3/29/2024
Today from Hiiraan Online:  _
Wararka Maanta- Khamiis, Sept 20, 2012
Madaxweynaha Soomaaliya oo Muqdisho kula kulmay Danjirayaal ka socday dalalka daneeyaha Arrimaha Soomaaliya

Khamiis, September 20, 2012 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay garoonka diyaaradaha ee Muqdisho dajirayaal ka socday 14 dal oo isugu jira Yurub iyo Mareykanka, isagoo sharraxaad ka siiyay howlaha u qorsheysan dowladda cusub ee Soomaaliya.

Kulankanka oo saacado qaatay ayaa waxaa markii lasoo gabgabeeyay saxaafadda la hadlay agaaasimaha warfaafinta ee madaxtooyada Soomaaliya, Suldaan Axmed Faarax isagoo sheegay in madaxweyaha uu sharraxaad ka siiyay safiirrada howlaha dowladda cusub horyaalla.

"Madaxweynuhu wuxuu u sharraxay danjirayaasha wajiga cusub iyo siyaasadda uu la imaanayo, meelaha uu xoogga saarayo iyo waxyaabaha looga baahan yahay inay beesha caalamka la timaddo," ayuu yiri agaasimaha wafaafinta madaxtooyada, isagoo xusay in madaxweynuhu uu ku boorriyay madaxdii uu la kulmay inay siyaasad ka duwan tii hore kula dhaqmaan Soomaaliya.

Danjirayaasha uu madaxweynuhu la kulmay ayaa waxaa ku jiray kuwo ka socday dalalka Faransiiska, Ingirisiiska, Denmark, Faransiiska, Spain, Mareykanka, Holland iyo kuwo kale, isagoo ku boorriyay inay gacan ka geystaan sidii lagu xoojin lahaa hay'adaha kala duwan ee dowladda Soomaaliya.


"Madaxweynuhu wuxuu wafdigan u sheegay in muhiimadda koowaad, labaad iyo saddexaad uu siinayo sugidda ammaanka, wuxuuna dalalka Yurub ku boorriyay inay sii wadaan taageeradii ay siin jireen shacabka Soomaaliyeed," ayuu agaasimuhu u sheegay warfidiyeenka.

Dhanka kale, Sudaal Axmed Faarax wuxuu sheegay in madaxweynuhu uu safiirrada u shaaraxay qorshaha dowladdiisa ee ku aaddan Al-shabaab, isagoo xusay inay la imaanayso dowladda qorshe ka duwan dagaal oo ah midka keliya ee lagula jiri jiray Al-shabaab.


"Madaxweynuhu wuxuu kaloo kala hadlay danjireyaasha in markii hore Al-shabaab lagula dagaalami jiray hal dhinac oo ahaa dagaal, balse hadda uu qorshe kale kusoo darayo, kaasoo ah in dhallinyarada Soomaaliyeed ay si gaar ah dowalddu ugu furi doonto barnaamijyo loogu sheegayo in in dalkan uu yahay dalkoodii oo aan loola dhaqmi doonin sida ajaanibta," ayuu agaasimuhu hadalkiisa ku daray.

Kulankan ayaa wuxuu noqonayaa kii ugu horreeyay oo uu madaxweynuhu wafdi intan oo kale ah kula yeesho Muqdisho, iyadoo madaxweynuhu uu dadaal weyn ugu jiro sidii uu kusoo magacaabi lahaa ra'iisul wasaare soo dhisa xukuumad tayo leh.







Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/20/2012 4:06 PM EST
Khamiis, September 20, 2012(HOL): Faahfaahin dheeraad ah ayaa ka soo baxeysa qarax caawa fiidkii ka dhacay Magaalada Muqdisho ee caasimadda Dalka Soomaaliya, gaar ahaan Baar Village oo ku yaalla meel u dhow gurigii haweenka iyo tiyaatarkii Muqdisho.

9/20/2012 1:50 PM EST
Khamiis, September 20, 2012 (HOL) - Ugu yaraan 18 qof ayaa ku dhimatay, 45 kalana waa ku dhaawacmeen markii ay labo naftii hure beegsadeen dad rayid ah oo fadhiyay maqaayad ku taalla guriga hooyooyinka.

9/20/2012 12:07 PM EST
Khamiis, September 20, 2012(HOL): Labo qarax oo ay geysteen labo ruux oo naftooda halligay ayaa waxay goor dhaweyd ka dhaceen Baar lagu magacaabo Village oo ku yaalla meel u dhow gurigii hooyooyinka ee magaalada Muqdisho.

9/20/2012 11:18 AM EST
Khamiis, September 20, 2012(HOL):Allaah ha u naxariistee waxaa shil baabuur ku geeriyoodey hooyo iyo aabe Soomaaliyeed halka wiilkooda oo laba sano jir ah iyo ninkii wadayna ay ku dhaawacmeen.

9/20/2012 7:40 AM EST
Khamiis, September 20, 2012 (HOL) — Ururadda iyo xisbiyada qaarkood ayaa maalmihii u dambeeyey si weyn uga qaylinayey labadda xil ee uu isku hayo gudoomiyaha golaha wakiiiladda Somaliland, kuwaas oo kala ah gudoomiyah Golaha Wakiiladda iyo gudoomiyaha urur siyaasadeedka Wadani, kana dalbaday inuu labadda mid iska casilo, lana mid noqdo ururadda kale.

9/20/2012 7:30 AM EST
Khamiis, September 20, 2012 (HOL) — Ciidamada Midowga Afrika ee AMISOM ayaa sheegay in ciidamadooda iyo kuwa dowladda Soomaaliya oo magaalo kale oo muhiim ah ka qabsadeen xoogagga Al-shabaab, taasoo ay sheegeen inay ku dhow dahay magaalada Kismaayo ee xarunta Jubbada Hoose.

9/20/2012 6:26 AM EST
Khamiis, September 20, 2012 (HOL) — Dibadbax xooggan ayaa shalay gelinkii danbe ka dhacay magalaada Kismaayo kaasoo looga soo horjeedo duulaanka ciidamada dowladda iyo kuwa AMISOM ee magaalada Kismaayo islamarkaasina lagu taageerayay Xarakada Al-shabaab.

9/20/2012 6:15 AM EST
Khamiis, September 20, 2012 (HOL) — Kaddib is-rasaaseyn khasaare sababtay oo xalay fiidkii ku dhaxmartay xaafadda Buundo-weyn ee magaalada Baladweyne ciidamo ka wada tirsan maamulka gobollka Hiiraan, ayaa waxaa arintaa ka warbixiyay mas’uuliyiin ka tirsan maamulka gobolka.

9/20/2012 2:56 AM EST
Khamiis, September 20, 2012 (HOL) — Madaxweynaha Soomaaliya, Xasan Sheekh Maxamuud ayaa sheegay inuu ku gudo-jiro wadatashiyo ku aaddan sidii uu ra'iisul wasaaraha Soomaailya u soo magacaabi, isagoo sheegay inay jiraan dad badan oo isku taagan xilkan iyo kuwo ay iyagu dalbadeen inay soo gubiyaan aqoonsiyadooda waxbarasho iyo shaqo.

9/20/2012 2:31 AM EST
Khamiis, September 20, 2012 (HOL) — Ugu yaraan saddex qof oo ay ku jirto haweeney uur leh ayaa ku dhintay hoobiyeyaal xalay lagu duqeeyay degmooyinka Boondheere iyo Shibbis ee gobolka Banaadir, waxaana duqeymahan ku dhaawacmay in ka badan 16-qof oo kale.