11/19/2018
Today from Hiiraan Online:  _
Wararka Maanta- Talaado, May 8 , 2012
Xuska Sannad-guuradii 10-aad ee kasoo wareegtay Geeridii Madaxweynihii hore ee Somaliland oo Hargeysa lagu qaabtay



Talaado, May 08, 2012 (HOL) — Sanad-guuraddii tobanaad ee ka soo wareegtay Geeridii Madaxweynihii hore ee Somaliland marxuum Maxamed Ibraahim Cigaal ayaa xalay lagu qabtay Hoteel Maansoor ee magaaladda Hargeysa.

Xafladan oo ay soo qabanqaabisay xaaskii madaxweynihii hore Marwo Kaltuun Xaaji Daahir,waxaana ka soo qaybgalay madax kala duwan oo ay ka mid yihiin xisbiyadda qaranka, madax dhaqameedka, aqoonyahano, wasiirro iyo rag badan oo ay saaxiib ahaayeen marxuumka oo ay soo wada shaqeeyeen, kuwaas oo ka sheekeeyey taariikhdiisa iyo waxyaalaha lagu xasuusan karo oo qalbiyadda dadka ku dhegan.

Maxamed Siciid Gees maareeyaha Akadamiga nabada iyo horumarka, oo in badan wada shaqeeyeen saaxib dhowna ay isku ahaayeen ayaa ka waramay waxyaalihii uu dalka ka qabtay iyo talaabooyinkii horumarineed ee uu marxuum Cigaal hormoodka ka ahaa oo ay ugu weyn tahay hub dhigistii kooxihii dagaalamayey iyo qabiilooyinkii hubka sitay.

"madaxweyne Cigaal mar uu carabta la hadlayey waxa uu ku yidhi anigu waxaan dadkayga ku hoggaaminayaa waxay doonayaan, waxayna madaxweyne igu doorteen Somaliland inaan u shaqeeyo" Ayuu yidhi Mudane Gees oo wasiirkiisa arrimaha dibadda ahaa muddo dheer.

Marwo Kaltuun Xaaji Daahir ayaa iyana tilmaamo ka bixisay geedi-socodkii dimuquraadiyadda iyo hawshii ka gashay Axsaabta badan oo uu ka kow ahaa Xisbiga UDUB oo uu hoggaamiye u noqday, kaasoo ay dhaliishay waqtigan muranka dhexdiisa ka oogan. " marxuumkii waxa uu yidhi markii aasaaska xisbiga UDUB socday waxaan doonayaa in aanu xisbigaasi noqon, xisbi nin kalli ahi ku amar ku taagleeyo, ee uu ahaan doono mid loo simanyahay, Xisbigii UDUB waxaa uu maanta u baahanyahay in la badbaadiyo"ayey tidhi mar ay ka hadlay khilaafka xisbiga UDUB hadheeyey.

"In kasta oo aanan wax badan ku soo gaadhin, waxaynu ka marag ka nahay in Cigaal ahaa aas-aasihii Somalilan"ayuu yidh gudoomiyaha golaha Wakiiladda oo madasha ka hadlay.


Axmed Aadan (Goodir,) oo ka mid ahaa guddigii hore ee doorashooyinka, islamarkaana aqoon dheer u lahaa marxuumka ayaa ka waramay wakhtigii uu sameeyey guddida doorashooyinka somaliland in uu kula dardaarmay cadaaladda, waxaanu yidhi "Komishanka markii la noo doortay, waxaa uu nagu yidhi cadaalad ayaa la’idiin doortay haddaad cadaalad daro isku aragtaan, anniga igu jiifsadda anigaa dhabar-weyne."

"In aanay UDUB is khilaafini ma soconayso oo adduunyada ayaa ku dhisan, laakiin, inay is khilaafto oo aanaan heshiinin ayaa nagu ah doqoniimo. Garabyo ayaa la sheegaa aniga oo labadiiba ka wakiil ah waxaan leeyahay nacasnimo ayaa na haysata"ayuu yidhi Siciid Sulub wasiirkii hore ee hawlaha guud oo ka hadlayey khilaafka xisbiga UDUB oo uu sheegay in loo bahan yahay in khilaafka jira la dhameeyo.

Waxa iyaguna halkaasi ka hadlay masuuliyiin aad u badan oo ay hore u soo wada shaqeeyeen, kana waramay dhacdooyinkii cajiibka ahaa ee ay ku arkeen marxuum Maxamed X. Cigaal.

Barkhad-Ladiif M. Cumar, Hiiraan Online
[email protected]
Hargeysa, Somaliland







Click here
5/8/2012 10:08 AM EST
Talaado, May 08, 2012 (HOL) — Faahfaahin dheeraad ah ayaa kasoo baxay madaafiic xalay ku dhacday xaafadda Zone-K ee degmada Hodan, iyadoo tirada dadkii ku dhintay ay gaartay sagaal qof, kuwaasoo afar ka mid ah ay kasoo jeedeen qoys keliya.

