11/20/2018
Today from Hiiraan Online:  _
Wararka Maanta- Axad, May 13, 2012
Kulan ay iska-kaashadeen Wasaaradda Dhallinyarada iyo Ururrada SYL II iyo NYC oo Dhallinyaro Soomaaliyeed uga furmay Muqdisho



Axad, May 13, 2012 (HOL) — Tababarkan oo ay wadajir ah u soo qaban-qaabiyeen wasaaradda dhalinyarada, isboortiga, shaqada iyo shaqaalaha DKMG iyo urrurrada dhalinyarda SYL II iyo ururka dhalinyarada Qaranka Soomaliyeed loogana doodayo dastuurka iyo siyaasada dhallinyarada Soomaaliyeed ayaa ka furmay Muqdisho.

Siminaarkan oo socan doona saddex maalmood ayna ka qaybgalayaan 100 dhallinyaro Soomaaliyeed ah oo ka socda ururrada dhalinyarada ee dalka ka jira ayaa waxaa furay wasiir-u-dowlaha wasaaradda dhalinyarada, isboortiga, shaqada iyo shaqaalaha, Cabdullaahi Sheekh Cali Qaloocow isagoo sheegay in wasaarad ahaan ay aad ugu faraxsan yihiin in dhallinyarada Soomaaliyeed yeeshaan doodo kuwan oo kale ah.

Cabdullaahi Maxamed Rooble oo ah mas’uul ka tirsan ururka dhallinyarada SYL II ayaa dhallinyarada halkaas isugu timid u sheegay muhimadda ay leedahay inay ka qayb-qaataan dejinta siyaasaddooda iyo dastuurkooda isagoo ugu baaqay inay isku xirnaadaan ayna ka tashadaan aayahooda.


"Tani waa farxad weyn, waayo waxaa inoo muuqda in dhallinyaradu ay diyaar u yihiin inay ka hadlaan mustaqbalkooda," ayuu yiri C/llaahi Maxamed Nuur oo sheegay in inta siminaarku socdo ay dhallinyaradu isdhaafsan doonaan fikrado kala duwan.

Dooddii ugu horreysay ee ay dhallinyaradu yeesheen ayaa waxaa looga hadlay sidii ay dastuur u sameysan lahaayeen iyadoo labada maalmood ee soo socda la filayo in dhallinyaradu sameystaan dastuur ay ku dhaqmaan iyo wixii shirkooda kasoo baxana lagu soo bandhigi doono maalinta dhallinyarada Soomaaliyeed oo ku beegan 15-ka bishan May.



Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/13/2012 6:12 AM EST
Axad, May 13, 2012 (HOL) — Ra'iisul wasaaraha Soomaaliya, C/weli Maxamed Cali ayaa ku boorriyay maanta odayaasha dhaqanka ee ku shirsan Muqdisho inay soo dedejiyaan guddiga ansixinta dastuurka cusub ee Soomaaliya.

5/13/2012 5:31 AM EST
Axad, May 13, 2012 (HOL) — Hay'adda Nabadsugidda DKMG ah ee Soomaaliya ayaa sheegtay in la qabtay miino casri ah oo ay AL-shabaab sameysay taasoo lagu xiri karo gaadiidka yaryar si loo dilo qofka wata.

5/13/2012 5:20 AM EST
Axad, May 13, 2012 (HOL) — Wararka aynu ka heleyno deegaanka Hoosingoow ee gobolka Jubada Hoose ayaa sheegay in duleedka deegaankaasi maanta lagu arkay meydka haweeney kamid ahayd dadka deegaanka taasoo gowracan, waxaana ilaa imika aan cadeyn sababta ka danbeeysay dilka haweeneydaasi.

5/13/2012 3:41 AM EST
Axad, May 13, 2012 (HOL) — Guddoomiyaha maamulka gobollka Hiiraan C/fitaax Xassan Afrax oo wareysi siinayay laanta afka Soomaaliga ee BBC-da ayaa si kulul uga jawaabay eedeyn ugu timid guddoomiyaha degmada Beledweyne Cismaan Barre Max’ed oo sheegay in guddoomiyuhu caqabad ku yahay howlaha maamulka gobolka.

5/13/2012 3:22 AM EST
Axad, May 13, 2012 (HOL) — Ugu yaraan saddex qof oo isugu jira askar iyo shacab ayaa ku dhintay qaraxyo bambaano oo xalay ka dhacay Isgoyska Baar Ubax ee degmada Howlwadaag, waxaana ku dhaawacmay shan qof oo ay ku jirto haweeney labada lugood ka go'day.

5/13/2012 3:20 AM EST
Axad, May 13, 2012 (HOL) — Maxaabiistii ugu tirada badnaa ee laga sii daayo abdi xabsiyada dalka Tanzania ayaa lasii daayay kaddib iskaashi iyo isfahan dhex-maray safaarada Soomaaliya ee dalka Tanzania iyo wasaaradda arrimaha gudaha dalkaas.

5/13/2012 3:06 AM EST
Axad, May 13, 2012 (HOL) — Ciidamada maamulka gobolka Hiiraan isla markaana uu horkacayo guddoomiyaha degmada Maxaas Muumin Max’ed Xalane oo dhawaan la magacaabay ayaa shalay gallinkii dambe gudaha u galay degmada Maxaas oo ka tirsan gobolka Hiiraan.