6/15/2019
Today from Hiiraan Online:  _
Wararka Maanta- Sabti, Apr 13, 2013
Xukuumadda Jabuuti oo xasbiga kasii daysay xubno mucaarad ah oo ka tirsan Xisbiga USN oo diidanaa doorashadii Baarlamaanka


Sabti, Abriil 13, 2013 (HOL) — Xukuumadda Jabtuui ay sii daysay 14 ka mid ah xubnaha mucaaradka ah ee ka tirsan xisbiga USN, kuwaasoo la xiray markii lala xiriiriyay inay ku lug lahaayeen dibadbaxyo loogas oo horjeedo xukuumadda oo bishii hore ka dhacay dalka Jabuuti.

Waddooyinka dalka Jabuuti ayaa waxaa bishii hore ka dhacay dibadbbaxyo lagu diidan yahay natiijooyinkii doorashadii baarlamaanka oo xisbiga talada haya uu ku guuleystay, waxaana taasi ay keentay in la xirxiro xubno badan oo ka tirsan mucaaradka.

“Sii-daynta xubnaha xisbiga USN waa mid dhiirri-gelin ah, balse ma ahan mid aan si dhameystiran ugu qancayno inta laga sii daynayo dhammaan hoggaamiyeyaasha mucaaradka,” ayuu yiri xoghayaha guud ee xisbiga USN, C/raxmaan Maxamed Geelle oo la hadlayay wakaaladda wararka ee Reuters.

Xisbiga USN oo ah xisbiga helay 10% kuraasta baarlamaanka Jabuuti ayaa ku andacoonaya in lagu shubtay codadkii doorashada baarlamaanka, iyagoo sheegay in xisbiga talada haya uu ku dhaqmay musuqmaasuqa dhinaca cod bixinta ah.

Baarlamaanka dalka Jabuuti oo ka kooban 65 kursi ayaa waxaa 80% helay xisbiga talada haya ee uu hoggaaminayo madaxweyne Ismaaciil Cumar Geelle oo xukunkaas la wareegay sannadkii 1999-kii.

Mas’uuliyiinta xabsiga laga sii daayay ayaa waxaa ka mid ah afhayeenka xisbiga USN, Daahir Axmed Faarax (Daaf) oo la xiray laba bilood ka hor, kaddib markii lagu eedeeyay inuu maleegayo shirqoollo ka dhan ah xukuumadda Jabuuti, uuna yahay mas’uulka hurinaya mudaaharaadyada.

Dalka Jabuuti oo shacabkiisu yahay 920,000 qof oo keliya, ayaa waxaa ku leh saldhiyo waaweyn dalal uu Mareykanku ka mid yahay, iyadoo doorashada lagu murmay ay noqonayso tii ugu horreysay oo dalkaas ka dhacda ayna ka qaybgalaan  mucaaradka si ay kuraas ugu yeeshaan golaha baarlamaanka.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
4/13/2013 8:19 PM EST
Waxaa manta kulan ay soo qabanqaabisay dowladda Turkiga dhex-maray madaxweynayaasha Somalia iyo Somaliland magaalada Ankara

4/13/2013 1:06 PM EST
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud oo wareysi siiyay idaacadda VOA-da markii lasoo gabgabeeyay shirkii uu la yeeshay madaxweynaha Somaliland ayaa sheegay in isaga iyo madaxweynaha Somaliland aysan shirka aysan uga hadlin oo keliya siyaasad, balse ay uga hadleen waxyaabo ay dani ugu jirto shacabka Soomaaliyeed.

4/13/2013 12:34 PM EST
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud iyo madaxweynaha Somaliland, Axmed Maxamed Maxamuud (Siilaanyo) ayaa caawa heshiis iskaashi ku kala saxiixday magaalada Ankara ee xarunta dalka Turkiga, kaddib wadahadallo saacado qaatay oo ay maanta ku yeesheen halkaas.

4/13/2013 10:59 AM EST
Sabti, Abriil 13, 2013 (HOL) — Waxaa maanta ka dhacay degmada Ufuroow ee gobolka Bay dagaal socdey dhowr saacadood ah kaasoo u dhexeeyay ciidamada dowladda Soomaaliya oo garabsanaya kuwa Itoobiya iyo Al-shabaab, iyadoo degmadan ay dhawaanahan ahayd mid dagaalkeeda uu soo noq noqanayey oo kolba qolo ay qabsanaysay.

4/13/2013 9:43 AM EST
Sabti, Abriil 13, 2013 (HOL) — Saddex cunug oo walaalo ah ayaa 24-kii saac ee lasoo dhaafay cudur aan la garaneyn ugu geeriyoodey degmada Eyl ee gobolka Nugaal. Carruurtan oo muddo saacado ah kala danbeeyay waxay midka u weyn da'diisu ahayd shan sano.

4/13/2013 8:29 AM EST
Sabti, Abriil 13, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) ayaa maanta la kulmay madaxweynaha Burundi, Pierre Nkurunziza waxayna kawada hadleen arrimaha iskaashiga labada dal, gaar ahaana amniga, dhaqaalaha iyo horumarka.

4/13/2013 7:43 AM EST
Sabti, Abriil 13, 2013 (HOL) — Kulan ay dhexdhexaadiye ka tahay dowladda Turkiga oo u dhexeeya madaxweynaha Soomaaliya, Xasan Sheekh Max’uud iyo madaxweynaha Somailland, Axmed Maxamed Siilaanyo ayaa ka furmay magaalada Ankara ee xarunta dalka Turkiga.

4/13/2013 7:27 AM EST
Sabti, Abriil 13, 2013 (HOL) — Guddoomiyaha maamulka gobolka Hiiraan Cabdi Faarax Laqanyo, saraakiisha ciidamada maamulka gobollka Hiiraan, saraakiisha ciidamada Jabuuti ee howlgalka midowgga Africa AMISOM iyo mas’uuliyiin kale ayaa ka qeyb-gallay tababar loo soo xirray boqolaal askari oo ka mid ah ciidamada xoogga dalka kuwaasoo mudo sadax bilood ah tababar uga socday magaalada Baladweyne.

4/13/2013 1:01 AM EST
Sabti, Abriil 13, 2013 (HOL) — Shirkii madaxweynayaasha Soomaaliya iyo Somaliland ayaa maanta ka furmaya magaalada Ankara ee xarunta dalka Turkiga, iyadoo Somaliland ay sheegtay inaysan gor-gortan ka galayn madax-bannaanideeda.

4/13/2013 12:58 AM EST
Sabti, Abriil 13, 2013 (HOL) — Hay’adda lacagta Adduunka ee [IMF] ayaa u aqoonatay Soomaaliya xubin ka mid ah kaddib sannado badan oo ay ka maqnayd, balse ha’yaddu waxay sheegtay inaysan Soomaaliya siinayn wax dhaqaale ah tan iyo inta ay ka bixinayso damo fara badan oo lagu leeyahay.