1/18/2019
Today from Hiiraan Online:  _
Wararka Maanta- Sabti, Apr 13, 2013
XASAN SHEEKH: “Aniga iyo Madaxweynaha Waxaan kawada Hadalnay Arrimo badan oo dani ugu jirto Shacabka Soomaaliyeed”


Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud oo wareysi siiyay idaacadda VOA-da markii lasoo gabgabeeyay shirkii uu la yeeshay madaxweynaha Somaliland ayaa sheegay in isaga iyo madaxweynaha Somaliland aysan shirka aysan uga hadlin oo keliya siyaasad, balse ay uga hadleen waxyaabo ay dani ugu jirto shacabka Soomaaliyeed.

Xasan Sheekh ayaa sheegay inay isaga soo dhawaadeen halkii ay horay u kala joogeen, isagoo rajo weyn ka muujiyay in shirarka soo socda ee dhexmaraya isaga iyo Siilaanyo ay kasoo bixi doonaan qodobbo aad uga wanaagsan kuwa kasoo baxay shirkan.

“Aniga iyo madaxweynaha amuuro aad u badan oo ku saabsan mustaqbalka dadka Soomaaliyeed ee ku nool geeska Afrika, gaar ahaan dalka Soomaaliya ayaan isugu nimid aad iyo aad ayaana uga wadahadalnay. Dhibaatooyin badan iyo duruufo horay u dhacayna way jiraan kuwo hadda taagan oo siyaasad iyo wax kale lehna way jiraan. Dadka waa dad walaalo ah masaaxil ayaana ka dhexeeya; khataro badan oo soo wajahaya oo ay tahay inay si wadajir ah uga gaashaantaanna way jiraan. Arrimaha aan kawada hadalnay siyaasad oo keliya ma ahayn dhaqaale ayay lahaayeen, amni ayay lahaayeen, meel fiican ayaana wax soo gaarsiinnay wax badanna way dhiman yihiin; arrimaha taaganna ma ahan kuwo si sahal ah lagu dhameyn karo, laakiin meeshii aan awal joognay waan isaga soo dhawaannay,” ayuu yiri madaxweynaha Somalia oo sharraxayay kulankii uu maanta la yeeshay Siilaanyo.

Sidoo kale, madaxweynuhu wuxuu sheegay in wadahadallada iyo wada-xaajoodyadu ay sii socon doonaan, isagoo xusay in waxyaabaha dhiman laga gaari doono heshiis buuxa, wuxuuse ka gaabsaday inuu sharrxaad ka bixiyo qodobbadii la isku mari waayay ee shirka lagu soo qaaday.

Mar la weydiiyay su’aal ahayd in qodobbadii siyaasadda ee la isku mari waayay ay dib u dhigteen, ayuu kaga jawaabay arrintu inaysan ahayn mid siyaasadeed oo keliya balse ay ka hadlee waxyaabaha ay dani ugu jirto shacabka Soomaaliyeed oo dhan, wuxuuna xusay in taasi ay caddeynayso inaysan ahayn rag siyaasad oo keliya isku haya, balse ay ka fikirayaan waxyaabaha sida tooska ah u taabanaya noloshada guud ee shacabka Soomaaliyeed.

“Ujeeddadeena ugu weyn ee shirkan aan diiradda ku saaray waxay ahayd sidii ay gabadha Soomaaliyeed ee ariga ku raacaysa meel ka mid ah Somaliland ama Koonfurta Soomaaliya u heli lahayd caafimaad iyo meel ay ku dhaqso, sidoo kalena shacabka looga difaaci lahaa dhibaatooyinka ay Al-shabaab ku hayso,” ayuu yiri madaxweynaha oo sharraxayay waxyaabihii ugu badnaa ee ay xoogga ku saareen shirkooda isaga iyo Siilaanyo.

Madaxweynaha Soomaaliya ayaa gabagabadii sharraxaad ka bixiyay qodob ka mid ah qodobbadii lagu heshiisyay oo ku saabsan wadaagga deeqaha, isagoo sheegay inaysan jirin wax diidaya in dadka ku nool Somaliland ay qaybtooda ka helaan deeqaha ay Soomaaliya hesho.

