6/19/2019
Today from Hiiraan Online:  _
Wararka Maanta- Sabti, Apr 13, 2013
Carruur walaalo ahaa oo Cudur aan la aqoosan ugu Geeriyooday Degmada Eyl ee Gobolka Nugaal oo ka tirsan Puntland


Sabti, Abriil 13, 2013 (HOL) — Saddex cunug oo walaalo ah ayaa 24-kii saac ee lasoo dhaafay cudur aan la garaneyn ugu geeriyoodey degmada Eyl ee gobolka Nugaal. Carruurtan oo muddo saacado ah kala danbeeyay waxay midka u weyn da'diisu ahayd shan sano.

Saraakiisha caafimaadka ee degmada Eyl, oo iyagu dadaal badan ku bixiyey sidii ay carruurtaas u dabiibi lahaayeen, ayaa sheegay in aysan ilaa iyo hadda aqoonsan nooca cudurka sababay geeridooda.

Drs. Khadiidjo Cabdi Xuseen oo ah dhakhtarkii ugu horeeyey ee saddexdaas bukaan lasoo gaarsiiyey, ayaa tilmaantay in markii loo keenay ay xaaladoodu ahayd mid aad u liidata, islamarkaana ay afka ka aburinayeen.

“Caruurta yaryar waxaa laysoo gaarsiiyey makhribkii, gabadhii haysey markaaan wareystay waxay ii sheegtay in ay iyagaoo qandheysan soo tooseen, mid kamid ahi xiligaas aadayey u liidatey, waxyar kaddib ayeyna dhimatay, labada kalena saacado ayey ka danbeeyeen” Drs Khadiijo Cabdi Xuseen ayaa tiri.

Jamiilo Siidow Cabdi, oo ah hooyada caruurta geeriyootey dhashay, xiliganna ku sugan magaalada Garoowe ee xarunta gobolka Nugaal, ayaa iyada oo murugeysan – mar ay warbaahinta la hadleysey- sheegtay in caruurteedu markii ugu danbeysey ay aad u caafimaad qabeen.

“Curuurtaydu way caafimaad qabeen, waa lagu soo boodey, qandho yar ayaa qabatay, kaddib neefta ayaa ku dhegtay, dhakhaatiirtu way dadaaleen, laakiin melegga lama celin karo!” hooyo Jamiilo Siidow Cabdi ayaa sidaas tiri.

Bilo kahor ayey ahayd markii ugu horeysey ee uu cudurka Duumadu ka dillaacay magaalada Boosaaso ee xarunta gobolka Bari, cudurkaas oo galaaftay nolosha in kabadan 10 qof boqollaal kalena ay la jiifsadeen.

Saraakiil ka tirsan wasaaradda caafimaadka ee Puntland oo shabakadda HOL ay xiriir la sameysay ayaa ka gaabsaday in ay arintan ka hadlaan, waxayna sheegeen in dhowaan kooxo caafimaad loo diri doono degmada Eyl iyo deegaanada hoos taga.

Maxamed Salaad Xaaji Dirir, Hiiraan Online
[email protected]
Puntland, Soomaaliya










Click here
4/13/2013 8:19 PM EST
Waxaa manta kulan ay soo qabanqaabisay dowladda Turkiga dhex-maray madaxweynayaasha Somalia iyo Somaliland magaalada Ankara

4/13/2013 1:06 PM EST
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud oo wareysi siiyay idaacadda VOA-da markii lasoo gabgabeeyay shirkii uu la yeeshay madaxweynaha Somaliland ayaa sheegay in isaga iyo madaxweynaha Somaliland aysan shirka aysan uga hadlin oo keliya siyaasad, balse ay uga hadleen waxyaabo ay dani ugu jirto shacabka Soomaaliyeed.

4/13/2013 12:34 PM EST
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud iyo madaxweynaha Somaliland, Axmed Maxamed Maxamuud (Siilaanyo) ayaa caawa heshiis iskaashi ku kala saxiixday magaalada Ankara ee xarunta dalka Turkiga, kaddib wadahadallo saacado qaatay oo ay maanta ku yeesheen halkaas.

4/13/2013 10:59 AM EST
Sabti, Abriil 13, 2013 (HOL) — Waxaa maanta ka dhacay degmada Ufuroow ee gobolka Bay dagaal socdey dhowr saacadood ah kaasoo u dhexeeyay ciidamada dowladda Soomaaliya oo garabsanaya kuwa Itoobiya iyo Al-shabaab, iyadoo degmadan ay dhawaanahan ahayd mid dagaalkeeda uu soo noq noqanayey oo kolba qolo ay qabsanaysay.

4/13/2013 8:29 AM EST
Sabti, Abriil 13, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) ayaa maanta la kulmay madaxweynaha Burundi, Pierre Nkurunziza waxayna kawada hadleen arrimaha iskaashiga labada dal, gaar ahaana amniga, dhaqaalaha iyo horumarka.

4/13/2013 7:43 AM EST
Sabti, Abriil 13, 2013 (HOL) — Kulan ay dhexdhexaadiye ka tahay dowladda Turkiga oo u dhexeeya madaxweynaha Soomaaliya, Xasan Sheekh Max’uud iyo madaxweynaha Somailland, Axmed Maxamed Siilaanyo ayaa ka furmay magaalada Ankara ee xarunta dalka Turkiga.

4/13/2013 7:27 AM EST
Sabti, Abriil 13, 2013 (HOL) — Guddoomiyaha maamulka gobolka Hiiraan Cabdi Faarax Laqanyo, saraakiisha ciidamada maamulka gobollka Hiiraan, saraakiisha ciidamada Jabuuti ee howlgalka midowgga Africa AMISOM iyo mas’uuliyiin kale ayaa ka qeyb-gallay tababar loo soo xirray boqolaal askari oo ka mid ah ciidamada xoogga dalka kuwaasoo mudo sadax bilood ah tababar uga socday magaalada Baladweyne.

4/13/2013 1:01 AM EST
Sabti, Abriil 13, 2013 (HOL) — Shirkii madaxweynayaasha Soomaaliya iyo Somaliland ayaa maanta ka furmaya magaalada Ankara ee xarunta dalka Turkiga, iyadoo Somaliland ay sheegtay inaysan gor-gortan ka galayn madax-bannaanideeda.

4/13/2013 12:59 AM EST
Sabti, Abriil 13, 2013 (HOL) — Xukuumadda Jabtuui ay sii daysay 14 ka mid ah xubnaha mucaaradka ah ee ka tirsan xisbiga USN, kuwaasoo la xiray markii lala xiriiriyay inay ku lug lahaayeen dibadbaxyo loogas oo horjeedo xukuumadda oo bishii hore ka dhacay dalka Jabuuti.

4/13/2013 12:58 AM EST
Sabti, Abriil 13, 2013 (HOL) — Hay’adda lacagta Adduunka ee [IMF] ayaa u aqoonatay Soomaaliya xubin ka mid ah kaddib sannado badan oo ay ka maqnayd, balse ha’yaddu waxay sheegtay inaysan Soomaaliya siinayn wax dhaqaale ah tan iyo inta ay ka bixinayso damo fara badan oo lagu leeyahay.