11/18/2018
Today from Hiiraan Online:  _
Wararka Maanta- Axad, May 13, 2012
Ciidamada Maamulka Gobolka Hiiraan oo la wareegay gacan-haynta Degmada Maxaas oo Gobolka Hiiraan ka tirsan


Axad, May 13, 2012 (HOL) — Ciidamada maamulka gobolka Hiiraan isla markaana uu horkacayo guddoomiyaha degmada Maxaas Muumin Max’ed Xalane oo dhawaan la magacaabay ayaa shalay gallinkii dambe gudaha u galay degmada Maxaas oo ka tirsan gobolka Hiiraan.

Sida uu HOL u sheegay la taliyaha guddoomiyaha maamulka gobollka Dr, Max’uud Diiriye Max’ed ciidammo ka tirsan maamulka gobolka ayaa saacadihii lasoo dhaafay galay degmada oo in mudo ah gacanta ugu jirta xoogagga Xarakada Al-shabaab.

"Waxaa xilligan gudaha degmada ku sugan ciidamada maamulka gobolka kuwaasoo kasoo ambabaxay Beledweyne, kooxihii halkaa joogay markii ay ka war heleen inay ciidamadu kusoo dhow yihiin way isaga carareen, watiga ammaanka degmada waa mid hagaagsan waxaana jooga guddoomiyihii degmada iyo ciidamada maamulka gobollka,’’ ayuu yiri Max’uud Diiriye.

Dad ku sugan degmada Maxaas oo ay HOL la hadashay ayaa u sheegay in ay ku arkeen gudaha degmada gadiid dagaal iyo ciidamo ka amar qaata maamulka gobollka Hiiraan, iyadoo dhinaca kalana qeybo ka mid ah degmada lagu arkayo xoogagga Ahlu Sunna Waljameeca.

Saraakiisha maamulka gobollka Hiiraan ee ku sugan magaalada Beledweyne ayaa u sheegay HOL in maalmaha soo socda la wareegi doonaan dhamaan qeybaha gobollka ee hadda gacanta ugu jira xoogagga Al-shabaab.

Ilaa hadda ma jiro wax war ah oo ay dhinaca Al-shabaab ka soo saareen ciidamada maamulka gobollka Hiiraan ee la sheegay in saacadihii la soo dhaafay ay gudaha u galeen degmada Maxaas.

C/raxmaan Diini, Hiiraan Online
[email protected]
Beledweyne, Soomaaliya







Click here
5/13/2012 6:12 AM EST
Axad, May 13, 2012 (HOL) — Ra'iisul wasaaraha Soomaaliya, C/weli Maxamed Cali ayaa ku boorriyay maanta odayaasha dhaqanka ee ku shirsan Muqdisho inay soo dedejiyaan guddiga ansixinta dastuurka cusub ee Soomaaliya.

5/13/2012 5:31 AM EST
Axad, May 13, 2012 (HOL) — Hay'adda Nabadsugidda DKMG ah ee Soomaaliya ayaa sheegtay in la qabtay miino casri ah oo ay AL-shabaab sameysay taasoo lagu xiri karo gaadiidka yaryar si loo dilo qofka wata.

5/13/2012 5:20 AM EST
Axad, May 13, 2012 (HOL) — Wararka aynu ka heleyno deegaanka Hoosingoow ee gobolka Jubada Hoose ayaa sheegay in duleedka deegaankaasi maanta lagu arkay meydka haweeney kamid ahayd dadka deegaanka taasoo gowracan, waxaana ilaa imika aan cadeyn sababta ka danbeeysay dilka haweeneydaasi.

5/13/2012 3:41 AM EST
Axad, May 13, 2012 (HOL) — Guddoomiyaha maamulka gobollka Hiiraan C/fitaax Xassan Afrax oo wareysi siinayay laanta afka Soomaaliga ee BBC-da ayaa si kulul uga jawaabay eedeyn ugu timid guddoomiyaha degmada Beledweyne Cismaan Barre Max’ed oo sheegay in guddoomiyuhu caqabad ku yahay howlaha maamulka gobolka.

5/13/2012 3:41 AM EST
Axad, May 13, 2012 (HOL) — Tababarkan oo ay wadajir ah u soo qaban-qaabiyeen wasaaradda dhalinyarada, isboortiga, shaqada iyo shaqaalaha DKMG iyo urrurrada dhalinyarda SYL II iyo ururka dhalinyarada Qaranka Soomaliyeed loogana doodayo dastuurka iyo siyaasada dhallinyarada Soomaaliyeed ayaa ka furmay Muqdisho.

5/13/2012 3:22 AM EST
Axad, May 13, 2012 (HOL) — Ugu yaraan saddex qof oo isugu jira askar iyo shacab ayaa ku dhintay qaraxyo bambaano oo xalay ka dhacay Isgoyska Baar Ubax ee degmada Howlwadaag, waxaana ku dhaawacmay shan qof oo ay ku jirto haweeney labada lugood ka go'day.

5/13/2012 3:20 AM EST
Axad, May 13, 2012 (HOL) — Maxaabiistii ugu tirada badnaa ee laga sii daayo abdi xabsiyada dalka Tanzania ayaa lasii daayay kaddib iskaashi iyo isfahan dhex-maray safaarada Soomaaliya ee dalka Tanzania iyo wasaaradda arrimaha gudaha dalkaas.