6/19/2019
Today from Hiiraan Online:  _
Wararka Maanta- Sabti, Apr 13, 2013
Ra'iisul Wasaaraha Xukuumadda Soomaaliya oo Magaalada Bujumbuura kulan kula yeeshay Madaxweynaha Burundi (SAWIRRO)



Sabti, Abriil 13, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) ayaa maanta la kulmay madaxweynaha Burundi, Pierre Nkurunziza waxayna kawada hadleen arrimaha iskaashiga labada dal, gaar ahaana amniga, dhaqaalaha iyo horumarka.

Kulankan ayaa qayb ka ah socdaal uu ra’iisul waasaraha Soomaaliya ku xojinayo xiriirka u dhexeeya Soomaaliya iyo dalalka ay ciidamada ka joogaan Soomnaaliya. Wuxuu si gaar ah uga mahadceliyay dawladda iyo shacabka Burundi, kaalinta weyn ee ay ciidamadoodu ka qaateen howlgalka AMISOM iyo hiilka walaalnimo ee ay u galeen ummadda Soomaaliyeed.

"Dawladda Burundi waxay noo muujisay soo dhaweyn diirran iyo walaalnimo aad baana uga mahadinaynaa xiriirka wanaagsan," ayuu yiri ra'iisul wasaare Saacid oo warbixin ka siiyay madaxweyne Pierre horumarada Soomaaliya ka muuqda iyo dadaalka ay ciidamadiisu ka geysteen dagaalladii lala galay Al-shabaab.

"Waa laga adkaaday kooxihii argagixisada ahaa ee Al-shabaab ee dhibaatada ku hayay shacabkeenna," ayuu ra'iisul wasaaruhu ku daray hadalkisa isagoo tilmaamay in si deg-deg ah looga sifeyn doono deegaannada yar-yar ee ay weli shacabka kusii dhibaateeyaan.

Dhanka kale, madaxweynaha Burundi ayaa ra'iisul wasaaraha ku ammaanay dadaalka uu ugu jiro soo celinta amniga iyo xasilinta Soomaaliya, wuxuuna uga mahadceliyay booqashada uu ku tagay dalalka ay ciidamadu ka joogaan Soomaaliya.

"Iskaashiga Soomaaliya iyo Burundi wuxuu horseedeyaa nabad lagu soo dabbaalo Soomaaliya iyo Afrika," ayuu yiri madaxweynaha oo tilmaamay in uu sii wadi doono taageerada dhinac kastaba leh ee uu la gara- taagan yahay dowladda iyo shacabka Soomaaliyeed.

Kulankan ayaa waxaa ra'iisal wasaaraha ku wehliyay wasiirkiisa difaaca, C/xakiin Maxamuud Xaaji Faqi, safiirka Soomaaliya u fadhiya dalka Burundi, Abshir Xasan Abshir Faarax iyo xubno la taliyeyaal ah.

Dhanka kale, ra'iisul wasaaraha iyo wafdigiisa ayaa booqday xarunta safaaradda Soomaaliya ee dalka Burundi, wuxuuna indha-indheeyay qaybaha safaaraddu ka kooban tahay. isagoo warbixin ka dhageystay safiirka Soomaaliya u fadhiya dalka Burundi, Abshir Xasan Abshir.






Maxamed Xaaji Xuseen, Hiiraaan Online
[email protected]
Muqdisho, Soomaaliya










Click here
4/13/2013 8:19 PM EST
Waxaa manta kulan ay soo qabanqaabisay dowladda Turkiga dhex-maray madaxweynayaasha Somalia iyo Somaliland magaalada Ankara

4/13/2013 1:06 PM EST
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud oo wareysi siiyay idaacadda VOA-da markii lasoo gabgabeeyay shirkii uu la yeeshay madaxweynaha Somaliland ayaa sheegay in isaga iyo madaxweynaha Somaliland aysan shirka aysan uga hadlin oo keliya siyaasad, balse ay uga hadleen waxyaabo ay dani ugu jirto shacabka Soomaaliyeed.

4/13/2013 12:34 PM EST
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud iyo madaxweynaha Somaliland, Axmed Maxamed Maxamuud (Siilaanyo) ayaa caawa heshiis iskaashi ku kala saxiixday magaalada Ankara ee xarunta dalka Turkiga, kaddib wadahadallo saacado qaatay oo ay maanta ku yeesheen halkaas.

4/13/2013 10:59 AM EST
Sabti, Abriil 13, 2013 (HOL) — Waxaa maanta ka dhacay degmada Ufuroow ee gobolka Bay dagaal socdey dhowr saacadood ah kaasoo u dhexeeyay ciidamada dowladda Soomaaliya oo garabsanaya kuwa Itoobiya iyo Al-shabaab, iyadoo degmadan ay dhawaanahan ahayd mid dagaalkeeda uu soo noq noqanayey oo kolba qolo ay qabsanaysay.

4/13/2013 9:43 AM EST
Sabti, Abriil 13, 2013 (HOL) — Saddex cunug oo walaalo ah ayaa 24-kii saac ee lasoo dhaafay cudur aan la garaneyn ugu geeriyoodey degmada Eyl ee gobolka Nugaal. Carruurtan oo muddo saacado ah kala danbeeyay waxay midka u weyn da'diisu ahayd shan sano.

4/13/2013 7:43 AM EST
Sabti, Abriil 13, 2013 (HOL) — Kulan ay dhexdhexaadiye ka tahay dowladda Turkiga oo u dhexeeya madaxweynaha Soomaaliya, Xasan Sheekh Max’uud iyo madaxweynaha Somailland, Axmed Maxamed Siilaanyo ayaa ka furmay magaalada Ankara ee xarunta dalka Turkiga.

4/13/2013 7:27 AM EST
Sabti, Abriil 13, 2013 (HOL) — Guddoomiyaha maamulka gobolka Hiiraan Cabdi Faarax Laqanyo, saraakiisha ciidamada maamulka gobollka Hiiraan, saraakiisha ciidamada Jabuuti ee howlgalka midowgga Africa AMISOM iyo mas’uuliyiin kale ayaa ka qeyb-gallay tababar loo soo xirray boqolaal askari oo ka mid ah ciidamada xoogga dalka kuwaasoo mudo sadax bilood ah tababar uga socday magaalada Baladweyne.

4/13/2013 1:01 AM EST
Sabti, Abriil 13, 2013 (HOL) — Shirkii madaxweynayaasha Soomaaliya iyo Somaliland ayaa maanta ka furmaya magaalada Ankara ee xarunta dalka Turkiga, iyadoo Somaliland ay sheegtay inaysan gor-gortan ka galayn madax-bannaanideeda.

4/13/2013 12:59 AM EST
Sabti, Abriil 13, 2013 (HOL) — Xukuumadda Jabtuui ay sii daysay 14 ka mid ah xubnaha mucaaradka ah ee ka tirsan xisbiga USN, kuwaasoo la xiray markii lala xiriiriyay inay ku lug lahaayeen dibadbaxyo loogas oo horjeedo xukuumadda oo bishii hore ka dhacay dalka Jabuuti.

4/13/2013 12:58 AM EST
Sabti, Abriil 13, 2013 (HOL) — Hay’adda lacagta Adduunka ee [IMF] ayaa u aqoonatay Soomaaliya xubin ka mid ah kaddib sannado badan oo ay ka maqnayd, balse ha’yaddu waxay sheegtay inaysan Soomaaliya siinayn wax dhaqaale ah tan iyo inta ay ka bixinayso damo fara badan oo lagu leeyahay.