3/28/2024
Today from Hiiraan Online:  _
Wararka Maanta- Khamiis, Sept 13, 2012
Ururka Islaax oo u hambalyeeyay Madaxweynaha Soomaaliya, doorashadii dhacdayna ku tilmaamay Isbedel Siyaasadeed

Khamiis, September 13, 2012 (HOL) — Ururka Islaax oo ka mid ah ururrada diiniga ah ee ka jira Soomaaliya ayaa hambalyeynayo u diray madaxweynaha cusub ee Soomaaliya, Xasan Sheekh Maxamuud; iyagoo sheegay in doorashadan ay tusaale u tahay isbedel siyaasadeed oo dalka ka dhacay.


Madaxweynaha cusub ee Soomaaliya ayaa lagu doortay Muqdisho Isniintii lasoo dhaafay isagoo codad aqlabiyad ah kaga guuleysatay madaxweynihii hore, Shariif Sheekh Axmed oo ay isugu soo hareen wareeggii ugu dambeeyay ee doorashada.

"Ururka islaax, wuxuu hambalyo iyo bogaadin u dirayaa madaxweynaha cusub ee la doortay mudane Xasan Sheekh Maxamuud, taageero buuxda ayaan u muujinaynaa, waxaana Alle uga baryayaa inuu la garab-galo xilkaas culus," ayaa lagu yiri bayaan ururka Islaax uu soo saaray, kaasoo uu ka saxiixnaa guddoomiyaha ururka, Dr. Alibashi Cumar Xaaji.

Sidoo kale, ururka Islaax ayaa hambalyo taas la mid ah u diray guddoomiyaha cusub ee baarlamaanka Soomaaliya iyo ku xigeennadiisa oo iyaguna lagu doortay kulan ka dhacay bishii hore magaalada Muqdisho.

"Ururka Islaax wuxuu ugu baaqayaa dhammaan xoogaga siyaasadeed iyo ururrada bulshada rayidka qaybahooda kala duwan inay si hagar la`aan ah ula shaqeeyaan hogaanka cusub ee dalka, si loo gaaro himilooyinka la higsanayo," ayaa lagu yiri bayaanka Islaax.

Ugu dambeyn, ururka Islaax wuxuu ugu baaqay dhammaan dowladaha saaxiibka la ah Soomaaliya, urur goboleedyada iyo beesha caalamka in la siiyo dowladda cusub ee Soomaaliya kaalmada iyo gacanta ay u baahan tahay si dalkeenna hooyo uu mar kale cagahiisa isugu taago.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/13/2012 9:13 AM EST
Khamiis, September 13, 2012 (HOL) — Tajamuca Islaamka Soomaaliya ayaa bayaan ay soo saareen maanta oo Khamiis ah waxay hambalyo ugu direen madaxweynaha cusub ee Soomaaliya, Xasan Sheekh Maxamuud oo 10-kii bishan lagu doortay kulan uu baarlamaanku ku yeeshay Muqdisho.

9/13/2012 8:38 AM EST
Khamiis, September 13, 2012 (HOL) — Magaaladda Gaarisa ee gobolka Selel ayaa dab weyni qabsaday, kaas oo guryo badan ay ku shuf beeleen, ka dib markii la waayey wax lagu bakhtiiyo, balse ay dadku gacantoodda ku bakhtiiyeen dabkii oo aad u weynaa.

9/13/2012 8:23 AM EST
Khamiis, September 13, 2012 (HOL) — Madaxweynaha Somaliland, Axmed Maxamed Maxamuud (Siillaanyo), ayaa soo saaray degreeto uu ku mamnuucay in doorashooyinka loo isticmaalo hantidda dadweynaha, ciidamadda dawladda, ururada aan dawliga ahayn, maamulada gobolada iyo degmooyinka, maadaama oo ay yihiin wax ummadda ka dhexeeya.

9/13/2012 8:09 AM EST
Khamiis, September 13, 2012 (HOL) — Madaxweynaha Uganda, Yoweri Museveni oo ka hadlay doorashada madaxweynaha cusub ee Soomaaliya, Xasan Sheekh Max'ud ayaa sheegay inay caddeyn u tahay in Soomaaliya ay heshay dowlad buuxda kaddib 21-sano oo colaado ay ka jireen.

9/13/2012 7:51 AM EST
Khamiis, September 13, 2012 (HOL) — Xisbiga UDUB iyo Urur siyaasadeedka NASIYE ayaa sheegay inay qaadaceen doorashooyinka golaha deegaanka ee dhawaan la filayo inay dalka ka dhacaan, iyagoo sheegay inaanay doorashadaasi ka qaybgali doonaanin.

9/13/2012 7:25 AM EST
Khamiis, September 13, 2012 (HOL) — Ugu yaraan 14-qof ayaa u dhintay cudurka daacuunka oo ka dillaacay deegaanka Hoosingoow ee gobolka Jubbada hoose oo 160-km dhinaca koonfureed kaga beegan degmada Kismaayo ee xarunta gobolka Jubbada hoose.

9/13/2012 6:50 AM EST
Khamiis, September 13, 2012 (HOL) — Midowga dhalinyarada Soomaaliyed ee UYS ayaa maanta magaalada Muqdisho ugu qabtay odayaasha dhaqanka dood-cilmiyeed looga hadlayay sidii looga hortagi lahaa in is-hortaaga lagu sameeayo gar-gaarka bani'aadanimada iyo dhaca loo geysto.

9/13/2012 2:18 AM EST
Khamiis, September 13, 2012 (HOL) - Madaxweyniha xilka kasii dagaya Shariif Sheekh Axmed ayaa si lama filaan uga raray hoteelkii uu deganaa madaxweynaha cusub ee dalka Soomaaliya Xassan Sheekh Maxamuud.