7/21/2019
Today from Hiiraan Online:  _
Wararka Maanta- Sabti, Apr 13, 2013
Ciidammo Tababar loosoo xiray oo Dhoollatus Milateri ka Sameeyay Degmada Baladweyne ee Gobollka Hiiraan (SAWIRRO)



Sabti, Abriil 13, 2013 (HOL) — Guddoomiyaha maamulka gobolka Hiiraan Cabdi Faarax Laqanyo, saraakiisha ciidamada maamulka gobolka Hiiraan, saraakiisha ciidamada Jabuuti ee howlgalka midowgga Africa AMISOM iyo mas’uuliyiin kale ayaa ka qeyb-gallay tababar loo soo xirray boqolaal askari oo ka mid ah ciidamada xoogga dalka kuwaasoo mudo sadax bilood ah tababar uga socday magaalada Baladweyne.

Ciidamada oo isugu jiray rag iyo dumar ayaa soo bandhigay sida ay uga faa’ideysteen tababarka, waxaana ka mid ahaa ''Sida looga hor tago falalka deg deg ah amniga qatarta ku ah ''Habka ay ciidamadu wada xiriiraan waqtiyada ay jiraan howl-gallada ' Ffulinta howl-gallada qorsheysan ee sida gaarka ah looga fulliyo goobaha la tuhusan yahay'' Iyo is difaaca nafsiga ah oo ka mid ahaa wax yaabihii la baray ciidamada.

Mas’uuliyiinta maamulka ee ka qeyb-gashay munaasabada dhooltuska ayaa siweyn ugu riyaaqay tababarka ay qabaan ciidamada oo sida ay sheegeen ah mid wax weyn ka taraya sugida amniga iyo ka hor taga falalka qorsheysan ee nabad-galyada ka dhan-ka ah.

Talliyaha ciidamada maamulka gobollka Hiiraan Towane Axmed Gureey oo ka hadllay munaasabada ayaa sheegay in aysan aheyn munaasabadan tii ugu horeysay oo loo qabto ciidamo tababar loo soo xiray, laakiin waxaa uu sheegay in ay uga duwan tahay munaasabadan kuwii ka horeeyay iyada oo ku soo beegantay xilli loo dabaal-dagayo 53 sano guuradii ka soo wareegtay aas-aaska ciidamada xoogga dalka Soomaaliya.

Guddoomiyaha maamulka gobollka Hiiraan Cabdi Faarax Laqanyo ayaa sheegay in maamulka uu guddoomiyaha ka yahay ka go’an tahay in ay dib u dhis ku sameeyaan ciidamada maamulka gobollka, waxaana uu ballan-qaaday in loo dhameystiri doono dhamaan wixii agab ah oo ay ciidamadu u baahan yihiin.

“Ma’aha oo kaliya in ciidamada loogu tagalay wax ka qabashada amniga magaalada Baladweyne, laakiin qorshuhu waxaa uu yahay in awooda maamulka ku baahino guud ahaan gobollka, sidaa daradeed waxaa naga go’an in aan dhisno tayada ciidamada si ay ugu filnaadaan amniga guud ahaan gobollka Hiiraan,’’ ayuu yiri Cabdi Faarax Laqanyo.

Sidoo kale, Col. Cismaan Dubad taliyaha ciidamada Jabuuti ee gobollka Hiiraan ayaa sheegay in wax lagu farxo tahay in boqolaal askari oo bartay sugida amniga  loo soo xiro tababar, isaga oo sheegay in ay siweyn isaga xil saari doonaan sare u qaadista aqoonta ciidamada.

Ciidamada tababar loogu soo xirray magaalada Baladweyne, ayaa ku biiraya boqolaal ciidamo ah oo bilihii aynu soo dhaafnay sidan oo kale tababar u dhameystay kuwaasoo hadda qeyb weyn ka qadanaya sugida amniga magaalada.




