11/15/2018
Today from Hiiraan Online:  _
Wararka Maanta- Talaado, May 8 , 2012
Maamulka Gobolka Hiiraan oo Waxba kama jiraa ku tilmaamay in Ciidammo ka tirsan AMISOM tageen Magaalada Beledweyne


Talaado, May 08, 2012 (HOL) — Maamulka gobolka Hiiraan ayaa maanta beeniyay warar maalmihii ugu danbeeyayba si weyn u hadal hayeen warbaahinta Soomaalida kuwaasoo sheegaya in ciidammo ka socda dalka Jabuuti qeybna ka ah AMISOM ay gaareen magaalada Beledweyne.

Afhayeenka maamulka gobolka Hiiraan, Max’ed Nuur Caga-joof oo la hadllay HOL ayaa sheegay inaysan jirin ciidammo ka socda dowladda Jabuuti Beledwene tagay hasse ahaatee la filayo dhawaan inay soo gaaraan.

"Waa warar been abuur ah, ma jiraan ciidammo ka socda Jabuuti oo halkaan jooga, waxaa la yaab leh in halka warbaahintu warkan ka keeneen, ma fahmi karo halka ay kasoo xigteen, mar kale ayaan leeyahay waa waxba kama jiraan, Baladweynana ma joogaan joogaan ciidammo Jabuutiyaan ah,'' ayuu yiri Caga-joof

Sidoo kale, C/wali Xasan Jimcaale Cowke oo ka mid ah mas’uuliyiinta warfaafinta ee maamulka ayaa isna sheegay in wararka noocaas oo kale ah loo baahan yahay in wax laga weydiiyo maamulka, isagoo dhinaca kale raaciyay in ciidamada Jabuuti ay imanayaan loona diyaariyay goobihii ay degi lahaayeen.

"Goobihii ay degi lahaayeen waa loo diyaariyay, waana ay soo gaarayaan magaalada ciidamada Jabuuti, laakiin waqtigan hadda ah ma jiraan ciidamo Jabuuti ka socda oo ku sugan qeyb ka mid ah gobollka Hiiraan," ayuu yiri C/wali Xasan.

Warbaahinta ayaa maalmihii ugu danbeeyay siweyn u hadal hayay warar sheegaya in ciidamo qeyb ka ah xoogagga AMISOM kana socda dalka Jabuuti tageen magaalada Beledweyne, gaar ahaan deegaannka Kala-beyr ee gobollka Hiiraan.

C/raxmaan Diini, Hiiraan Online
[email protected]
Beledweyne, Soomaaliya







Click here
5/8/2012 10:08 AM EST
Talaado, May 08, 2012 (HOL) — Faahfaahin dheeraad ah ayaa kasoo baxay madaafiic xalay ku dhacday xaafadda Zone-K ee degmada Hodan, iyadoo tirada dadkii ku dhintay ay gaartay sagaal qof, kuwaasoo afar ka mid ah ay kasoo jeedeen qoys keliya.

5/8/2012 9:02 AM EST
Talaado, May 08, 2012 (HOL) — Ra'iisul wasaaraha Soomaaliya, Cabdiweli Maxamed Cali ayaa maanta Muqdihso ku qaabilay wafdiyo kala duwan oo ka kala socday Qaramada Midoobay, Mareykanka iyo Midowga Yurub.

5/8/2012 8:28 AM EST
Talaado, May 08, 2012 (HOL) — Sanad-guuraddii tobanaad ee ka soo wareegtay Geeridii Madaxweynihii hore ee Somaliland marxuum Maxamed Ibraahim Cigaal ayaa xalay lagu qabtay Hoteel Maansoor ee magaaladda Hargeysa.

5/8/2012 8:20 AM EST
Talaado, May 08, 2012 (HOL) — Hay'adda nabadsugidda DKMG ah ee Soomaaliya ayaa maanta kusoo bandhigtay xarunteeda Muqdisho saddex dhallinyaro ah oo ay sheegtay in Al-shabaab ay ka tirsanaayeen, mid ka mid ahna uu doonayay inuu is-qarxiyo.

5/8/2012 7:59 AM EST
Talaado, May 08, 2012 (HOL) — Kulankan oo ahaa kii 13-aad socdayna muddo laba maalmood ah ayaa maanta lagu soo gabgabeeyay magaalada Muqdisho, waxaana kasoo baxay qodobbo ay ka mid yihiin in la adkeeyo ammaanka dalka iyo weliba deegaannadii Al-shabaab laga qabsaday.

5/8/2012 7:15 AM EST
Talaado, May 08, 2012 (HOL) — Guddoomiyaha maamulka gobollka Hiiraan oo maalintii shalay goob joog ka ahaa kulan ay gollaha deegaannka degmada Beledweyne ku soo dooranayeen Duqa degmada, ayaa sheegay in uu soo dhamaaday waqtigii bulshada loo soo magacaabi jiray hogaan-ka, laakiin wixii hadda ka danbeeya la doonayo in dadku iyaga soo doortaan cidii ay doonayaan.

5/8/2012 7:13 AM EST
Talaado, May 08, 2012 (HOL) — Waxaa maanta ka soconayo Xaafadda Eastleigh (Islii) ee magaalada ee Nairobi dibad-bax ballaaran oo ay soo qabanqaabiyeen ganacsatada xaafadda, kaasoo ay uga cabanayaan amni darrida kusoo badaneysa Xaafadda.

5/8/2012 7:13 AM EST
Talaado, May 08, 2012 (HOL) — Dagaal la isku adeegsaday hubka noocyadiisa kala duwan ayaa galinkii dambe ee shalay ku dhaxmaray deegaanka lagu magacaabo Waro-dhuumaleh oo gobolka Galguduud ka tirsan xoogagga Ahlusunna Waljameeca iyo kuwa Xarrakada Al-shabaab.

5/8/2012 3:51 AM EST
Talaado, May 08, 2012 (HOL) — Haweeneyda madaxda ka ah hay'adda UNESCO oo Qaramada Midoobay u qabilsan waxbarashada, sayniska iyo dhaqanka ayaa maanta ugu baaqay dowladda KMG ah inay cadaaladda horkeento kuwa caadeystay dilka suxufiyiinta Soomaalida.

5/8/2012 3:36 AM EST
Talaado, May 08, 2012 (HOL) — Ergayga xoghayaha guud ee Qaramada Midoobay u qaabilsan arrimaha dalka Soomaaliya, danjire Augsutine Mahiga ayaa muujiyay rajo uu ka qabo in xilliga KMG ah ee ay ku shaqeynayso dowladda KMG ah lasoo af-jaro bisha Ogoosto ee sannadkan 2012.

5/8/2012 3:20 AM EST
Talaado, May 08, 2012 (HOL) — Ugu yaraan shan qof oo qoys kasoo wada-jeeda ayaa ku dhintay, sagaal kale way ku dhaawacmeen kaddib madfac aan la garanayn halka uu ka yimid oo xalay ku dhacay xaafadda Zone-K ee degmada Hodan ee gobolka Banaadir.

5/8/2012 3:12 AM EST
Talaado, May 08, 2012 (HOL) — Ugu yaraan afar qof oo laba ka mid ah ay ka mid ahaayeen shaqaalaha waaxda socdaalka iyo jinsiyadaha Soomaaliya ayaa lagu dilay xalay Muqdisho, waxaana dilkaas geystay rag bastoolado ku hubeysan oo wajiga qarsaday.