9/21/2018
Today from Hiiraan Online:  _
Wararka Maanta- Sabti, May 26, 2012
Odayaasha-dhaqanka iyo Bulshada Rayidka oo Turkiga uga qaybgalaya shir Arrimaha Soomaaliya looga hadlayo


Sabti, May 26, 2012 (HOL) — Odoyaal-dhaqameedyada Soomaaliyeed ee uu shirku uga socday Muqdisho iyo xubno ka tirsan ururrada bulshada rayidka ayaa maanta loo dhoofiyay dalka Turkiga halkaasoo la sheegay inay uga qaybgalayaan shir looga halayo arrimaha Soomaaliya.

Diyaaradda Turkish Airlines oo wafdigan ka qaaday garoonka diyaaradaha ee Muqdisho ayaa waxaa sidoo kale horay u sii raacay xubno ka socda hay'adaha kala duwan ee dowladda KMG ah ee Soomaaliya.

Wafdigan oo casuumaad ka helay Turkiga ayaa waxaa sii sagootiyay wasiirro ka tirsan dowladda oo ay ka mid yihiin wasiirka arrimaha gudaha, C/samad Macallin Maxamuud iyo wasiirka ganacsiga iyo warshadaha, Cabdiwahaab Ugaas Xuseen.

"Odayaasha dhaqanka oo tiradoodu ahayd 132 iyo kuwo kale oo meelo kala duwan ka baxaya ayaa waxay casuumaad ka heleen dalka Turkiga, si ay uga qaybgalaan shir looga hadlayo arrimaha Soomaaliya," ayuu yiri wasiirka arrimaha gudaha iyo ammaanka Qaranka.

Mudane C/samad wuxuu hadalkiisa ku daray inaysan la socon dowladdu xubnaha ka socda bulshada rayidka ah ee lagu casuumay shirka, isagoo xusay inaysan doonayn inay faraha la galaan arrimo ay dowladda Turkigu wadato.

Xubnihii maanta loo qaaday dalka Turkiga oo isaguna saxaafadda la hadlay ayaa sheegay inaysan ogeyn ajandaha ay kaga hadli doonaan shirka ay uga qayb-galayaan dalka Turkiga, balse markii ay tagaan ay arki doonaan.

Wasiirka warshadaha iyo ganacsiga DKMG ah, C/wahaab Ugaas oo isaguna ka hadlay bixitaanka wafdiga odayaaha iyo xubnaha bulshada rayidka ah isugu jiray ayaa wuxuu sheegay in Turkigu u casuumay si loo tusiyo xiriirka walaanimo ee ka dhexeeya dowladaha iyo shacabka dalalka Turkiga iyo Soomaalia.

Sidoo kale, wasiirku wuxuu sheegay inuu rajeynayo in safarkan uusan wax carqalad ah ku keenin soo xulidda ergooyinka 825-ka ah ee ansixin doona dastuurka cuusb ee Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/26/2012 9:32 AM EST
Sabti, May 26, 2012 (HOL) — Kumannaan ka mid ah ardayda wax-ka-barta jaamacadda Muqdisho ayaa maanta oo Sabti ah u fariistay imtixaankii ugu dambeeyay ee sanad-waxbarashadeedka 2011/2012.

5/26/2012 8:06 AM EST
Sabti, May 26, 2012 (HOL) — Xarakada Al-shabaab ayaa ku hanjabtay maanta oo Sabti ah inay weerarro gaadmo ah la beegsanayso ciidamada dowladda KMG ah iyo kuwa AMISOM ee gacanta siinaya, kaddib markii shalay laga qabsaday degmada Afgooye oo ahayd goob ay awood badan ku lahayd.

5/26/2012 7:27 AM EST
Sabti, May 26, 2012 (HOL) — Ugu yaraan hal qof oo rayid ah ayaa ku dhintay illaa shan qof oo kalena way ku dhaawacmeen madaafiic ku dhacay duleedka Muqdisho gaar ahaan deegaanka Ceelasha-biyaha oo ay gacan ku hayntiisa isku haystaan xoogaga Al-shabaab iyo ciidamada dowladda KMG ah ee Soomaaliya oo kaashanaya kuwa AMISOM.

5/26/2012 7:16 AM EST
Sabti, May 26, 2012 (HOL) — Kooxo bastoolado ku hubeysan ayaa xalay waxaa ay ku toogteen magaalada Beledweyne ee xarunta gobollka Hiiraan nabadoon ka mid ahaa odayaasha dhaqan-ka magaalada.

5/26/2012 7:08 AM EST
Sabti, May 26, 2012 (HOL) — Hay’adda horumarinta iyo isku-xirka dhallinyarada Soomaaliyeed ee SOYDEN iyo hay’adda CPD ayaa Muqdisho ka furay tartan isboorti oo ay ku tartamayaan 10-kooxood oo ka kala socda sideed degmo oo gobolka Banaadir ka tirsan iyo laba kooxood oo ka socda ciidanka booliiska Soomaaliyeed.

5/26/2012 3:33 AM EST
Sabti, May 26, 2012 (HOL) — Wararka laga helayo degmada Afgooye ayaa waxay sheegayaan in ciidamada dowladda KMG ah iyo kuwa AMISOM oo isgarabsanaya ay saakay u dhaqaaqeen dhinaca degmada Marko ee xarunta gobolka Shabellada Hoose.

5/26/2012 3:22 AM EST
Sabti, May 26, 2012 (HOL) — Maamulka Ahlusunna Waljamaaca ee gobollada dhexe xil ka qaadi ku sameeyay guddoomiyihii saddexda gole ururkaas, Prof. Xirsi Maxamed Hillowle (Laba-garre) kaddib shirar saddexdii maalmood ee lasoo dhaafay u socday degmada Guriceel ee gobolka Galguduud.

5/26/2012 3:03 AM EST
Sabti, May 26, 2012 (HOL) — Madaxweynaha Soomaaliya, Shariif Sheekh Axmed oo ku sugan dalka Koonfur Afrika ayaa wuxuu xalay kulan kula yeeshay Johannesberg dadweyne Soomaaliyeed oo ka mid ah kuwa ku nool dalkaas, isagoo ka dalbaday inay dowladda lacago ku taageeraan.

5/26/2012 2:46 AM EST
Sabti, May 26, 2012 (HOL) — Xiisado colaadeed oo u dhexeeyay ciidamada DKMG ah oo kaashanaya AMISOM iyo xoogaga Al-shabaab ayaa ka tagaan deegaannada u dhexeeya Muqdisho iyo Afgooye halkaasoo ay weli ku sugan yihiin xoogagga Al-shabaab.