9/25/2018
Today from Hiiraan Online:  _
Wararka Maanta- Talaado, May 8 , 2012
Guddoomiyaha Gobolka Hiiraan oo talaabo hormar ah ku tilmaamay doorashada Duqa degmada Beledweyne



Talaado, May 08, 2012 (HOL) — Guddoomiyaha maamulka gobolka Hiiraan oo maalintii shalay goob-joog ka ahaa kulan ay gollaha deegaannka degmada Beledweyne ku soo dooranayeen Duqa degmada, ayaa sheegay in uu soo dhamaaday waqtigii bulshada loo soo magacaabi jiray hogaan-ka, laakiin wixii hadda ka danbeeya la doonayo in dadku iyaga soo doortaan cidii ay doonayaan.

"Marka ugu horeysay waan idinku hanbalyeeynayaa haddii aad tihiin gollaha deegaannka degmada Beledweyne doorashada Duqa degmada, waa talaabo muhiim, waxaana ay arintani muujineysaa in uu soo dhamaaday waqtigii dadka dusha looga keeni jiray hogaan-ka, dadka iyaga ayaa u madaxbanaan in ay soo doortaan cida ay doonayaan,’’ ayuu yiri,’’ guddoomiyaha maamulka gobollka Hiiraan.

Waxaa uu sheegay in taalabada ay qaadeen gollaha deegaannka degmada Beledweyne ay tahay hormar iyo waliba biseyl muuqda oo ay dadku ka gaareen in ay xushaan cida ay is leeyihiin waad ku aamin kartaa howsha aad markaa u baahan tihiin.

Duqa degmada Beledweyne Max’ed Xassan Nuuriye oo maalintii shalay la doortay ayaa sheegay in xilku uusan aheyn wax fudud, hasse ahaatee uu rajenayo in uu ka soo baxo mas’uuliyada la saaray.

"Waxaan hortiina ka balan-qaadayaa in aan si daacadnimo ku jirto aan u gudan doono xilka aad i saarteen, dabcan haddii aan ka soo dhalaali waayo waajibaadka i saraan, waxaad xaq iigu leedihii in aad igala noqotaan, ‘’ ayuu yiri,’’ Max’ed Xassan Nuuriye.


Waxaa kaloo uu intaa ku darray in muhiimada ugu horeysa uu siin doono sidii wax looga qaban lahaa mashaakilaadka ka dhax jira arrimaha bulshada, haddii ay ahaan laheyd caafimaadka, waxbarashada, nadaafada, iyo dib u soo celinta bilicdii luntay ee degmada Beledweyne.

Kulanka lagu doortay Duqa degmada Beledweyne ayaa sidoo kale waxaa goob joog ka ahaa qurbo joog mudo dheer ay dalka ugu danbeysay, kuwaasoo sheegay in aad ugu faraxsan yihiin ka qeyb-galka kulan dadku ku soo dooran lahaayeen hogaankooda, iyaga oo carab-ka ku dhuftay in Duqa degmada mas’uul howl-balaaran haya marka loo eego nidaamyada ka jira dunida.

Soo doorashada Duqa degmada Beledweyne ayaa noqoneysa marka aad dhinac ka eegto tii ugu horeysay ee nooceeda ah oo ka dhacda magaalada Beledweyne, madaama markii hore wareegto lagu soo magacaabi jiray guddoomiyaha degmada iyo Duqa magaalada intaba.



C/raxmaan Diini, Hiiraan Online
[email protected]
Beledweyne, Soomaaliya







Click here
5/8/2012 10:08 AM EST
Talaado, May 08, 2012 (HOL) — Faahfaahin dheeraad ah ayaa kasoo baxay madaafiic xalay ku dhacday xaafadda Zone-K ee degmada Hodan, iyadoo tirada dadkii ku dhintay ay gaartay sagaal qof, kuwaasoo afar ka mid ah ay kasoo jeedeen qoys keliya.

5/8/2012 9:02 AM EST
Talaado, May 08, 2012 (HOL) — Ra'iisul wasaaraha Soomaaliya, Cabdiweli Maxamed Cali ayaa maanta Muqdihso ku qaabilay wafdiyo kala duwan oo ka kala socday Qaramada Midoobay, Mareykanka iyo Midowga Yurub.

