8/8/2022
Today from Hiiraan Online:  _
Wararka Maanta- Isniin, Sept 24, 2012
Kulan looga hadlay Aragtida Islaamku uu ka qabo boobka gagaarka loogu talogalay dadka dhibaateysan oo Muqdisho lagu qabtay

Isniin, September 24, 2012 (HOL) — Kulan looga hadlayay qaabka lagu badbaadin karo amaba looga hortegi karo boobka kooxda loo geysto raashinka gargaarka ah ee loogu talogalay dadka dhibaateysan ayaa ka dhacay Magaalada Muqdisho, kaasoo ay soo agaasiintay hay'adda CCD.

Kulanka oo ay ka qaybgaleen xubno ka socday culummada Ahlusunna ayaa waxaa diiradda lagu saaray waxay diinta Islaamka ka qabto in la boobo ama la dhaco raashin gargaarka oo loogu dadka tabaaleysan ama barakacayaasha.


Sheekh C/qaadir Sh. Maxamed (Sheekh Soomow) oo ka mid ah Ahlsuunna oo hadal ka jeediyay kulanka ayaa sheegay inaysan diinta Islaamku ogoleyn in la dhaco deeq ama gargaar loogu talogalay dad dhibaateysan, isagoo Al-shabaab ku eedeeyay in ay dhacdo gargaarka bani'aadamnimo.

Sheekh Axmed Sheekh Aadan Dheere oo isna halkaasi ka hadlay ayaa isagu ka hadlay qaraxyadii lagu dilay dadka badan oo ay wariyeyaashu ka mid ahaayeen, isagoo ku eedeeyay weerarrada lagu ugaarsanayo wariyeyaasha Al-shabaab oo uu ku tilmaaay koox aan doonayn nabad dalka ka dhalata.

Sheekh Axmed Shuqul waxa uu sheegay in gargaarka lagu gaarsiiyo dadka dhibaateysan diyaarado hawada looga soo daadiyo, taasi oo kooxaha raashinka boobaya ee Shabaab aanay awood u lahayn inay dadka ka boobaan raashinka gargaarka ah.

Mas'uul ku hadlay magaca Ansaaru-sunna, Sheekh Axmed Sugow ayaa sheegay in culumada Soomaaliyeed xaq loogu leeyahay inay si ficil ah uga hortagaan boobka lagu hayo raashinka gargaarka ah ee ku socda dadka tabaaleysan iyo kuwa kasoo barakacay deegaannadooda.

Wuxuu caddeeyay in culumaa'udiinka ay door firfircoon ka qaateen la dagaallanka kooxaha Al-shabaab, iyadoo boqol tallaabo ka yar loo jiro xarunta madaxtooyada, isla markaana dadka tusay in kooxahaan lala dagaalami karo.


Sheekh Maxamed Sheekh C/raxmaan oo ka mid ahaa culumaa'udiinka ahlusunna ee iyagu ka qeyb-galay kulanka wuxuuna si weyn uga hadlay kooxaha Al-shabaab ee Soomaaliya ka dagaalanta, isagoo ku tilmaamay koox diidan in Islaamka aan lasoo gelin.

Kulanka ayaa waxaa loogu baaqay dowladda cusub inay u howlgasho sidii ay dhibka uga dul qaadi lahayd shacabka Soomaaliyeed, ayna uga hortegi lahayd Al-shabaab oo dadka iyo dalka dhibaato ku haysa.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/24/2012 11:20 AM EST
Isniin, September 24, 2012(HOL): 20-kii bishan waxaa Muqdisho ka dhacay labo qorax oo geystay khasaare aad u faro badan, waxaana qaraxyadaas ku dhintay dad badan oo ay ku jireen wariyayaal caan ah oo ka howl-gelayay TV-ga Qaranka iyo Idaacado Muqdisho ka howlagala, sidoo kalena waxaa ku dhaawacmay dad aad u badan oo sidoo kalena ay wariyayaal ka mid ahaayeen.

9/24/2012 7:03 AM EST
Isniin, September 24, 2012 (HOL) — Golaha Wakiiladda Somaliland,ayaa dood adag ka yeeshay xeerka guddida maamul-wanaagga iyo la dagaalanka musuqmaasuqu ay ku shaqayn lahaayeen.

9/24/2012 6:55 AM EST
Isniin, September 24, 2012 (HOL) — Xildhibaannada baarlamaanka Soomaaliya oo maanta kulan ku yeeshay Muqdisho ayaa waxay kaga hadleen waxyaabihii tan iyo markii la dhisay u qabsoomay, iyadoo sidoo kale la dhaariyay maanta labadii mudane ee ugu dambeeyay baarlamaanka, kuwaasoo buuxiyay kuraasta baarlamaanka.

9/24/2012 6:30 AM EST
Isniin, September 24, 2012 (HOL) — Ugu yaraan laba askari oo ka tirsan ciidamada dowladda Soomaaliya ayaa ku dhintay iskahorimaad ka dhacay deegaanka Lafoole ee gobolka Shabeellada hoose, kaasoo u dhexeeyay ciidammo dowladda kawada tirsan.

9/24/2012 3:05 AM EST
Isniin, September 24, 2012 (HOL) — Xildhibaannada baarlamaanka Soomaaliya ayaa kulan ku yeelanaya maanta xarunta golaha shacabka ee Muqdisho, kaasoo aan la ogeyn ajandayaasha ay uga hadli doonaan.

9/24/2012 2:59 AM EST
Isniin, September 24, 2012 (HOL) — Dowladda Soomaaliya ayaa la wareejiyay deeq bani'aadamnimo oo shacabka dalka Ciraaq ay ugu deeqeen shacabka Soomaaliyeed, iyadoo markabka waday deeqdan oo culeyskeedu yahay 13,500 tan uu shalay oo Axad ahayd kusoo xirtay dekedda Muqdisho.

9/24/2012 2:42 AM EST
Isniin, September 24, 2012 (HOL) — Dowladda Itoobiya ayaa qorsheysanaysa inay dalka Soomaaliya u soo dirto kumannaan askari oo ay ku xoojinayso ciidamadii kaga sugnaa Soomaaliya si ay gacan uga siiyaan dowladda Soomaaliya dadaalka ay nabadda dalka kusoo celinayso.

9/24/2012 2:31 AM EST
Isniin, September 24, 2012 (HOL) — Ra'iisul wasaaraha Soomaaliya ee waqtigiisu dhammaadka yahay, C/weli Maxamed Cali ayaa xarunta Qaramada Midoobay ay ku leedahay magaalada New York ee dalka Mareykanka, isagoo Soomaaliya ku matalaya shirkaas.

9/24/2012 2:19 AM EST
Isniin, September 24, 2012 (HOL) — Ciidamada Kenya ee qaybta ka ah howgalka Midowga Afrika ee AMISOM ayaa shacab Soomaaliyeed oo xoolo dhaqato ah ku laayay deegaanka Janaay-Cabdala oo ka tirsan gobolka Jubbada Hoose, sida uu saxaafadda u xaqiijiyay afhayeenka ciidamada dowladda ee Jubbooyinka, Col. Aadan Axmed Xirsi (Rufle).