Isniin, Jannaayo 07, 2013 (HOL) — Afhayeenka AMISOM, Col. Cali Aadan Xumud ayaa sheegay inuu si fiican u socdaan howlgalka lagu adkaynayo amniga magaalada Muqdisho ee xarunta Soomaaliya, isagoo intaas ku daray in howgallada lagu sugayo ammaanka ay si wadajir ah u fulinayaan habeen iyo maalin booliiska dowladda Soomaaliya iyo kuwa AMISOM.
Col. Xumad Kornayl Cali Aadan Xumud ayaa xusay in shacbka Soomaaliyeed ee ku nool caasimadda ay si wanaagsan u soo dhaweeyeen howgallada ayna shacabku dareemeen jawi nabadeed, isagoo shacabka ugu baaqay inay ciidamada gacan ku siiyaan sidii lagu heli lahaa kuwa ammaan-darrada wada.
"Howgalladan markii ay billowdeen waxay ciidamadu soo qabqabteen hub iyo xubno looga shakisan yahay inay ku lug leeyihiin falal ammaan-darro ee Muqdisho ka dhici jiray," ayuu yri afhayeenka oo u warramayay Bar-kulan isagoo intaas ku daray in howlgalladan ay socon doonaan inta laga xaqiijinayo ammaanka guud ee Muqdisho.
Afhayeenku wuxuu hoosta ka xariiqay in ciidamada booliiska ah ee isku-dhafan ay naftooda u hurayaan sidii ay ku xaqiijin lahaayeen ammaanka guud ee Muqdisho oo ah xarunta Soomaaliya si shacabku ay u helaan ammaan buuxa oo ay isku halleyn karaan.
"Ciidanka booliiska ah ee howlgallada wada waxay suuro-geliyeen in dadkii qurbaha ku noolaa ay dib ugu soo laabtaan Muqdisho," ayuu yiri afhayeenka AMISOM oo ku tilmaamay howsha ay ciidamada booliisku wadaan mid guulo la taaban karo laga gaaray.
Sidoo kale, afhayeenku wuxuu ugu baaqay qurbo-joogta Soomaaliyeed inay dib ugu soo laabtaan dalkooda oo ah aysan jirin meel ay dunida ku dooran karaan ayna ka qayb-qaataan dhismaha iyo nabadeynta dalkooda.
Hadalka afhayeenak AMISOM ayaa wuxuu kusoo beegmayaa xilli ay Muqdisho ay ka socdaan howgallo lagu adkeynayo ammaanka, inkastoo sannadkii hore dhowr jeer la weeraray xarunta madaxtooyada Soomaaliya oo ah halka ay ku shaqeyaan madaxda dowladda federaalka Soomaaliya.
Maxamed Xaaji Xuseen, Hiiraan Online
[email protected]
Muqdisho, Soomaaliya
Afhayeenka AMISOM oo sheegay in Booliiska Dowladda Soomaaliya iyo kuwa AMISOM ay xaqiijiyeen ammaanka Muqdisho
More News
- Baarlamaanka Puntland oo cod aqlabiyad ah ku meel-mariyay Miisaaniyadda ay Dowladdu ku shaqeyso Sannadkii 2013.
- Jaamacad loogu magac daray Somali International University [SIU] oo laga furay Magaalada Muqdisho
- Wasiirka Ammaanka Maamulka Puntland: “Puntland cidna marti ugama ahan ku Dhaqanka Shareecada Islaamka”
- AMISOM oo sheegtay inay la shaqeynayso Hay’adda Nabadsugidda Qaranka si ammaan loogu soo rogo Soomaaliya
- Golaha Wasiirada Xukuumada Somalia oo yeeshay shir ay uga hadleen arrimo ay ugu horreeyaan ammaanka
- Wasiirka Maaliyadda Somaliland oo sheegay in heshiis laga gaaray khilaaf soo dhexgalay Wasaaraddiisa iyo shirkadaha Jaadka
- Madaxweynah Soomaaliya oo ka qaybgalay xirtaanka Kal-fadhigii Koowaad ee Baarlamaanka Soomaaliya
- Weerar Bambaano oo lagu qaaday saldhig ay ciidamada Dowlada ku leeyihiin Bartamaha Magaalada Kismaayo
- Wasiirro ka tirsan Xukuumadda Kenya oo Dalbaday in Xaafadda Islii [Easleigh] laga soo saaro Saraakiisha Ciidamada Howlgallada wada
- Mas'uuliyiin ka tirsan Xisbiga DADKA (People Party) oo socdaallo kala duwan ku maraya Deegaannoo ka tirsan Gobolka Bay
- Ciidammo fara badan oo saakay la dhoobay Xaafadaha iyo Jidadka Waaweyn ee Magaalo Xeebeedda Boosaaso
- JEN. CABDI QAYBDIID: "Waxaa billowday Qorshe lagu mideynayo Maamullada ka jira Gobollada dhexe ee Soomaaliya"