11/11/2019
Today from Hiiraan Online:  _
Wararka Maanta- Talaado, Jun 25, 2013
Dad ku dhaawacmay weerar bambano oo ka dhacay degmada Wajeer


Talaado, June 25, 2013(HOL) :- Ilaa afar qof ayay dhaawacyo kasoo gaareen weerar loo adeegsaday bambaanooyinka gacanta laga tuuro, kaasoo lala beegsaday goob ay dad badani ku caweeynayeen oo ku taal magaalada Wajeer, iyadoona kooxihii weerarka geeystay ay goobta isaga baxsadeen.

Weerarkan ayaa lala xiriirinayaa xiisado mudooyinkii u danbeeyay ka dhextaagnaa beelo wada daga magalooyinka Wajeer iyo Mandeera.

Sarkaal ka tirsan booliska magaalada Wajeer ayaa warbaahinta u xaqiijiyay dhaawaca afarta qof, wuxuuna xusay in laba qof uu dhaawacoodu ahaa mid fudud halka laba kalena ay soo gaareen dhaawacyo halis ah.

“Kooxihii weerarka fuliyay waxay bam gacmeed ku tuureen goob ay dad badan ku sugnaayeen wayna baxsadeen, mana jirto cid arintaasi loo qabtay,” ayuu yiri sarkaal ka gaabsaday in magacisa la xigto oo warbaahinta la hadlay.

Xiisadahan ayaa waxay u dhexeeyaan beelaha Dagoodiye iyo Garre waxaana inta la ogyahay ay galaafteen nolosha in ka badan 60 qof, waxaana dowladda Kenya ay wadaan dadaallo lagu dhexdhexaadinayo labadan beelood oo ay u dhexeeyaan colaado ka dhashay qeybsiga kuraasta deegaanada ay wada deegaan beelahaasi.

War kasoo baxay xafiiska madaxweeynaha dalka Kenya Uhuru Kenyatta ayaa lagu sheegay in dowladdu ay tallaabo ka qaadi doonto dadka hurinaya colaadaha u dhexeeya beelaha ku dagaalamaya magaalooyinka Wajeer iyo Mandeera.

Weerarkan bambaano ee ka dhacay magaalada Wajeer ayaa kusoo beegmaya xilli rabshado shalay ka dhacay magaaladaasi ay ku dhinteen laba qof, waxaana rabashadahaasi ay ka danbeeyeen kadib markii dad careeysan ay xanibeen isu socodkii gaadiidka ee u dhexeeyay magaalooyinka Wajeer iyo Mandeer.

Xasan Nuur, Hiiraan Online
[email protected]
Kismaayo-Soomaaliya.










Click here
6/25/2013 12:39 PM EST
Boqorkii dalka Qatar Sheekh Xamad Bin-Khaliifa Althaanii ayaa si rasmi ah xukunka ugu wareejiyay wiilkiisa Sheekh Tamiim Bin Xamad Althaanii, iyadoo ay noqonayso markii ugu horreysay oo taariikhda wadamada carabta uu boqor si iskiisa xilka isaga wareejiyo.

6/25/2013 8:44 AM EST
Talaado, Juun 25, 2013 (HOL) — Xabsiga dhexe ee degmada Baydhabo ayaa waxaa ku jira maxaabiis aad u tirabada oo gaaray 260 qofood oo intooda badan loosoo qabqabtay tuhunno la xiriira inay Al-shabaab ka tirsan yihiin, waxayna ka cabanayaan dhibaatooyin soo food saaray oo daryeel la'aan u badan.

6/25/2013 8:13 AM EST
Talaado, Juun 25, 2013 (HOL) — Wafdi uu hoggaaminayay wasiirrka difaaca ee xukuumadda Soomaaliya, C/xakiin Xaaji Max'uud Fiqi safiirka dowladda Jabuuti ee Soomaaliya Dayib Dubad Rooble, xildhibaanno iyo guddoomiyaha maamulka gobolka Hiiraan Cabdi Faarax Laqanyo oo maalmihii ugu danbeeyay howlo shaqo u joogay magaalada Muqdisho ayaa maanta gaaray magaalada Baladweyne ee xarunta gobolka Hiiraan.

6/25/2013 7:53 AM EST
Talaado, Juun 25, 2013 (HOL) — Dagaalkan oo u dhexeeyay ciidammo ka tirsan kuwa dowladda Soomaaliya oo mushaar la’aan uga soo gadooday degmada Qansax-dheere ee gobolka Bay iyo xoogagga Al-shabaab ayaa ka dhacay deegaanka Goof-guduud oo u dhexeysa degmooyinka Baydhabo iyo Qansax-dheere.

6/25/2013 7:52 AM EST
Talaado, Juun 25, 2013 (HOL) — Wafdi ka tirsan dowladda Soomaaliya ayaa ka qaybgalaya shir-goboleedka dalalka Carabta ee looga hadlayo dadka iyo horumarinta (Regional Conference on Population and Development in the Arab states), kaasoo ka soconaya Dusit Thani Hotel oo ku yaalla magaalada Qaahira ee xarunta dalka Masar.

6/25/2013 6:52 AM EST
Talaado, June 25, 2013(HOL) :- Wafdi uu hogaaminayo wasiirka warfaafinta boostada, isgaarsiinta iyo gaadiidka C/laahi Ciilmooge Xirsi ayaa maanta ka ambabaxay garoonka diyaaradaha ee magaalada Muqdisho, iyagoona kusii jeeda dalka Jabuuti.

6/25/2013 3:29 AM EST
Talaado, Juun 25, 2013 (HOL) — Madaxweynaha Soomaaliya, Xasan Sheekh, ra’iisul wasaarihiisa, Cabdi Faarax Shirdoon, guddoomiyaha baarlamaanka Soomaaliya Maxamed Cismaan Jawaari iyo madaxweynaha Puntland C/raxmaan Faroole ayaa si kala gooni-gooni ah uga tacsiyeeyay geeridii boqor C/llaahi boqor Muuse (King Kong) oo ku geeriyooday shalay dalka Finland.

6/25/2013 1:44 AM EST
Talaaddo, Juun 25, 2013 (HOL)- Madaxweynaha Somaliland mudane Axmed Maxamed Maxamuud Siillaanyo, ayaa isku shaandhayn balaadhan ku sameeyey golihiisa wasiiradda, kuwaas oo uu qaar cusub keenay, qaar kalana xilalkii ay hayeen u bedelay kuwo kalana xilkiiba ka qaaday.

6/25/2013 1:11 AM EST
Talaado, Juun 15,2013 (HOL) - Salama Cash & Carry oo aheyd shirkad ganacsi oo ay inta badan ku tiirsanaayeen ganacsiga Soomaalida Koonfur Afrika ayaa waxaa dab qabsaday habeenimadii Isniinta ee 24-ka June 2013. Dabdkaan oo aan la ogeen waxa sababay ayaa guud ahaan baabi'iyay hantidii taalay goobta uu dabku ka kacay.