11/14/2019
Today from Hiiraan Online:  _
Wararka Maanta- Talaado, Jun 25, 2013
Dowladda Soomaaliya oo ka qaybgaleysa shir-goboleed dalalka Carabta oo ka socda Magaalada Qaahira (SAWIRRO)



Talaado, Juun 25, 2013 (HOL) — Wafdi ka tirsan dowladda Soomaaliya ayaa ka qaybgalaya shir-goboleedka dalalka Carabta ee looga hadlayo dadka iyo horumarinta (Regional Conference on Population and Development in the Arab states), kaasoo ka soconaya Dusit Thani Hotel oo ku yaalla magaalada Qaahira ee xarunta dalka Masar.

Shir-goboleedkani oo ay goob-joog ka yihiin wasiiro, dublomaasiyiin, madaxda qaar ka mid ah hay’adaha Qaramada Midoobay iyo kuwa gobolka, qaybaha kala geddisan ee bulshada rayidka Carbeed iyo khubaro kale.

Wafdiga Soomaaliya matalaya hogaaminaya safiirka Soomaaliya ee Qaahira ahna ergeyga joogtada ah ee ururka jaamacadda Carabta, danjire C/llaahi Xasan Maxamuud oo ay ku wehlinayaan xildhibaanono, mas’uuliyiin ka kala socda wasaaradaha arrimaha dibadda, qorsheynta, horumarinta adeegga bulshada iyo bulshada rayidka Soomaaliyeed, waxaana shirkan uu furmay 23-kii Juun iyadoo lagu wado in la soo xiro gelinka dambe ee maalinta Arbacada oo ku beegan 26-ka Juune .

Shir-goboleedkani oo looga doodayo caqabadaha diiddan in horumar la sameeyo iyo isbadalada tirada dadka ku nool dalalka carbeed oo si aad ah isku bedelay, ayaa qaar ka mid ah dalalka Carbeed lagu daray shirgudoonka wareegga ah ee xilliyeysan, waxaana maanta Soomaaliya ay shir-gudoomin doontaa shir goboleedkan muddo saacado ah, iyadoo lagu wado in hadal uu ka  jeediyo shirka xoghayaha guud ee jaamacadda Carabta, Dr. Nabiil Al-Carabi .

Safiirka Soomaaliya ee Qaahira, danjire Cabdullaahi Xasan ayaa wuxuu ka sheegay kulanka in kooxda Al-shabaab ay tahay caqabadda hortaagan in horumar la gaarsiiyo dadka ku nool deegaannada kooban ee ay gacanta ku hayaan, isagoo xusay in dowladdu ay dadaal ku bixineyso sidii loo horumarin lahaa deegaannada miyiga ah, wuxuna tilmaamay in aqoonyahanno Somali ah oo dalka uu u baahan yahay ay macallimiin ka yihiin jaamacado ku yaalla dalalka Yurub iyo Ameerika, taasina ay qayb ka tahay buu yiri caqliga wax-galka ah ee barakacay.

Wasiiro kala matalayay dalalka Ciraaq, Suudaan iyo Falastiin ayaa waxay ku taliyeen in baaq loo jeediyo dadka aqoonyahannada ah ee Carbeed ee hadda ka howlgalaya dalalka reer galbeedka si ay dib ugu soo laabtaan dalalkooda oo ay ka shaqeeyaan horumarkooda, sidoo kalena waxay ku taliyeen in xad loo yeelo dadka aqoonta leh ee u barakacaya dalalka kale ee caalamka, taas oo ay ku sheegeen inay keeni karto in dallaka Carabta ay aqoontoodu hoos u dhacdo.







Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/25/2013 12:39 PM EST
Boqorkii dalka Qatar Sheekh Xamad Bin-Khaliifa Althaanii ayaa si rasmi ah xukunka ugu wareejiyay wiilkiisa Sheekh Tamiim Bin Xamad Althaanii, iyadoo ay noqonayso markii ugu horreysay oo taariikhda wadamada carabta uu boqor si iskiisa xilka isaga wareejiyo.

