3/29/2024
Today from Hiiraan Online:  _
Wararka Maanta- Khamiis, Sept 20, 2012
Khilaaf ka dhashay isku-haynta xilalka Guddoomiyaha Golaha Wakiillada Somaliland iyo Guddoomiyaha Xisbiga WADANI
Khamiis, September 20, 2012 (HOL) — Ururadda iyo xisbiyada qaarkood ayaa maalmihii u dambeeyey si weyn uga qaylinayey labadda xil ee uu isku hayo gudoomiyaha golaha wakiiiladda Somaliland, kuwaas oo kala ah gudoomiyah Golaha Wakiiladda iyo gudoomiyaha urur siyaasadeedka Wadani, kana dalbaday inuu labadda mid iska casilo, lana mid noqdo ururadda kale.

Xisbiyadda qaar iyo ururadda siyaasadda ayaa si adag uga hadlay inay sharci daro tahay in ay la tartamaan gudoomiyaha ururka Wadani oo adeegsanaya awoodii golaha Wakiiladda, sidaa darteed, aanay yeelayn in labadaas xil uu isku hayo.

Haseyeeshee, kulan ay ururada iyo xisbiyadu ku lahayeen maanta magaaladda Hargeysa oo ay kaga hadlayaan labadda xil ee gudoomiye C/raxmaan Maxamed Cabdilaahi Cirro isku hayo iyo muraaqibiiinta ururadda oo guddida Doorashooyinka u sheegeen inay iska bixinayaan kharashkooda, maadaama oo qaadhaan bixiyeyaashii bixin jirtay kharashka muraaqibiinta ay sheegeen in aanay bixin karin, taas oo ururaddanu tilmaameen in aanay awoodi karin inay muraaqibiinta kharashkoodda bixiyaan.

Kulankii ururadda iyo xisbiyada ayaa waxa hadheeyey khilaafka gudoomiyaha Wakiiladda uu labadda xil isku hayo, waxaana la sheegay in ay isku afgaran waayeen shirkoodaa, waxaase u balameen mar kale inay iskugu yimaadeen.

Gudoomiye ku xigeenka 3aad ee xisbiga UCID Cali Guray ayaa si weyn u weeraray gudoomiye C/raxmaan Cirro labada xil ee uu isku hayo, waxaanu sheegay inay xukuumadda Somaliland ay wadato ururka Wadani, isla markaana aanay ka yeeleyn inuu la tartamo gudoomiyaha Ururka WADANI ahna gudoomiyaha Wakiiiladda.

Sidoo kale, gudoomiye ku xigeenka 2aad ee golaha Wakiiladda ayaa difaacay inuu labadaas xil isku hayn karo gudoomiye C/raxmaan Cirro, isla markaana sharci u diidayaa aanu jirin.

Si kastaba ha ahaatee, khilaafkan ka dhashay labada xil ee uu isku hayey gudoomiyaha golaha Wakiiladda ahna gudoomiyaha ururka WADANI C/raxmaan Cirro ayaa isa soo taraya, iyagoo qaarkoodna ku eedeynayaan inuu gudoomiyuhu adeegsanayo hantidii golaha wakiiladda iyo awooddii golaha.

Sidoo kale, waxa inta badan xildhibaanadda golaha wakiiladda lagu tiriyaa inay kala taageersan yihiin xisbiga kulmiye iyo Ururka WADANI, taas oo inta badan xukuumadda lagu eedeeyo inay gacan saar la leedahay ururkan WADANI.

Barkhad-Ladiif  M. Cumar, Hiiraan Online 
[email protected]
Hargeysa, Somaliland












Click here
9/20/2012 4:06 PM EST
Khamiis, September 20, 2012(HOL): Faahfaahin dheeraad ah ayaa ka soo baxeysa qarax caawa fiidkii ka dhacay Magaalada Muqdisho ee caasimadda Dalka Soomaaliya, gaar ahaan Baar Village oo ku yaalla meel u dhow gurigii haweenka iyo tiyaatarkii Muqdisho.

9/20/2012 1:50 PM EST
Khamiis, September 20, 2012 (HOL) - Ugu yaraan 18 qof ayaa ku dhimatay, 45 kalana waa ku dhaawacmeen markii ay labo naftii hure beegsadeen dad rayid ah oo fadhiyay maqaayad ku taalla guriga hooyooyinka.

9/20/2012 12:07 PM EST
Khamiis, September 20, 2012(HOL): Labo qarax oo ay geysteen labo ruux oo naftooda halligay ayaa waxay goor dhaweyd ka dhaceen Baar lagu magacaabo Village oo ku yaalla meel u dhow gurigii hooyooyinka ee magaalada Muqdisho.

9/20/2012 11:18 AM EST
Khamiis, September 20, 2012(HOL):Allaah ha u naxariistee waxaa shil baabuur ku geeriyoodey hooyo iyo aabe Soomaaliyeed halka wiilkooda oo laba sano jir ah iyo ninkii wadayna ay ku dhaawacmeen.

9/20/2012 8:22 AM EST
Khamiis, September 20, 2012 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay garoonka diyaaradaha ee Muqdisho dajirayaal ka socday 14 dal oo isugu jira Yurub iyo Mareykanka, isagoo sharraxaad ka siiyay howlaha u qorsheysan dowladda cusub ee Soomaaliya.

9/20/2012 7:30 AM EST
Khamiis, September 20, 2012 (HOL) — Ciidamada Midowga Afrika ee AMISOM ayaa sheegay in ciidamadooda iyo kuwa dowladda Soomaaliya oo magaalo kale oo muhiim ah ka qabsadeen xoogagga Al-shabaab, taasoo ay sheegeen inay ku dhow dahay magaalada Kismaayo ee xarunta Jubbada Hoose.

9/20/2012 6:26 AM EST
Khamiis, September 20, 2012 (HOL) — Dibadbax xooggan ayaa shalay gelinkii danbe ka dhacay magalaada Kismaayo kaasoo looga soo horjeedo duulaanka ciidamada dowladda iyo kuwa AMISOM ee magaalada Kismaayo islamarkaasina lagu taageerayay Xarakada Al-shabaab.

9/20/2012 6:15 AM EST
Khamiis, September 20, 2012 (HOL) — Kaddib is-rasaaseyn khasaare sababtay oo xalay fiidkii ku dhaxmartay xaafadda Buundo-weyn ee magaalada Baladweyne ciidamo ka wada tirsan maamulka gobollka Hiiraan, ayaa waxaa arintaa ka warbixiyay mas’uuliyiin ka tirsan maamulka gobolka.

9/20/2012 2:56 AM EST
Khamiis, September 20, 2012 (HOL) — Madaxweynaha Soomaaliya, Xasan Sheekh Maxamuud ayaa sheegay inuu ku gudo-jiro wadatashiyo ku aaddan sidii uu ra'iisul wasaaraha Soomaailya u soo magacaabi, isagoo sheegay inay jiraan dad badan oo isku taagan xilkan iyo kuwo ay iyagu dalbadeen inay soo gubiyaan aqoonsiyadooda waxbarasho iyo shaqo.

9/20/2012 2:31 AM EST
Khamiis, September 20, 2012 (HOL) — Ugu yaraan saddex qof oo ay ku jirto haweeney uur leh ayaa ku dhintay hoobiyeyaal xalay lagu duqeeyay degmooyinka Boondheere iyo Shibbis ee gobolka Banaadir, waxaana duqeymahan ku dhaawacmay in ka badan 16-qof oo kale.