5/8/2012 8:55 AM EST
Talaado, May 08, 2012 (HOL) — Maamulka gobolka Hiiraan ayaa maanta beeniyay warar maalmihii ugu danbeeyayba si weyn u hadal hayeen warbaahinta Soomaalida kuwaasoo sheegaya in ciidammo ka socda dalka Jabuuti qeybna ka ah AMISOM ay gaareen magaalada Beledweyne.

5/8/2012 8:28 AM EST
Talaado, May 08, 2012 (HOL) — Sanad-guuraddii tobanaad ee ka soo wareegtay Geeridii Madaxweynihii hore ee Somaliland marxuum Maxamed Ibraahim Cigaal ayaa xalay lagu qabtay Hoteel Maansoor ee magaaladda Hargeysa.

5/8/2012 8:20 AM EST
Talaado, May 08, 2012 (HOL) — Hay'adda nabadsugidda DKMG ah ee Soomaaliya ayaa maanta kusoo bandhigtay xarunteeda Muqdisho saddex dhallinyaro ah oo ay sheegtay in Al-shabaab ay ka tirsanaayeen, mid ka mid ahna uu doonayay inuu is-qarxiyo.

5/8/2012 7:59 AM EST
Talaado, May 08, 2012 (HOL) — Kulankan oo ahaa kii 13-aad socdayna muddo laba maalmood ah ayaa maanta lagu soo gabgabeeyay magaalada Muqdisho, waxaana kasoo baxay qodobbo ay ka mid yihiin in la adkeeyo ammaanka dalka iyo weliba deegaannadii Al-shabaab laga qabsaday.

5/8/2012 7:13 AM EST
Talaado, May 08, 2012 (HOL) — Waxaa maanta ka soconayo Xaafadda Eastleigh (Islii) ee magaalada ee Nairobi dibad-bax ballaaran oo ay soo qabanqaabiyeen ganacsatada xaafadda, kaasoo ay uga cabanayaan amni darrida kusoo badaneysa Xaafadda.

5/8/2012 7:13 AM EST
Talaado, May 08, 2012 (HOL) — Dagaal la isku adeegsaday hubka noocyadiisa kala duwan ayaa galinkii dambe ee shalay ku dhaxmaray deegaanka lagu magacaabo Waro-dhuumaleh oo gobolka Galguduud ka tirsan xoogagga Ahlusunna Waljameeca iyo kuwa Xarrakada Al-shabaab.

5/8/2012 3:51 AM EST
Talaado, May 08, 2012 (HOL) — Haweeneyda madaxda ka ah hay'adda UNESCO oo Qaramada Midoobay u qabilsan waxbarashada, sayniska iyo dhaqanka ayaa maanta ugu baaqay dowladda KMG ah inay cadaaladda horkeento kuwa caadeystay dilka suxufiyiinta Soomaalida.

5/8/2012 3:36 AM EST
Talaado, May 08, 2012 (HOL) — Ergayga xoghayaha guud ee Qaramada Midoobay u qaabilsan arrimaha dalka Soomaaliya, danjire Augsutine Mahiga ayaa muujiyay rajo uu ka qabo in xilliga KMG ah ee ay ku shaqeynayso dowladda KMG ah lasoo af-jaro bisha Ogoosto ee sannadkan 2012.

5/8/2012 3:20 AM EST
Talaado, May 08, 2012 (HOL) — Ugu yaraan shan qof oo qoys kasoo wada-jeeda ayaa ku dhintay, sagaal kale way ku dhaawacmeen kaddib madfac aan la garanayn halka uu ka yimid oo xalay ku dhacay xaafadda Zone-K ee degmada Hodan ee gobolka Banaadir.

5/8/2012 3:12 AM EST
Talaado, May 08, 2012 (HOL) — Ugu yaraan afar qof oo laba ka mid ah ay ka mid ahaayeen shaqaalaha waaxda socdaalka iyo jinsiyadaha Soomaaliya ayaa lagu dilay xalay Muqdisho, waxaana dilkaas geystay rag bastoolado ku hubeysan oo wajiga qarsaday.