3/28/2024
Today from Hiiraan Online:  _
Wararka Maanta- Isniin, Nov 5 , 2012
Mudane Yuusuf Xasan oo ka Warbixiyay Waxqabadkiisa Mudadii uu ahaa Xildhibaanka Deegaanka Kamakunji ee Nairobi

Isniin, November 05, 2012 (HOL) —Xildhibaanka laga soo doortay deegaaanka Kamakunji ee magaalkada Nairobi Xildhibaan Yuusuf Xasan Cabdi ayaa kulan uu la qaatay qeybaha kala duwan ee bulshada ku dhaqan xaafadda ay Soomaalidu ku badatahay ee Islii uga warbixiyay waxqabadkiisa mudadii uu xilka hayay.

Kulanka oo ay kasoo qeybgaleen, Odoyaal Dhaqameed, Culumaa'udiin, Aqoonyahanno, Haween iyo dhalinyaro ayuu xildhibaanku uga hadlay waxqabadkiisa mudadii uu xilka hayay isagoona sheegay in 14-kii bilood ee uu xildhibaanka ahaa in uu xoogga  saaray sidii uu wax uga qaban lahaa dhibaatooyinkii ka jiray xaafadda, wuxuuna xusay in isabadallo la taaban karo uu ka sameeyay dhinacyo badan.

“Waxaa jiri jirtay in Boolis xaafadda lagu soo daadiyo si ay dadka guryaha ugu galaan, waxaas oo dhan waan dhameeyay waana ka hortagay,” ayuu xildhibaanku yiri isagoona sheegay in sidoo kale uu wax weyn ka qabtay ammaanka xaafadda.

Masuulkani ayaa sheegay in ay meel fiican mareyso howlaha dhismaha ee ka socdo xaafadda, wuxuuna xusay in imika uu dhismo xoog leh ka socdo wadooyinka 2nd Avenue iyo tan kale ee Townka aada, kuwaasoo uu xusay in la filayo in la dhameeyo bisha December ee sanadkan, wuxuuna sheegay in sanadkan kale gudihiisa dhisme laga bilaabi doono wadada 1st Avenue ee islaa xaafadda Islii.

Mudanahani ayaa sheegay in lacag dhan 3,000,000,000 Ksh/ (3 Billion Kenya Shilling) loo qorsheeyay dhismaha wadooyinka xaafadda Islii.

“Mudadii aan xilka hayay waxaan anigoo danta xaafadda u doodayo baarlamanka ka hadlay in ka badan 260 Jeer, halka xildhibankii iga horeeyay uu ka hadlay wax ka yar 25 jeer, taasoo muujineysa in uusan kala jecleyn nabadda iyo horumarka xaafadda,” ayuu xildhibaanku hadalkiisii raaciyay.

Xildhibaanka ayaa ugu danbeeyn ka codsaday dadka ku dhaqan xaafadda Islii in ay marlabaad codkooda siiyaan, isagoo ballan qaaday in uu sii laba jibaari doono dadaallada ku aadan dhinaca horumarka ee uu ka wado xaafadda.

Sidoo kale waxa goobta ka hadlay Odoyaal, Ganacsato iyo Haween kuwaasoo dhamaantoodba ammaan u jeediyay xildhibaan Yuusuf Xasan oo ay sheegeen in uu wax weyn ka qabtay xaafadda Islii.

Sheekh Shakuul oo katirsan ganacsatada Xaafadda Islii oo goobta ka hadlay ayaa ugu horeyn xildhibaanka ugu hambleeyay waxqabadkiisa oo uu xusay in isbadal muuqda uu ka sameeyay xaafadda ay Soomaalidu ku badantahay ee Islii.

Sheekh Shakuul ayaa hoosta ka xariiqay in dhismooyinka ka bilowday xaafadda ay kusoo aadeen xilligii uu ugu xoogga badnaa ganacsigoodaa maadaama sanadka cusub uu fooda nagu soo hayo, taasoo uu sheegay in xooga hoos u dhac ay u keeneyso ganacsigooda, balse wuxuu xusay in ay arintaasi u dulqaadanayaan oo ay soo dhaweynayaan dhismayaasha ka socda xaafadda.

