11/12/2019
Today from Hiiraan Online:  _
Wararka Maanta- Talaado, Jun 25, 2013
Maxaabiista ku xiran Xabsiga dhexe ee Degmada Baydhabo oo cunnadii uga soomay garsoor la'aan ay Tirsanayaan


Talaado, Juun 25, 2013 (HOL) — Xabsiga dhexe ee degmada Baydhabo ayaa waxaa ku jira maxaabiis aad u tirabada oo gaaray 260 qofood oo intooda badan loosoo qabqabtay tuhunno la xiriira inay Al-shabaab ka tirsan yihiin, waxayna ka cabanayaan dhibaatooyin soo food saaray oo daryeel la'aan u badan.

Maxaabiistan loo diiday cuntadii ay u keeni jireen ehaladooda sida uu noo sheegey mid kamid ah ehallada dadkooda ku xiran yihiin xabsiga weyn ee magaalada Baydhabo.

Taliyaha xabsiga ayaa u sheegay idaacadaha Baydhabo ka howlgalaya inay maxaabiistan ku jira xabsiga Baydhabo aysan helin garsoor cadaalad ah, isagoo xusay in qaarkood uu xukumay guddoomiyihii hore ee gobolka Bay, Cabdifataax Geeseey, wuxuuna qaarkood ku xukumay xabsiyo u dhexeeya lix sano illaa 10-sano, qaarka kalena waxaa xukumay Muungaab oo ahaa guddoomiyihii maxkamadda ciidamada dowladda Soomaaliya.

“Maxaabiistan waxay cunnada uga soomeen waa garsoor la’aan haysata,” ayuu taliyaha xabsiga Baydhabo u sheegay idaacadda Warsan oo ka mid ah kuwa ka howlgala magaalada Baydhabo ee xarunta gobolka Bay.

Sidoo kale, taliyuhu wuxuu eed dusha ka saaray mas’uuliyiinta maxkamada, maamulka iyo malaaqyada gobalka, isagoo sheegay inay ka gaabsadeen in ay ka hadlaan dhibaatooyinka haysta maxaabiista ku jira xabsiga Baydhabo.

“Muddo saddex maalmood ah maaxabiistu cunno ma cunin oo way diideen in ay cunnada cunaan iyo sidoo kalen inaan lasoo geli karin qolka ay ku jiraan ee ay maxbuuska ku yihiin,” ayuu taliyuhu hadalkiisa ku daray.

Ugu dambeyn, taliyaha xabsiga Baydhabo ayaa sheegay in maxaabiista qaar ay yihiin kuwo halkaas la isaga soo xiray oo aanay jirin cid dambiyada lagu haysto sheegtay, wax garsoor ahna aan lasoo marsiin.

Hiiraan Online, Baydhabo










Click here
6/25/2013 12:39 PM EST
Boqorkii dalka Qatar Sheekh Xamad Bin-Khaliifa Althaanii ayaa si rasmi ah xukunka ugu wareejiyay wiilkiisa Sheekh Tamiim Bin Xamad Althaanii, iyadoo ay noqonayso markii ugu horreysay oo taariikhda wadamada carabta uu boqor si iskiisa xilka isaga wareejiyo.

6/25/2013 8:13 AM EST
Talaado, Juun 25, 2013 (HOL) — Wafdi uu hoggaaminayay wasiirrka difaaca ee xukuumadda Soomaaliya, C/xakiin Xaaji Max'uud Fiqi safiirka dowladda Jabuuti ee Soomaaliya Dayib Dubad Rooble, xildhibaanno iyo guddoomiyaha maamulka gobolka Hiiraan Cabdi Faarax Laqanyo oo maalmihii ugu danbeeyay howlo shaqo u joogay magaalada Muqdisho ayaa maanta gaaray magaalada Baladweyne ee xarunta gobolka Hiiraan.

6/25/2013 7:53 AM EST
Talaado, Juun 25, 2013 (HOL) — Dagaalkan oo u dhexeeyay ciidammo ka tirsan kuwa dowladda Soomaaliya oo mushaar la’aan uga soo gadooday degmada Qansax-dheere ee gobolka Bay iyo xoogagga Al-shabaab ayaa ka dhacay deegaanka Goof-guduud oo u dhexeysa degmooyinka Baydhabo iyo Qansax-dheere.

6/25/2013 7:52 AM EST
Talaado, Juun 25, 2013 (HOL) — Wafdi ka tirsan dowladda Soomaaliya ayaa ka qaybgalaya shir-goboleedka dalalka Carabta ee looga hadlayo dadka iyo horumarinta (Regional Conference on Population and Development in the Arab states), kaasoo ka soconaya Dusit Thani Hotel oo ku yaalla magaalada Qaahira ee xarunta dalka Masar.

6/25/2013 6:52 AM EST
Talaado, June 25, 2013(HOL) :- Wafdi uu hogaaminayo wasiirka warfaafinta boostada, isgaarsiinta iyo gaadiidka C/laahi Ciilmooge Xirsi ayaa maanta ka ambabaxay garoonka diyaaradaha ee magaalada Muqdisho, iyagoona kusii jeeda dalka Jabuuti.

6/25/2013 3:29 AM EST
Talaado, Juun 25, 2013 (HOL) — Madaxweynaha Soomaaliya, Xasan Sheekh, ra’iisul wasaarihiisa, Cabdi Faarax Shirdoon, guddoomiyaha baarlamaanka Soomaaliya Maxamed Cismaan Jawaari iyo madaxweynaha Puntland C/raxmaan Faroole ayaa si kala gooni-gooni ah uga tacsiyeeyay geeridii boqor C/llaahi boqor Muuse (King Kong) oo ku geeriyooday shalay dalka Finland.

6/25/2013 2:26 AM EST
Talaado, June 25, 2013(HOL) :- Ilaa afar qof ayay dhaawacyo kasoo gaareen weerar loo adeegsaday bambaanooyinka gacanta laga tuuro, kaasoo lala beegsaday goob ay dad badani ku caweeynayeen oo ku taal magaalada Wajeer, iyadoona kooxihii weerarka geeystay ay goobta isaga baxsadeen.

6/25/2013 1:44 AM EST
Talaaddo, Juun 25, 2013 (HOL)- Madaxweynaha Somaliland mudane Axmed Maxamed Maxamuud Siillaanyo, ayaa isku shaandhayn balaadhan ku sameeyey golihiisa wasiiradda, kuwaas oo uu qaar cusub keenay, qaar kalana xilalkii ay hayeen u bedelay kuwo kalana xilkiiba ka qaaday.

6/25/2013 1:11 AM EST
Talaado, Juun 15,2013 (HOL) - Salama Cash & Carry oo aheyd shirkad ganacsi oo ay inta badan ku tiirsanaayeen ganacsiga Soomaalida Koonfur Afrika ayaa waxaa dab qabsaday habeenimadii Isniinta ee 24-ka June 2013. Dabdkaan oo aan la ogeen waxa sababay ayaa guud ahaan baabi'iyay hantidii taalay goobta uu dabku ka kacay.