5/8/2012 9:02 AM EST
Talaado, May 08, 2012 (HOL) — Ra'iisul wasaaraha Soomaaliya, Cabdiweli Maxamed Cali ayaa maanta Muqdihso ku qaabilay wafdiyo kala duwan oo ka kala socday Qaramada Midoobay, Mareykanka iyo Midowga Yurub.

5/8/2012 8:55 AM EST
Talaado, May 08, 2012 (HOL) — Maamulka gobolka Hiiraan ayaa maanta beeniyay warar maalmihii ugu danbeeyayba si weyn u hadal hayeen warbaahinta Soomaalida kuwaasoo sheegaya in ciidammo ka socda dalka Jabuuti qeybna ka ah AMISOM ay gaareen magaalada Beledweyne.

5/8/2012 8:20 AM EST
Talaado, May 08, 2012 (HOL) — Hay'adda nabadsugidda DKMG ah ee Soomaaliya ayaa maanta kusoo bandhigtay xarunteeda Muqdisho saddex dhallinyaro ah oo ay sheegtay in Al-shabaab ay ka tirsanaayeen, mid ka mid ahna uu doonayay inuu is-qarxiyo.

5/8/2012 7:59 AM EST
Talaado, May 08, 2012 (HOL) — Kulankan oo ahaa kii 13-aad socdayna muddo laba maalmood ah ayaa maanta lagu soo gabgabeeyay magaalada Muqdisho, waxaana kasoo baxay qodobbo ay ka mid yihiin in la adkeeyo ammaanka dalka iyo weliba deegaannadii Al-shabaab laga qabsaday.

5/8/2012 7:15 AM EST
Talaado, May 08, 2012 (HOL) — Guddoomiyaha maamulka gobollka Hiiraan oo maalintii shalay goob joog ka ahaa kulan ay gollaha deegaannka degmada Beledweyne ku soo dooranayeen Duqa degmada, ayaa sheegay in uu soo dhamaaday waqtigii bulshada loo soo magacaabi jiray hogaan-ka, laakiin wixii hadda ka danbeeya la doonayo in dadku iyaga soo doortaan cidii ay doonayaan.

5/8/2012 7:13 AM EST
Talaado, May 08, 2012 (HOL) — Waxaa maanta ka soconayo Xaafadda Eastleigh (Islii) ee magaalada ee Nairobi dibad-bax ballaaran oo ay soo qabanqaabiyeen ganacsatada xaafadda, kaasoo ay uga cabanayaan amni darrida kusoo badaneysa Xaafadda.

5/8/2012 7:13 AM EST
Talaado, May 08, 2012 (HOL) — Dagaal la isku adeegsaday hubka noocyadiisa kala duwan ayaa galinkii dambe ee shalay ku dhaxmaray deegaanka lagu magacaabo Waro-dhuumaleh oo gobolka Galguduud ka tirsan xoogagga Ahlusunna Waljameeca iyo kuwa Xarrakada Al-shabaab.

5/8/2012 3:51 AM EST
Talaado, May 08, 2012 (HOL) — Haweeneyda madaxda ka ah hay'adda UNESCO oo Qaramada Midoobay u qabilsan waxbarashada, sayniska iyo dhaqanka ayaa maanta ugu baaqay dowladda KMG ah inay cadaaladda horkeento kuwa caadeystay dilka suxufiyiinta Soomaalida.

5/8/2012 3:36 AM EST
Talaado, May 08, 2012 (HOL) — Ergayga xoghayaha guud ee Qaramada Midoobay u qaabilsan arrimaha dalka Soomaaliya, danjire Augsutine Mahiga ayaa muujiyay rajo uu ka qabo in xilliga KMG ah ee ay ku shaqeynayso dowladda KMG ah lasoo af-jaro bisha Ogoosto ee sannadkan 2012.

5/8/2012 3:20 AM EST
Talaado, May 08, 2012 (HOL) — Ugu yaraan shan qof oo qoys kasoo wada-jeeda ayaa ku dhintay, sagaal kale way ku dhaawacmeen kaddib madfac aan la garanayn halka uu ka yimid oo xalay ku dhacay xaafadda Zone-K ee degmada Hodan ee gobolka Banaadir.

5/8/2012 3:12 AM EST
Talaado, May 08, 2012 (HOL) — Ugu yaraan afar qof oo laba ka mid ah ay ka mid ahaayeen shaqaalaha waaxda socdaalka iyo jinsiyadaha Soomaaliya ayaa lagu dilay xalay Muqdisho, waxaana dilkaas geystay rag bastoolado ku hubeysan oo wajiga qarsaday.