9/23/2018
Today from Hiiraan Online:  _
Wararka Maanta- Axad, May 13, 2012
Maydka Haweeney la gowracan oo lagu arkay Duleedka Deegaanka Hoosingoow ee Gobolka Jubada Hoose


Axad, May 13, 2012 (HOL) — Wararka aynu ka heleyno deegaanka Hoosingoow ee gobolka Jubada Hoose ayaa sheegay in duleedka deegaankaasi maanta lagu arkay meydka haweeney kamid ahayd dadka deegaanka taasoo gowracan, waxaana ilaa imika aan cadeyn sababta ka danbeeysay dilka haweeneydaasi.

Max'ed sheekh Cabdi oo katirsan saraakiisha dowladda ee gobolka Jubada Hoose ayaa warbaahinta u sheegay in haweeneydaasi ay gurigeeda kala baxeen rag katirsan Al-shabaab, wuxuuna sheegay in meydkeeda oo gowracan ay soo dhigeen duleedka deegaanka Hoosingoow.

"Waxay kamid ahayd dadka Hoosingow ku nool, qof masaakiin ah oo haysatada 5-carruur ah oo agoon ah ayay ahayd, waxaa shalay galab la arkay meydkeeda oo gowracan, magaalada banaankeeda ayaa laga soo qaaday meydka oo madaxa ka go'a," sidaasi waxaa inoo sheegtay Hooyo ay Deris ahaayeen haweenayda la dilay.

Haweeneyda la gowracay ayaa lagu magacaabaa Suleeqo sheekh Yuusuf, waxayna ahayd 35 sano jir, iyadoona ay kamid ahayd dadka reer Hoosingoow, waxaana dadka deegaanka ay sheegeen in haweeneydaasi loo dilay si naxariis darro ah.

Dhanka xoogagga Al-shabaab ilaa imika ma jiro wax war ah oo ku aadan arintaasi oo kasoo baxay, waxaana arintani ay welwel iyo walaac ku abuurtay dadka ku dhaqan deegaanka Hoosingoow ee gobolka Jubada Hoose.

Ma ahan markii ugu horeeysay ee gobollada Jubooyinka lagu arko meydka ruux gowracan, haseyeeshee dilalka ceynkan oo kale ayaa ah kuwo aalaaba ka dhaca gobollada Jubooyinka oo ay isku hayaan xoogagga Al-shabaab iyo ciidamada dowladda KMG oo kaashanay kuwa ururka Raaskaambooni iyo Militariga Kenya.

Xasan Nuur, Hiiraan Online
[email protected]
Kismaayo, Soomaaliya







Click here
5/13/2012 6:12 AM EST
Axad, May 13, 2012 (HOL) — Ra'iisul wasaaraha Soomaaliya, C/weli Maxamed Cali ayaa ku boorriyay maanta odayaasha dhaqanka ee ku shirsan Muqdisho inay soo dedejiyaan guddiga ansixinta dastuurka cusub ee Soomaaliya.

5/13/2012 5:31 AM EST
Axad, May 13, 2012 (HOL) — Hay'adda Nabadsugidda DKMG ah ee Soomaaliya ayaa sheegtay in la qabtay miino casri ah oo ay AL-shabaab sameysay taasoo lagu xiri karo gaadiidka yaryar si loo dilo qofka wata.

5/13/2012 3:41 AM EST
Axad, May 13, 2012 (HOL) — Guddoomiyaha maamulka gobollka Hiiraan C/fitaax Xassan Afrax oo wareysi siinayay laanta afka Soomaaliga ee BBC-da ayaa si kulul uga jawaabay eedeyn ugu timid guddoomiyaha degmada Beledweyne Cismaan Barre Max’ed oo sheegay in guddoomiyuhu caqabad ku yahay howlaha maamulka gobolka.

5/13/2012 3:41 AM EST
Axad, May 13, 2012 (HOL) — Tababarkan oo ay wadajir ah u soo qaban-qaabiyeen wasaaradda dhalinyarada, isboortiga, shaqada iyo shaqaalaha DKMG iyo urrurrada dhalinyarda SYL II iyo ururka dhalinyarada Qaranka Soomaliyeed loogana doodayo dastuurka iyo siyaasada dhallinyarada Soomaaliyeed ayaa ka furmay Muqdisho.

5/13/2012 3:22 AM EST
Axad, May 13, 2012 (HOL) — Ugu yaraan saddex qof oo isugu jira askar iyo shacab ayaa ku dhintay qaraxyo bambaano oo xalay ka dhacay Isgoyska Baar Ubax ee degmada Howlwadaag, waxaana ku dhaawacmay shan qof oo ay ku jirto haweeney labada lugood ka go'day.

5/13/2012 3:20 AM EST
Axad, May 13, 2012 (HOL) — Maxaabiistii ugu tirada badnaa ee laga sii daayo abdi xabsiyada dalka Tanzania ayaa lasii daayay kaddib iskaashi iyo isfahan dhex-maray safaarada Soomaaliya ee dalka Tanzania iyo wasaaradda arrimaha gudaha dalkaas.

5/13/2012 3:06 AM EST
Axad, May 13, 2012 (HOL) — Ciidamada maamulka gobolka Hiiraan isla markaana uu horkacayo guddoomiyaha degmada Maxaas Muumin Max’ed Xalane oo dhawaan la magacaabay ayaa shalay gallinkii dambe gudaha u galay degmada Maxaas oo ka tirsan gobolka Hiiraan.