3/28/2024
Today from Hiiraan Online:  _
Wararka Maanta- Khamiis, Aug 29, 2013
WARSAME JOODAX: “Uma dulqaadanayno in Xilligan Waddooyinka Muhiimka ah ee Muqdisho lagu xiro dhagaxaan waaweyn”


Khamiis, August 29, 2013 (HOL) — Guddoomiye ku xigeenka dhinaca amniga ee maamulka gobolka Banaadir, Warsame Maxamed Xasan (Joodax) ayaa sheegay inaysan u dulqaadanayn in xilligan dhagaxaan waaweyn lagu jaro waddooyinka muhiimka ah ee magaalada Muqdisho.

Warsame Joodax oo ka hadlayay kulan looga hadlayay ammaanka Muqdisho oo shalay ka dhacay Muqdisho, ayaa sheegay in rajo weyn oo dhinaca amniga ah laga qabo Muqdisho, dhagaxaanta waddooyinka lagu xirayna ay keenayaan niyad-jab.

“Magaalada Muqdisho waxaa ka jirta nabadgalyo xilligan, umana dulqaadan doonno dhagaxaanta lagu xiray waddooyinka muhiimka ah, waxaana ugu baaqaynaa madaxda dowladdu inay arrintan wax ka qabtaan,” ayuu Joodax ku yiri hadal uu jeediyay.

Guddoomiye ku xigeenka dhinaca amniga ee maamulka gobolka Banaadir oo sii hadlaya ayaa sheegay in xilligii ay Muqdisho qaybo badan oo ka mid ah ku sugnayd Al-shabaab dhagaxaan laguma xirin waddooyinka, sidaa darteed ma ogolaan karno in maanta oo ay nabad wanaagsan tahay xilligaas jidadka muhimka ah lagu jaro dhagaxaan.

“Xilligan ma jiro Al-shabaab xoog leh oo ku sugan Muqdisho, waxaan dhihi karaa waxaa jooga kuwo yar oo haddii shacabka iyo booliisku ay gacmaha is-qabsadaan lasoo qabqaban karo, marka ma ahan in laga dhigo Muqdisho meel ay cabsi ka jirto,” ayuu hadalkiisa raaciyay.

Sidoo kale, mas’uulkan wuxuu sheegay inay qorsheynayeen in caasimadda ay yimaadaan shirkado maal-gashi ku sameysta, lana horumariyo ganacsiga gobolka, dhagaxaanta waddooyinka la dhigayna waa kuwo muujinaya inaan la imaan karin Muqdisho.

Hadalka guddoomiye ku xigeenka dhinaca amniga ee gobolka Banaadir ayaa kusoo beegmaya iyadoo muddo bil ka badan ay xiran tahay waddada weyn ee isku xirta garoonka diyaaradaha Muqdisho iyo isgoyska KM-4, halkaasoo la dhigay dhagaxaan waaweyn.

Gaadiidleyda gobolka Banaadir, gaar ahaan kuwa BL-ka ayaa waxay ka cabanayeen dhawaanahan waddooyinka xiran, iyagoo sheegay in loo diiday inay maraan, halka gaadiidka yaryar oo laga baqdin qabo inay qarxyada geystaanna loo ogolaaday inay maraan waddooyinkaas la xiray.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/29/2013 12:47 PM EST
Khamiis, August 29, 2013 (HOL) — Xoogag taabacsan Al-shabaab ayaa ku qaaday weerar culus maqribnimadii caawa saldhigyo ay ciidamada dowladda Soomaaliya iyo kuwa AMISOM ku lahaayeen isgoyska SOS ee degmada Huriwaa, iyadoo aan la ogeyn khasaaraha dagaalkaas ka dhashay.

8/29/2013 12:30 PM EST
Khamiis, August 29, 2013 (HOL) — Maanta oo ay taariikhdu tahay 29-08-2013, waxaa xaflad aad loosoo agaasimay loo qabtay 35 arday oo ka qalin-jabisay Jaamacadda Muqdisho qaybteeda daraasaadka sare (Postgraduate program).