Kulanka uu xildhibaanku la qaatay qebyaha bulshada ku dhaqan xaafadda Islii ayaa kusoo beegmaya xilli ay fooda nagu soo heyso doorashada, wuxuuna xildhibanaku dadaal ugu jiraa sidii uu markale u qaban lahaa jagada uu imika hayo.

Hiiraan Online, News Desk












Click here
11/5/2012 7:08 AM EST
Isniin, November 05, 2012 (HOL) — Tan iyo markii ay soo baxday in loo magacaabay Ra’isal wasaare ku xigeenka Soomaaliya, ahna wasiirka Arrimaha dibadda Foosiya Yuusuf X. Aadan, ayaa goobaha la iskugu yimaaddo magaaladda Hargeysa aad loogu hadal hayey, iyadoo laga doodayey saamaynta ay ku yeelan karto qadiyadda Somaliland iyo wada halkii labadda dhinac u dhexeeyey.

11/5/2012 6:45 AM EST
Isniin, November 05, 2012 (HOL) — Ra'iisul wasaare ku xigeenka ahna wasiirka arrimaha dibadda ee Soomaaliya, Fowziyo Yuusuf Xaaji Aadan ayaa sheegtay inay sii wadayso wadahadal u dhexeeya Soomaaliya iyo Somaliland, iyadoo rajo wanaagsan ka muujisay inay kasoo bixi karto howsha loo dhiibay.

11/5/2012 6:00 AM EST
Isniin, November 05, 2012 (HOL) — Kooxo hubeysan oo aan la garaneynin ayaa xalay weerar ku qaaday guriga uu magaalada Baladweyne ka degan yahay guddoomiye ku-xigeenka dhinaca siyaasada ee maamulka gobollka Hiiraan Cadaawe Cilmi.

11/5/2012 5:57 AM EST
Isniin, November 05, 2012 (HOL) — Ururka Midowga Yurub iyo dowladda Ingiriiska ayaa si isku mid ah u soo dhaweeyay golaha wasiirrada ee uu soo dhisay ra'iisul wasaare Cabdi Faarax Shir-doon (Saacid) iyagoo sheegay inay gacan siinayaan.

11/5/2012 5:28 AM EST
Isniin, November 05, 2012 (HOL) — Doorashada guud ee dalka Mareykanka ayaa maraysa meel aad u xasaasi u ah, iyadoona ay saacado kooban innaga xigaan xiliga loo dareerayo oo ah maalnimada berri ah oo ah 06-da bishaan November.

11/5/2012 2:57 AM EST
Isniin, November 05, 2012 (HOL) —Waxaa si toos ah uga bilaabatay marsadda caalamiga ah ee magaalada Kismaayo dhoofinta dhuxusha, xilli mudooyinkii ugu danbeeyay ay magaalada ka soconayeen kulamo arintaasi la xiriira oo u dhexeeyay ganacsatada iyo masuuliyiinta maamulka KMG ee Kismaayo.

11/5/2012 2:45 AM EST
Isniin, November 05, 2012 (HOL) — Fowziyo Yuusuf Xaaji Aadan ayaa noqonaysa wasiirradii ugu horeysay oo haween ah oo loo dhiibo jagada wasaaradda arrimaha dibadda Soomaaliya inta la xusuusto taariikhda Soomaaliya, waxayna ka mid ah tahay toban wasiir oo uu xalay ku dhawaaqay ra'iisul wasaare Cabdi Faarax Shirdoon (Saacid).

11/5/2012 2:25 AM EST
Isniin, November 05, 2012 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa ka dalbaday ra'iisul wasaaraha inuu xukuumadda cusub ku horkeeno baarlamaanka muddo laba todobaad gudahood ah si codka kalsoonida ah loogu qaado.

11/5/2012 2:06 AM EST
Isniin, November 05, 2012 (HOL) — Ra'iiisul wasaaraha Soomaaliya, Cabdi Faarax Shir-doon (Saacid) ayaa ka wrabixiyay laba wasaaradood oo xukuumaddiisa ka mid ah kuwaasoo aan horay loogu arag xukuumadihii dalka soo maray, sidoo kalena wuxuu ka hadlay sababta uu u soo xushay tobanka wasiir.