6/25/2013 8:44 AM EST
Talaado, Juun 25, 2013 (HOL) — Xabsiga dhexe ee degmada Baydhabo ayaa waxaa ku jira maxaabiis aad u tirabada oo gaaray 260 qofood oo intooda badan loosoo qabqabtay tuhunno la xiriira inay Al-shabaab ka tirsan yihiin, waxayna ka cabanayaan dhibaatooyin soo food saaray oo daryeel la'aan u badan.

6/25/2013 8:13 AM EST
Talaado, Juun 25, 2013 (HOL) — Wafdi uu hoggaaminayay wasiirrka difaaca ee xukuumadda Soomaaliya, C/xakiin Xaaji Max'uud Fiqi safiirka dowladda Jabuuti ee Soomaaliya Dayib Dubad Rooble, xildhibaanno iyo guddoomiyaha maamulka gobolka Hiiraan Cabdi Faarax Laqanyo oo maalmihii ugu danbeeyay howlo shaqo u joogay magaalada Muqdisho ayaa maanta gaaray magaalada Baladweyne ee xarunta gobolka Hiiraan.

6/25/2013 7:53 AM EST
Talaado, Juun 25, 2013 (HOL) — Dagaalkan oo u dhexeeyay ciidammo ka tirsan kuwa dowladda Soomaaliya oo mushaar la’aan uga soo gadooday degmada Qansax-dheere ee gobolka Bay iyo xoogagga Al-shabaab ayaa ka dhacay deegaanka Goof-guduud oo u dhexeysa degmooyinka Baydhabo iyo Qansax-dheere.

6/25/2013 6:52 AM EST
Talaado, June 25, 2013(HOL) :- Wafdi uu hogaaminayo wasiirka warfaafinta boostada, isgaarsiinta iyo gaadiidka C/laahi Ciilmooge Xirsi ayaa maanta ka ambabaxay garoonka diyaaradaha ee magaalada Muqdisho, iyagoona kusii jeeda dalka Jabuuti.

6/25/2013 3:29 AM EST
Talaado, Juun 25, 2013 (HOL) — Madaxweynaha Soomaaliya, Xasan Sheekh, ra’iisul wasaarihiisa, Cabdi Faarax Shirdoon, guddoomiyaha baarlamaanka Soomaaliya Maxamed Cismaan Jawaari iyo madaxweynaha Puntland C/raxmaan Faroole ayaa si kala gooni-gooni ah uga tacsiyeeyay geeridii boqor C/llaahi boqor Muuse (King Kong) oo ku geeriyooday shalay dalka Finland.

6/25/2013 2:26 AM EST
Talaado, June 25, 2013(HOL) :- Ilaa afar qof ayay dhaawacyo kasoo gaareen weerar loo adeegsaday bambaanooyinka gacanta laga tuuro, kaasoo lala beegsaday goob ay dad badani ku caweeynayeen oo ku taal magaalada Wajeer, iyadoona kooxihii weerarka geeystay ay goobta isaga baxsadeen.

6/25/2013 1:44 AM EST
Talaaddo, Juun 25, 2013 (HOL)- Madaxweynaha Somaliland mudane Axmed Maxamed Maxamuud Siillaanyo, ayaa isku shaandhayn balaadhan ku sameeyey golihiisa wasiiradda, kuwaas oo uu qaar cusub keenay, qaar kalana xilalkii ay hayeen u bedelay kuwo kalana xilkiiba ka qaaday.

6/25/2013 1:11 AM EST
Talaado, Juun 15,2013 (HOL) - Salama Cash & Carry oo aheyd shirkad ganacsi oo ay inta badan ku tiirsanaayeen ganacsiga Soomaalida Koonfur Afrika ayaa waxaa dab qabsaday habeenimadii Isniinta ee 24-ka June 2013. Dabdkaan oo aan la ogeen waxa sababay ayaa guud ahaan baabi'iyay hantidii taalay goobta uu dabku ka kacay.