8/30/2013 2:22 PM EST
Jimco, August 30, 2013(HOL) — Laba askari oo katirsan ciidamada maamulka Jubba State ee degmada Kismaayo ayaa maanta ku dhimatay shaqaaqo dhexmaray ciidamada dhexdooda, taasoo ka dhalatay jaad la dhacay.

8/30/2013 2:06 PM EST
Jimco, August 30, 2013(HOL) — Kulan maanta ka dhacday Hotel Qiilmawaaye ee magaalada Kismaayo, islamarkaana ay kasoo qeybgaleen Siyaasiyiin, odoyaal iyo waxgarad kasoo jeeda beesha Sade ee degta gobollada Jubooyinka ayaa lagu soo dhaweeyay heshiiskii magaalada Adisababa ee dalka Itoobiya ku dhexmaray dowladda Soomaaliya iyo maamulka Jubba State ee uu hogaamiyo Sheekh Axmed Max’ed Islaam (Axmed Madoobe).

8/30/2013 12:52 PM EST
Jimco, August 30, 2013 (HOL) — Munaasabad ballaaran oo dib loogu furayay xerada ciidamada xoogga dalka ee 21-aad oo ku taalla magaalada Dhuusa-mareeb oo ah xarunta gobolka Galguduud ayaa gelinkii dambe ee maanta lagu qabtay dhismaha xeradaas, waxaana xariga ka jaray abaanduulaha ciidamada xoogga dalka, Jen. Cabdirisaaq Khaliif Cilmi.

8/30/2013 12:51 PM EST
Jimco, August 30, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa gellinkii dambe ee maanta ka dhoofay Muqdisho, iyagoo u dhoofay dalka Sucuudiga halkaasoo la sheegay inuu u tagay cimro iyo ka qaybgalka shir aan faahfaahin laga bixin oo ka dhacayay magaalada Riyadh ee xarunta dalkaas.

8/30/2013 9:13 AM EST
Jimco, August 30, 2013 (HOL) — Hay’adda xuquuqda aadanaha ee Amnesty International ayaa ku sheegtay warbixin ay maanta oo Jimco soo saartay in weli gudaha Soomaaliya uu si baahsan uga socdo kufsiga haweenka, iyadoo hay’addu ay xustay inay jiraan dhibbanayaal badan oo aan sheegin kufsiga loo geystay iyagoo ka baqaya inay ceeboobaan.

8/30/2013 8:29 AM EST
Jimco, August 30, 2013 (HOL) — Madaxweynaha Soomaaliya Xasan Sheekh Maxamuud ayaa amniga Muqdisho iyo dagaallada ay ciidamada dowladdu kula jiraan Al-shabaab kaga hadlay maanta hadal uu shacabka Soomaaliyeed uga jeediyay warbaahinta ku hadasha afka dowladda isagoo ka warbixinayay waxqabadkii dowladdiisa oo hal sano ay u buuxsamayso bisha soo socota ee September.

8/30/2013 7:31 AM EST
Jimco, August 30, 2013 (HOL) — Ra’iisul wasaare ku-xigeenka ahna wasiirka arrimaha dibadda iyo iskaashiga caalamiga ah ee Somalia, Fowsiyo Yuusuf Xaaji Aadan oo maanta dib ugu soo laabtay Muqdisho, kaddib safar shaqo oo qaatay muddo toddobaad ka badan oo ay ku tagay dalka Shiinaha ayaa ka sheegtay shir jaraa'id oo ay ku qabatay garoonka in Shiinuhu uu mashaariic badan oo dib-u-dhis ah ka billaabayo Soomaaliya.

8/30/2013 7:00 AM EST
Jimco, August 30, 2013 (HOL) — Mas'uuliyiin ka tirsan maamulka gobolka Hiiraan oo uu horkacayay guddoomiyaha gobolka Cabdi Faarax Laqanyo, ayna kamid ahaayeen, duqa degmada Beledweyn, saraakiisha ciidamada dowladda iyo kuwa Jabuuti ee qaybta ka ah howlgalka Midowga Afrika ee AMISOM, ayaa kormeer ku tegey deegaanno ka tirsan gobolka Hiiraan.

8/30/2013 6:28 AM EST
Jimco, August 30, 2013 (HOL) — Madaxweynaha Soomaaliya Xasan Sheekh Maxamuud oo maanta ka hadlayay warbaahinta ku hadasha afka dowladda ayaa sheegay in dowladda Soomaaliya ay qorsheynayso inay wadahadallo la furto maamulka Puntland oo dhawaan ku dhawaaqay inuu xiriirka u jaray.

8/30/2013 3:55 AM EST
Jimco, August 30, 2013 (HOL) — Ciidamada nabadsugidda Soomaaliya ayaa sheegay in howgalka ay ka sameeyeen hoteello ku yaalla Suuqa Bakaaraha ee Muqdisho ay kusoo qabqabteen xubno ka tirsan Al-shabaab oo isugu jira Soomaali iyo ajnabi.

8/30/2013 3:44 AM EST
Jimco, August 30, 2013 (HOL) — Madaxwene ku-xigeenka Puntland, Jen. C/samad Cali Shire oo booqday saldhig ciidan oo ku yaalla degmada Taleex ayaa u sheegay ciidamadii ku suganaa xeradaas in la tayayn doono.

8/30/2013 3:38 AM EST
Jimco, August 30, 2013 (HOL) — Diyaarad nuuceedu ahaa Boeing 747 oo u kireysnayd shirkad laga leeyahay dalka Turkiga oo garoonka Muqdisho lagu wareejin doono si ay dib u dhis ugu sameyso, diyaaraddan ayaan muddo ku dhow 20-sano kusoo deign garoonka diyaaradaha Muqdisho.

8/30/2013 2:55 AM EST
Jimco, August 30, 2013(HOL) :- Tababarkani oo soconayay muddo laba maalin ah ayaa waxaa haween gaaraya boqol ruux u qabtey ha`yadda Samafalka SADO oo ka shaqeysa horuumarinta arrimaha bulshada, waxaana hay`addan ay ka howlgashaa goballada Bay, Gedo, Jubbooyinka iyo Galgaduud.

8/30/2013 2:26 AM EST
Jimco, August 30, 2013 (HOL) — Howlgallo baaritaanno ah oo boqollaal lagu qabqabtay ayay ciidamada dowladda Soomaaliya iyo kuwa AMISOM saakay ka sameeyeen xaafado ka tirsan degmada Huriwaa oo xalay uu dhacay iska-horimaad u dhexeeya ciidamada dowladda, kuwa AMISOM iyo Al-shabaab.

8/30/2013 2:16 AM EST
Jimce, August 30, 2013 (HOL) — Ururka suxufiyiinta Puntland ayaa cambaareeyey xarig muddo saacado ah shalay loogu geystey magaalada Garoowe labo kamid ah weriyeyaasha TV-ga caalamiga ah ee Channel-4 oo laga leeyahay dalka Britain.Weriyeyaasha la xiray oo muddo shan maalmood ah Garoowe ku sugnaa ayaa kala ah Jamaal Maxamed Cismaan iyo filim-qaade Axmed Faarax.

8/30/2013 2:02 AM EST
Jimco, August 30, 2013 (HOL) — Dagaal culus oo muddo saacad ka badan socday ayaa xalay ka dhacay degmada Ceelbarde ee gobolka Bakool, iyadoo la sheegayo inay dhinteen shan qof oo ka kala tirsanaa dhinacyadii dagaallamay.