8/29/2013 12:20 PM EST
Khamiis, August 29, 2013 (HOL) — Madaxweynaha Puntland, Cabdiraxmaan Sheekh Maxamed Maxamuud (Faroole) ayaa ku eedeeyay dowladda Somaaliya inay is-hortaagtay nidaamka federaaliga ah ee la doonayo Soomaaliya in laga hirgaliyo.

8/29/2013 11:51 AM EST
Khamiis, August 29, 2013 (HOL) — Golaha wasiirrada xukuumadda Soomaaliya ayaa maanta ansixiyay heshiiskii ay dowladda Soomaaliya iyo maamulka Jubba ay ku kala saxiixdeen magaalada Addis Ababa ee xarunta Itoobiya, iyadoo sidoo kalena ay wasiirradu ansixiyeen qorshaha uu booliiska Soomaaliya ku shaqeynayo afarta sano ee soo socota.

8/29/2013 11:16 AM EST
Khamiis, August 29, 2013 (HOL) — Xarunta Dr. Shahiid ee Jaamacada Banaadir oo ku taalla deegaanka KM-13 ee duleedka Muqdisho ayaa waxaa maanta lagu qabtay imtixaanka ogolaanshaha ama qubuulka ee ardayda ku biiraysa jaamacadda oo ay u fariisteen ku dhawaad kun arday.

8/29/2013 8:51 AM EST
Khamiis, August 29, 2013 (HOL)Ergadii soo dooratay maamulka Jubbland ee uu hogaamiyo Sheekh Axmed Max’ed Islaam (Axmed Madoobe) iyo masuuliyiin ka tirsan maamulka Jubbaland ayaa si diiran usoo dhaweeyay qodobadii kasoo baxay heshiiskii magaalada Adisababa ee dalka Itoobiya ku dhexmaray dowladda Soomaaliya iyo maamulka Jubbaland.

8/29/2013 6:31 AM EST
Khamiis, August 29, 2013 (HOL) — Ergeyga Qaramada Midoobay ee Somalia Nicholas Kay ayaa soo dhaweeyay heshiiskii ay dowladda Soomaaliya iyo maamulka Jubbooyinka ku kala saxiixdeen shalay magaalada Addis Ababa ee xarunta dalka Itoobiya.

8/29/2013 5:57 AM EST
Khamiis, August 29, 2013 (HOL) — Ra’iisul wasaaraha Xukuumadda Soomaaliya, Cabdi Faarax Shirdoon (Saacid) ayaa saaka kormeer ku tegay bankiga dhexe ee Soomaaliya, halkaasoo ay ka soconeyso bixinta mushaharka shaqaalaha rayidka ah ee hay’adaha dawladda.

8/29/2013 5:34 AM EST
Khamiis, August 29, 2013 (HOL) — Kulan ay Muqdisho ku yeesheen golaha salaaddiinta, dib-u-heshiisiinta iyo wacyi-gelinta Soomaaliyeed ayaa beesha caalamka looga dalbaday inay aqbalaan baaqii ay soo jeedisay xukuumadda Soomaaliya ee ahaa inuusan wax dambi ah lahayn ganacsade Axmed Nuur Jimcaale, oo Qaramada Midoobay ku dartay liiska xubnaha argagixisada ah.

8/29/2013 2:48 AM EST
Khamiis, August 29, 2013 (HOL) — Madaxweynaha Somalia, Xasan Sheekh Maxamuud ayaa xafiiskiisa ku qaabilay Arbacadii shalay guddi ka socda Qaramada Midoobay iyo Midowga Afrika oo howshoodu tahay inay qiimeyn ku sameeyaan sidii ciidammo Qaramada Midoobey ka socda oo nabad illaalin ah loo keeni lahaa Soomaaliya.

8/29/2013 2:39 AM EST
Khamiis, August 29, 2013 (HOL) — Hay’adda Solidarity Kernel Yield (SKY) ayaa tababarkii ugu horreeyay ee ku saabsan aqoonta beeraha isugu jira khudaarta iyo geed-miroodka kale siisay beeraleyda magaalada Baydhabo ee xarunta gobolka Bay.