C/raxmaan Diini, Hiiraan Online
[email protected]
Baladweyne, Soomaaliya










Click here
4/13/2013 8:19 PM EST
Waxaa manta kulan ay soo qabanqaabisay dowladda Turkiga dhex-maray madaxweynayaasha Somalia iyo Somaliland magaalada Ankara

4/13/2013 1:06 PM EST
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud oo wareysi siiyay idaacadda VOA-da markii lasoo gabgabeeyay shirkii uu la yeeshay madaxweynaha Somaliland ayaa sheegay in isaga iyo madaxweynaha Somaliland aysan shirka aysan uga hadlin oo keliya siyaasad, balse ay uga hadleen waxyaabo ay dani ugu jirto shacabka Soomaaliyeed.

4/13/2013 12:34 PM EST
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud iyo madaxweynaha Somaliland, Axmed Maxamed Maxamuud (Siilaanyo) ayaa caawa heshiis iskaashi ku kala saxiixday magaalada Ankara ee xarunta dalka Turkiga, kaddib wadahadallo saacado qaatay oo ay maanta ku yeesheen halkaas.

4/13/2013 10:59 AM EST
Sabti, Abriil 13, 2013 (HOL) — Waxaa maanta ka dhacay degmada Ufuroow ee gobolka Bay dagaal socdey dhowr saacadood ah kaasoo u dhexeeyay ciidamada dowladda Soomaaliya oo garabsanaya kuwa Itoobiya iyo Al-shabaab, iyadoo degmadan ay dhawaanahan ahayd mid dagaalkeeda uu soo noq noqanayey oo kolba qolo ay qabsanaysay.

4/13/2013 9:43 AM EST
Sabti, Abriil 13, 2013 (HOL) — Saddex cunug oo walaalo ah ayaa 24-kii saac ee lasoo dhaafay cudur aan la garaneyn ugu geeriyoodey degmada Eyl ee gobolka Nugaal. Carruurtan oo muddo saacado ah kala danbeeyay waxay midka u weyn da'diisu ahayd shan sano.

4/13/2013 8:29 AM EST
Sabti, Abriil 13, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) ayaa maanta la kulmay madaxweynaha Burundi, Pierre Nkurunziza waxayna kawada hadleen arrimaha iskaashiga labada dal, gaar ahaana amniga, dhaqaalaha iyo horumarka.

4/13/2013 7:43 AM EST
Sabti, Abriil 13, 2013 (HOL) — Kulan ay dhexdhexaadiye ka tahay dowladda Turkiga oo u dhexeeya madaxweynaha Soomaaliya, Xasan Sheekh Max’uud iyo madaxweynaha Somailland, Axmed Maxamed Siilaanyo ayaa ka furmay magaalada Ankara ee xarunta dalka Turkiga.

4/13/2013 1:01 AM EST
Sabti, Abriil 13, 2013 (HOL) — Shirkii madaxweynayaasha Soomaaliya iyo Somaliland ayaa maanta ka furmaya magaalada Ankara ee xarunta dalka Turkiga, iyadoo Somaliland ay sheegtay inaysan gor-gortan ka galayn madax-bannaanideeda.

4/13/2013 12:59 AM EST
Sabti, Abriil 13, 2013 (HOL) — Xukuumadda Jabtuui ay sii daysay 14 ka mid ah xubnaha mucaaradka ah ee ka tirsan xisbiga USN, kuwaasoo la xiray markii lala xiriiriyay inay ku lug lahaayeen dibadbaxyo loogas oo horjeedo xukuumadda oo bishii hore ka dhacay dalka Jabuuti.

4/13/2013 12:58 AM EST
Sabti, Abriil 13, 2013 (HOL) — Hay’adda lacagta Adduunka ee [IMF] ayaa u aqoonatay Soomaaliya xubin ka mid ah kaddib sannado badan oo ay ka maqnayd, balse ha’yaddu waxay sheegtay inaysan Soomaaliya siinayn wax dhaqaale ah tan iyo inta ay ka bixinayso damo fara badan oo lagu leeyahay.