11/12/2018
Today from Hiiraan Online:  _
Wararka Maanta- Axad, May 13, 2012
Guddoomiyaha gobolka Hiiraan oo Jawaab ka bixiyay eedeyn uga timid Guddoomiyaha Degmada Beledweyne


Axad, May 13, 2012 (HOL) — Guddoomiyaha maamulka gobollka Hiiraan C/fitaax Xassan Afrax oo wareysi siinayay laanta afka Soomaaliga ee BBC-da ayaa si kulul uga jawaabay eedeyn ugu timid guddoomiyaha degmada Beledweyne Cismaan Barre Max’ed oo sheegay in guddoomiyuhu caqabad ku yahay howlaha maamulka gobolka.

Mudane Afrax waxaa uu ku tilmaamay in hadalka ka soo yeeray guddoomiyaha degmada uusan aheyn mid mas’uuliyad xanbaarsan, howsha maamulka gobollkana si habsami leh ay u socto.

"Waan maqlayay isaga oo warbaahinta la hadllaya, dabcan qofku haddii uu ka soo bixi waayo xilkii la saaray, micno ma sameyneyso in warbaahinta laga hadllo oo dacaayado la fidiyo, mas’uuliyiinta maamulka gobollka waa ay shaqeynayaan, waxaa jooga ku-xigeenadii gobollka oo howlahoodii wata, waxaa jooga oo shaqeynaya isaga ku-xigeenadiisii, sidaa daraadeed waxaa meesha ka muuqata mas’uuliyad darro iyo in uu yahay qof shaqadiisii dib uga dhacay,’’ ayuu yiri,’’ guddoomiyaha maamulka gobollka Hiiraan.

Guddoomiyaha gobollka waxaa uu sheegay in ay haboonaan laheyd halkaa uu warbaahinta ka adeegsan lahaa in wixii cabasho ah uu la soo socodsiiyo.

"Haddii ay cabasho jirto qaab sharci ah oo loo gudbiyo ayaa jirta, anniga ayaa ah shaqsiga ugu sareeya gobollka wakiilna uga ah madaxweynaha Soomaaliya, xitaa haddii uusan anniga waxba ila socodsiin, waxaa habooneyd in uu qaab sharci ah wasaarrada arrimaha gudaha cabashadiisa ugu gudbiyo, ma’aha in Idaacadaha wax laga daacayadeeyo ayuu yiri,’’ C/fitaax Xassan Afrax.

Sidoo kale waxaa uu sheegay in mas’uuliyiinta maamulka gobollka dhamaantood si wadajir ah u shaqeynayaan, isaga oo intaa ku darray in lagu howlan yahay adkeynta nabad-galyada, gargaarka, iyo waliba dib u dhiska gobollka, sidaa daraadeed loo baahan yahay in xoogga la saaro hormarka halkii laga shaqeyn lahaa in daacayad iyo eedeymo hawada leysku mariyo

Guddoomiyaha degmada Beledweyne Cismaan Barre Max’ed ayaa ku eedeeyay guddoomiyaha gobollka Hiiraan in uu ku hor gudban yahay sida uu hadalka u dhigay habsami u socodka howlaha maamulka gobollka Hiiraan

Ma jiro mas'uul kale oo ka tirsan maamulka gobollka Hiiraan oo ka hadllay eedeynta uu soo jeediyay guddoomiyaha degmada Beledweyne oo ka mid ahaa mas'uuliyiinta maamulka gobollka ay u soo magacaawday dowladda KMG.

C/raxmaan Diini, Hiiraan Online
[email protected]
Beledweyne, Soomaaliya







Click here
5/13/2012 6:12 AM EST
Axad, May 13, 2012 (HOL) — Ra'iisul wasaaraha Soomaaliya, C/weli Maxamed Cali ayaa ku boorriyay maanta odayaasha dhaqanka ee ku shirsan Muqdisho inay soo dedejiyaan guddiga ansixinta dastuurka cusub ee Soomaaliya.

5/13/2012 5:31 AM EST
Axad, May 13, 2012 (HOL) — Hay'adda Nabadsugidda DKMG ah ee Soomaaliya ayaa sheegtay in la qabtay miino casri ah oo ay AL-shabaab sameysay taasoo lagu xiri karo gaadiidka yaryar si loo dilo qofka wata.

5/13/2012 5:20 AM EST
Axad, May 13, 2012 (HOL) — Wararka aynu ka heleyno deegaanka Hoosingoow ee gobolka Jubada Hoose ayaa sheegay in duleedka deegaankaasi maanta lagu arkay meydka haweeney kamid ahayd dadka deegaanka taasoo gowracan, waxaana ilaa imika aan cadeyn sababta ka danbeeysay dilka haweeneydaasi.

5/13/2012 3:41 AM EST
Axad, May 13, 2012 (HOL) — Tababarkan oo ay wadajir ah u soo qaban-qaabiyeen wasaaradda dhalinyarada, isboortiga, shaqada iyo shaqaalaha DKMG iyo urrurrada dhalinyarda SYL II iyo ururka dhalinyarada Qaranka Soomaliyeed loogana doodayo dastuurka iyo siyaasada dhallinyarada Soomaaliyeed ayaa ka furmay Muqdisho.

5/13/2012 3:22 AM EST
Axad, May 13, 2012 (HOL) — Ugu yaraan saddex qof oo isugu jira askar iyo shacab ayaa ku dhintay qaraxyo bambaano oo xalay ka dhacay Isgoyska Baar Ubax ee degmada Howlwadaag, waxaana ku dhaawacmay shan qof oo ay ku jirto haweeney labada lugood ka go'day.

5/13/2012 3:20 AM EST
Axad, May 13, 2012 (HOL) — Maxaabiistii ugu tirada badnaa ee laga sii daayo abdi xabsiyada dalka Tanzania ayaa lasii daayay kaddib iskaashi iyo isfahan dhex-maray safaarada Soomaaliya ee dalka Tanzania iyo wasaaradda arrimaha gudaha dalkaas.

5/13/2012 3:06 AM EST
Axad, May 13, 2012 (HOL) — Ciidamada maamulka gobolka Hiiraan isla markaana uu horkacayo guddoomiyaha degmada Maxaas Muumin Max’ed Xalane oo dhawaan la magacaabay ayaa shalay gallinkii dambe gudaha u galay degmada Maxaas oo ka tirsan gobolka Hiiraan.