3/24/2023
Today from Hiiraan Online:  _
Wararka Maanta- Axad, May 13, 2012
Maxaabiis Soomaaliyeed oo Tiradoodu gaarayso 94-ruux oo laga sii-daayay Xabsi ku yaalla dalka Tanzania


Axad, May 13, 2012 (HOL) — Maxaabiistii ugu tirada badnaa ee laga sii daayo abdi xabsiyada dalka Tanzania ayaa lasii daayay kaddib iskaashi iyo isfahan dhex-maray safaarada Soomaaliya ee dalka Tanzania iyo wasaaradda arrimaha gudaha dalkaas.

Maxaabiistan oo tiradoodu ahayd 94-ruux oo sadex ka mid ahi ay gabdho ahaayeen ayaa laga sii-daayay, kuwaasoo la qabtay xilli ay doonayeen inay qaab tahriib ah ku maraan dalkaas.

Dhallinyarada Soomaaliyeed ee xabsiga laga sii-daayay ayaa sheegay in ciidamada ilaalada xeebaha dalka Musambiik ay qabteen iyagoo doommo la socda ayna si xun ula dhaqmeen ka hor intii aan loosoo gudbin xabsiyada dalka Tanzania.

"Ciidamada Musambiik waxay noo geysteen falal kala duwan oo ay ka mid ahaayeen jir-dil, kufsi iyo dhac. Balse ciidamada Tanzania ayaa si wanaagsan noola dhaqmay," ayay yiraahdeen maxaabiista qaarkood.

Maxaabistan ayaa uga digay dhallinyarada Soomaaliyeed ee doonaya inay tahriib galaan, iyagoo sheegay in muddadii ay tahriibka ku jireen ay la kulmeen dhibaatooyin aad u fara badan.


"Safarkeenna waxaan kasoo billownay magaalada Muqdisho waxayna rajadeennu ahayd inaan heli doonno nolol iyo dhaqaale ka fiican middii aan Muqdisho ku haysannay, balse waxaan la kulannay dhibaatooyin badan ka hor intii aanan gaarin halkii aan u soconnay oo ahayd Koonfur Afrika," ayuu yiri Axmed C/samad Axmed oo ka mid ahaa maxaabiistii xabsiga laga sii daayay.

Maxaabiistan ayaa waxay xabsiga dalka Tanzania ku jireen muddo hal sano ah, iyagoo sheegay in si wanaagsan loola dhaqmay, waxaana qaarkood ka muuqday daal fara badan.

Dhinaca kale; dhallinyarada Soomaaliyeed ee xabsiga laga sii-daayay ayaa waxay u mahadceliyeen cid walba oo gacan ka geysatay in xabsiga laga sii-daayo, waxayna sheegeen inay dib ugu laaban doonaan Soomaaliya.



Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
Ra'iisul wasaaraha Soomaaliya oo Odayaasha-dhaqanka ku boorriyay inay Dedejiyaan Xulidda Guddiga Ansixinta Dastuurka
5/13/2012 6:12 AM EST
Axad, May 13, 2012 (HOL) — Ra'iisul wasaaraha Soomaaliya, C/weli Maxamed Cali ayaa ku boorriyay maanta odayaasha dhaqanka ee ku shirsan Muqdisho inay soo dedejiyaan guddiga ansixinta dastuurka cusub ee Soomaaliya.

Hay'adda Nabad-sugidda Dowladda KMG Soomaaliya oo sheegtay in la qabtay Miino Casri ah oo ay Al-shabaab Sameysatay
5/13/2012 5:31 AM EST
Axad, May 13, 2012 (HOL) — Hay'adda Nabadsugidda DKMG ah ee Soomaaliya ayaa sheegtay in la qabtay miino casri ah oo ay AL-shabaab sameysay taasoo lagu xiri karo gaadiidka yaryar si loo dilo qofka wata.

Maydka Haweeney la gowracan oo lagu arkay Duleedka Deegaanka Hoosingoow ee Gobolka Jubada Hoose
5/13/2012 5:20 AM EST
Axad, May 13, 2012 (HOL) — Wararka aynu ka heleyno deegaanka Hoosingoow ee gobolka Jubada Hoose ayaa sheegay in duleedka deegaankaasi maanta lagu arkay meydka haweeney kamid ahayd dadka deegaanka taasoo gowracan, waxaana ilaa imika aan cadeyn sababta ka danbeeysay dilka haweeneydaasi.

Guddoomiyaha gobolka Hiiraan oo Jawaab ka bixiyay eedeyn uga timid Guddoomiyaha Degmada Beledweyne
5/13/2012 3:41 AM EST
Axad, May 13, 2012 (HOL) — Guddoomiyaha maamulka gobollka Hiiraan C/fitaax Xassan Afrax oo wareysi siinayay laanta afka Soomaaliga ee BBC-da ayaa si kulul uga jawaabay eedeyn ugu timid guddoomiyaha degmada Beledweyne Cismaan Barre Max’ed oo sheegay in guddoomiyuhu caqabad ku yahay howlaha maamulka gobolka.

Kulan ay iska-kaashadeen Wasaaradda Dhallinyarada iyo Ururrada SYL II iyo NYC oo Dhallinyaro Soomaaliyeed uga furmay Muqdisho
5/13/2012 3:41 AM EST
Axad, May 13, 2012 (HOL) — Tababarkan oo ay wadajir ah u soo qaban-qaabiyeen wasaaradda dhalinyarada, isboortiga, shaqada iyo shaqaalaha DKMG iyo urrurrada dhalinyarda SYL II iyo ururka dhalinyarada Qaranka Soomaliyeed loogana doodayo dastuurka iyo siyaasada dhallinyarada Soomaaliyeed ayaa ka furmay Muqdisho.

Bambooyin Khasaare Nafeed geystay oo xalay lagu weeraray ciidammo ku sugnaa Isgoyska Baar Ubax ee Muqdisho
5/13/2012 3:22 AM EST
Axad, May 13, 2012 (HOL) — Ugu yaraan saddex qof oo isugu jira askar iyo shacab ayaa ku dhintay qaraxyo bambaano oo xalay ka dhacay Isgoyska Baar Ubax ee degmada Howlwadaag, waxaana ku dhaawacmay shan qof oo ay ku jirto haweeney labada lugood ka go'day.

Ciidamada Maamulka Gobolka Hiiraan oo la wareegay gacan-haynta Degmada Maxaas oo Gobolka Hiiraan ka tirsan
5/13/2012 3:06 AM EST
Axad, May 13, 2012 (HOL) — Ciidamada maamulka gobolka Hiiraan isla markaana uu horkacayo guddoomiyaha degmada Maxaas Muumin Max’ed Xalane oo dhawaan la magacaabay ayaa shalay gallinkii dambe gudaha u galay degmada Maxaas oo ka tirsan gobolka Hiiraan.