Dhanka kale, guddoomiye ku xigeenka golaha wakiillada Somaliland, Baashe Maxamed Faarax oo isaguna la hadlay VOA-da ayaa sheegay in Somaliland ay ka horjeestay inay gor-gortan ka gasho madaxbanaanideeda, balse wuxuu sheegay in wadahadalladu ay ahaayeen kuwo wanaagsan oo ay kasoo baxeen qodobbo wax ku nool ah.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
4/13/2013 8:19 PM EST
Waxaa manta kulan ay soo qabanqaabisay dowladda Turkiga dhex-maray madaxweynayaasha Somalia iyo Somaliland magaalada Ankara

4/13/2013 12:34 PM EST
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud iyo madaxweynaha Somaliland, Axmed Maxamed Maxamuud (Siilaanyo) ayaa caawa heshiis iskaashi ku kala saxiixday magaalada Ankara ee xarunta dalka Turkiga, kaddib wadahadallo saacado qaatay oo ay maanta ku yeesheen halkaas.

4/13/2013 10:59 AM EST
Sabti, Abriil 13, 2013 (HOL) — Waxaa maanta ka dhacay degmada Ufuroow ee gobolka Bay dagaal socdey dhowr saacadood ah kaasoo u dhexeeyay ciidamada dowladda Soomaaliya oo garabsanaya kuwa Itoobiya iyo Al-shabaab, iyadoo degmadan ay dhawaanahan ahayd mid dagaalkeeda uu soo noq noqanayey oo kolba qolo ay qabsanaysay.

4/13/2013 9:43 AM EST
Sabti, Abriil 13, 2013 (HOL) — Saddex cunug oo walaalo ah ayaa 24-kii saac ee lasoo dhaafay cudur aan la garaneyn ugu geeriyoodey degmada Eyl ee gobolka Nugaal. Carruurtan oo muddo saacado ah kala danbeeyay waxay midka u weyn da'diisu ahayd shan sano.

4/13/2013 8:29 AM EST
Sabti, Abriil 13, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) ayaa maanta la kulmay madaxweynaha Burundi, Pierre Nkurunziza waxayna kawada hadleen arrimaha iskaashiga labada dal, gaar ahaana amniga, dhaqaalaha iyo horumarka.

4/13/2013 7:43 AM EST
Sabti, Abriil 13, 2013 (HOL) — Kulan ay dhexdhexaadiye ka tahay dowladda Turkiga oo u dhexeeya madaxweynaha Soomaaliya, Xasan Sheekh Max’uud iyo madaxweynaha Somailland, Axmed Maxamed Siilaanyo ayaa ka furmay magaalada Ankara ee xarunta dalka Turkiga.

4/13/2013 7:27 AM EST
Sabti, Abriil 13, 2013 (HOL) — Guddoomiyaha maamulka gobolka Hiiraan Cabdi Faarax Laqanyo, saraakiisha ciidamada maamulka gobollka Hiiraan, saraakiisha ciidamada Jabuuti ee howlgalka midowgga Africa AMISOM iyo mas’uuliyiin kale ayaa ka qeyb-gallay tababar loo soo xirray boqolaal askari oo ka mid ah ciidamada xoogga dalka kuwaasoo mudo sadax bilood ah tababar uga socday magaalada Baladweyne.

4/13/2013 1:01 AM EST
Sabti, Abriil 13, 2013 (HOL) — Shirkii madaxweynayaasha Soomaaliya iyo Somaliland ayaa maanta ka furmaya magaalada Ankara ee xarunta dalka Turkiga, iyadoo Somaliland ay sheegtay inaysan gor-gortan ka galayn madax-bannaanideeda.

4/13/2013 12:59 AM EST
Sabti, Abriil 13, 2013 (HOL) — Xukuumadda Jabtuui ay sii daysay 14 ka mid ah xubnaha mucaaradka ah ee ka tirsan xisbiga USN, kuwaasoo la xiray markii lala xiriiriyay inay ku lug lahaayeen dibadbaxyo loogas oo horjeedo xukuumadda oo bishii hore ka dhacay dalka Jabuuti.

4/13/2013 12:58 AM EST
Sabti, Abriil 13, 2013 (HOL) — Hay’adda lacagta Adduunka ee [IMF] ayaa u aqoonatay Soomaaliya xubin ka mid ah kaddib sannado badan oo ay ka maqnayd, balse ha’yaddu waxay sheegtay inaysan Soomaaliya siinayn wax dhaqaale ah tan iyo inta ay ka bixinayso damo fara badan oo lagu leeyahay.