3/29/2024
Today from Hiiraan Online:  _
Wararka Maanta- Khamiis, Sept 13, 2012
Dab baabi’iyey guryo ku yaallay magaalada Gaarisa ee gobolka Selel iyo laba Caruur ah oo Miinno dhaawacday
Khamiis, September 13, 2012 (HOL) — Magaaladda Gaarisa ee gobolka Selel ayaa dab weyni qabsaday, kaas oo guryo badan ay ku shuf beeleen, ka dib markii la waayey wax lagu bakhtiiyo, balse ay dadku gacantoodda ku bakhtiiyeen dabkii oo aad u weynaa.

Magaaladan Gaarisa oo ku taalla galbeedka Somaliland, ayaan la garanayn waxa sababay dabkaasi, halka wararka qaar sheegayaan inuu dabku ka dhashay Qumac Rasaasta waaweyn ah oo ka hadhay hub ooli jiray dawladdii hore ee Maxamed Siyaad Bare oo xarun ciidan u ahayd.

Ilaa imika ma jiraan warar rasmi ah oo kasoo baxay maamulka degmada Saylac oo ay magaaladdu hoos timaado, haseyeeshee waxa la sheegayaa inay dhawr qof ku dhaawacmeen, hanti badana ku gubatay, maadaama oo halka uu dabku ka qarxay ay ahayd badhtamaha magaaladda.

Dhinaca kale, Laba hablood oo yaryar oo joogay magaaladda Boon ee gobolka Awdal, ayaa ku dhaawacmay miino ku qaraxday, kaas oo la sheegay inay caruurtu ku ciyaaraysay.

Labadan caruur ayaa la kala yidhaa Xanaan Cilmi Cabdilaahi iyo Raxma Mahdi Faarax, da’ooduna lagu sheegay lix jir iyo shan jir, waxaana wararku sheegayaan inay caruurtu ku ciyaaraysay Miinadda oo la sheegay in Roobab maalmihii u dambeeyey magaaladda ka da’ayey ay dibadda u soo saareen.

Hay’adda miino baadhista ee Hallo Trust oo deganaa meel u dhow ayaa  usoo gurmadeen qaraxa dhacay, isla markaana qayb kale oo aan wali qarxin ka qaaday meeshii uu qaraxu ka dhacay.

Inta badan waxa dhacda in miinooyinkii hore loo aasay ay daadadku wakhtida roobka soo saareen, kaas oo caruurta ku ciyaarto, ka dibna ay ku qaraxda, waxaanay miinooyinkaasi galaafteen dad iyo duunyo badan.

Barkhad-Ladiif  M. Cumar, Hiiraan Online  
[email protected]
Hargeysa, Somaliland












Click here
9/13/2012 9:13 AM EST
Khamiis, September 13, 2012 (HOL) — Tajamuca Islaamka Soomaaliya ayaa bayaan ay soo saareen maanta oo Khamiis ah waxay hambalyo ugu direen madaxweynaha cusub ee Soomaaliya, Xasan Sheekh Maxamuud oo 10-kii bishan lagu doortay kulan uu baarlamaanku ku yeeshay Muqdisho.

9/13/2012 8:23 AM EST
Khamiis, September 13, 2012 (HOL) — Madaxweynaha Somaliland, Axmed Maxamed Maxamuud (Siillaanyo), ayaa soo saaray degreeto uu ku mamnuucay in doorashooyinka loo isticmaalo hantidda dadweynaha, ciidamadda dawladda, ururada aan dawliga ahayn, maamulada gobolada iyo degmooyinka, maadaama oo ay yihiin wax ummadda ka dhexeeya.

9/13/2012 8:09 AM EST
Khamiis, September 13, 2012 (HOL) — Madaxweynaha Uganda, Yoweri Museveni oo ka hadlay doorashada madaxweynaha cusub ee Soomaaliya, Xasan Sheekh Max'ud ayaa sheegay inay caddeyn u tahay in Soomaaliya ay heshay dowlad buuxda kaddib 21-sano oo colaado ay ka jireen.

9/13/2012 7:51 AM EST
Khamiis, September 13, 2012 (HOL) — Xisbiga UDUB iyo Urur siyaasadeedka NASIYE ayaa sheegay inay qaadaceen doorashooyinka golaha deegaanka ee dhawaan la filayo inay dalka ka dhacaan, iyagoo sheegay inaanay doorashadaasi ka qaybgali doonaanin.

9/13/2012 7:25 AM EST
Khamiis, September 13, 2012 (HOL) — Ugu yaraan 14-qof ayaa u dhintay cudurka daacuunka oo ka dillaacay deegaanka Hoosingoow ee gobolka Jubbada hoose oo 160-km dhinaca koonfureed kaga beegan degmada Kismaayo ee xarunta gobolka Jubbada hoose.

9/13/2012 6:50 AM EST
Khamiis, September 13, 2012 (HOL) — Midowga dhalinyarada Soomaaliyed ee UYS ayaa maanta magaalada Muqdisho ugu qabtay odayaasha dhaqanka dood-cilmiyeed looga hadlayay sidii looga hortagi lahaa in is-hortaaga lagu sameeayo gar-gaarka bani'aadanimada iyo dhaca loo geysto.

9/13/2012 3:28 AM EST
Khamiis, September 13, 2012 (HOL) — Ururka Islaax oo ka mid ah ururrada diiniga ah ee ka jira Soomaaliya ayaa hambalyeynayo u diray madaxweynaha cusub ee Soomaaliya, Xasan Sheekh Maxamuud; iyagoo sheegay in doorashadan ay tusaale u tahay isbedel siyaasadeed oo dalka ka dhacay.

9/13/2012 2:18 AM EST
Khamiis, September 13, 2012 (HOL) - Madaxweyniha xilka kasii dagaya Shariif Sheekh Axmed ayaa si lama filaan uga raray hoteelkii uu deganaa madaxweynaha cusub ee dalka Soomaaliya Xassan Sheekh Maxamuud.