Isniin, September 24, 2012 (HOL) — Ugu yaraan laba askari oo ka tirsan ciidamada dowladda Soomaaliya ayaa ku dhintay iskahorimaad ka dhacay deegaanka Lafoole ee gobolka Shabeellada hoose, kaasoo u dhexeeyay ciidammo dowladda kawada tirsan.
Goobjoogayaal ku sugan deegaankaas oo 20-km dhinaca galbeed Muqdisho kaga beegan ayaa sheeagy sheegay inay arkeen maydadka labada askari, dagaalkuna uu socday muddo saacad ku dhow.
"Dagaalku wuxuu ahaa mid culus, waxaana dhintay laba askari oo ka tirsanaa kuwii dagaalamayay," ayuu yiri goobjooge ku sugan Lafoole, isagoo sheegay in dagaalka ay joojiyeen saraakiil ka tirsan ciidamada dowladda oo halkaas gaaray.
Saraakiisha dowladda weli kama hadlin sababta dagaalka dhalisay, balse dadka ku sugan deegaanka ayaa sheegay in ciidamada dowladdu ay isku khilaafeen isbaaro halkaas taallay oo gaadiidka looga qaadayay lacago.
Xaaladda ayaa hadda deggen, iyadoo ciidamadii dagaalamay goobta la qaaday, waxaana halkaas ku sugan ciidammo kale oo la socday saraakiishii ku guuleystay inay dagaalka joojiyaan.
Iskahorimaadkan ka dhashay isbaarada ay ciidamadu isku khilaafeen ayaa wuxuu kusoo beegmayaa xilli darawallada gaadiidka ay aad uga cabanayaan isbaarooyin ay ciidamada dowladdu lacago baad ah uga qaadaan, kuwaasoo kusoo badanayay jidka u dhexeeya Muqdisho iyo Afgooye.
Maxamed Xaaji Xuseen, Hiiraan Online
[email protected]
Muqdisho, Soomaaliya
Ciidammo kawada tirsan kuwa dowladda Soomaaliya oo ku dagaalamay Deegaanka Lafoole oo ee duleedka Magaalada Muqdisho
More News
- BAROOR-DIIQ: Dadkii lagu xasuuqay qaraxii Muqdisho ka dhacay (VIDEO)
- Golaha Wakiiladda Somaliland oo dood adag ka yeeshay Xeerka Guddiyada Maamul-Wanaagga iyo la dagaalanka Musuqmaasuqa
- Baarlamaanka Soomaaliya oo kulan uu Muqdisho ku yeeshay uga hadlay arrimo fara badan iyo xildhibaanno la dhaariyay
- Kulan looga hadlay Aragtida Islaamku uu ka qabo boobka gagaarka loogu talogalay dadka dhibaateysan oo Muqdisho lagu qabtay
- Xildhibaannada Baarlamaanka Somalia oo Maanta yeelanaya kulankii ugu horreeyay tan iyo markii ay doorteen Madaxweynaha
- Dowladda Soomaaliya oo lagu wareejiyay gargaar bani'aadamnimo oo Dadweynaha Ciraaq ay ugu deeqeen Shacabka Soomaaliyeed
- Itoobiya oo Qorsheynaysa inay kordhiso Ciidamadeeda ku sugan si taageero u siiyaan dowladda Federaalka Soomaaliya
- Ra'iisul Waasaraha xilligiisu dhammaaday oo Soomaaliya uga qaybgalaya Shirka Guud ee Qaramada Midoobay
- Ciidamada Kenya oo Deegaanka Jannaay Cabdalla ee Gobolka Jubbada Hoose ku dilay Xoolo dhaqato Soomaaliyeed