3/28/2024
Today from Hiiraan Online:  _
Wararka Maanta- Sabti, May 26, 2012
Hay'adaha SOYDEN iyo CPD oo Magaalada Muqdisho ka furay Tatan Isboorti oo loogu magac-daray Isbedelka Dhallinyarada

SPORTS.jpg

Sabti, May 26, 2012 (HOL) — Hay’adda horumarinta iyo isku-xirka dhallinyarada Soomaaliyeed ee SOYDEN iyo hay’adda CPD ayaa Muqdisho ka furay tartan isboorti oo ay ku tartamayaan 10-kooxood oo ka kala socda sideed degmo oo gobolka Banaadir ka tirsan iyo laba kooxood oo ka socda ciidanka booliiska Soomaaliyeed.

Furitaankii tartanka oo ka dhacay garoon kubadda cagta lagu ciyaaro oo ku yaalla degmada Wadajir, gaar ahaan kasoo horjeedka dugsiga sare ee Jaalle Siyaad ayaa waxaa goob-joog ka ahaa: guddoomiyeyaasha guddiyada nabadda degmooyinka gobolka Banaadir, mas’uuliyiinta hay’adaha fulinaya mashruuca, xoghayeyaasha isboortiga sideedda degmo ee gobolka, xildhibaanno, agaasimaha waaxda isboortiga ee wasaaradda dhallinyarada, shaqada shaqaalaha iyo isboortiga dowladda Soomaaliya, Saacid Maxamed Xasan iyo mas’uuliyiin kale.

"Barnaamijkan wuxuu qayb ka yahay mashruuca isbedelka dhallinyarada, kaasoo lagu baray dhallinyarada xirfado, casharro ku saabsan qoraalka iyo akhriska afka Soomaaliga, tarbiyada Islaamka iyo Qur’aanka Kariimka ah, farshaxanka, fanka iyo suugaanta, kombiyuutarka, dayactirka qalabka korontada, ganacsiga guud iyo makaanignimada," ayuu xafladda furitaanka ka sheegay C/qaadir Salaad Cabdi oo ah madaxa mashaariicda hay’adda SOYDEN.

Kooxaha tartamaya ayaa waxay ka socdaan degmooyinka: Hodan, Wadajir, Dharkeynley, Xamar-jajab, Xamar-weyne, Waaberi, Shingaani iyo Shibbis, iyadoo labada kooxood ee ka socda ciidanka booliiska lagu kala magacaabo: kooxda kubadda cagta ee Jen. Kaahiye iyo kooxda heegan.

SPORTS10.jpg

Ciyaaraha oo socon doona muddo 15-maalmood ah ayay kooxahan isku arki doonaan iyadoo kooxdii ku guuleysata ciyaaraha la guddoonsiin doono koob, waxaana ciyaarayahan ay billow u yihiin tartamo lagu soo gabgabeynayo mashruuca isbedelka dhallinyarada oo socday muddo lix bilood ah.

Tartamada kale ee xigi doona tartanka isboorti ayaa waxay kala yihiin: Tartan Qur’aan Akhris ah iyo tartan kale oo lagu tartamayo gabayo iyo heeso oo ay gacan ka geysandoonaan Naadiga hal abuurka iyo qalinleyda Soomaaliyeed (Somali Pen).

Dhallinyaradan ayaa waxay sidoo kale qabtaan howlo adeegga bulshada ah, kuwaasoo ay ka qabtaan sideedda degmo, kuwaasoo isugu jira nadiifinta jidadka, jaridda dhirta iyo nadaafadda guud, taasoo ujeeddadeedu tahay inay dareemaan lahaanshaha deegaanada ay deggen yihiin.

Barnaamijkan oo ay maalgelisay haya’dda UNDP ayaa wajigiisa koowaad oo ku eg bisha Juun ee sannadkan ayaa waxaa looga gol-leeyahay in dhallinyaradan oo markii hore ka yimid bulshada dhexdeeda iyagoo malleeshiyo ah ay ku laabtaan mar kale bushada iyagoo ka faa’iideysan doona shaqooyin loo abuuri doono iyo qaarkood oo la siin doono lacago ay ku shaqeystaan.

SPORTS2.jpg
SPORTS3.jpg
SPORTS4.jpg
SPORTS5.jpg
SPORTS6.jpg
SPORTS7.jpg
SPORTS8.jpg
SPORTS9.jpg

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/26/2012 9:32 AM EST
Sabti, May 26, 2012 (HOL) — Kumannaan ka mid ah ardayda wax-ka-barta jaamacadda Muqdisho ayaa maanta oo Sabti ah u fariistay imtixaankii ugu dambeeyay ee sanad-waxbarashadeedka 2011/2012.

5/26/2012 8:35 AM EST
Sabti, May 26, 2012 (HOL) — Odoyaal-dhaqameedyada Soomaaliyeed ee uu shirku uga socday Muqdisho oo ay tiradoodu ahayd 135-ta xubnood si ay u soo xulaan ergada ansixinta dastuurka iyo xubno ka tirsan ururrada bulshada rayidka ayaa maanta loo dhoofiyay dalka Turkiga si ay uga qaybgalaan shir arrimaha Soomaaliya looga hadlayo.

5/26/2012 8:06 AM EST
Sabti, May 26, 2012 (HOL) — Xarakada Al-shabaab ayaa ku hanjabtay maanta oo Sabti ah inay weerarro gaadmo ah la beegsanayso ciidamada dowladda KMG ah iyo kuwa AMISOM ee gacanta siinaya, kaddib markii shalay laga qabsaday degmada Afgooye oo ahayd goob ay awood badan ku lahayd.

5/26/2012 7:27 AM EST
Sabti, May 26, 2012 (HOL) — Ugu yaraan hal qof oo rayid ah ayaa ku dhintay illaa shan qof oo kalena way ku dhaawacmeen madaafiic ku dhacay duleedka Muqdisho gaar ahaan deegaanka Ceelasha-biyaha oo ay gacan ku hayntiisa isku haystaan xoogaga Al-shabaab iyo ciidamada dowladda KMG ah ee Soomaaliya oo kaashanaya kuwa AMISOM.

5/26/2012 7:16 AM EST
Sabti, May 26, 2012 (HOL) — Kooxo bastoolado ku hubeysan ayaa xalay waxaa ay ku toogteen magaalada Beledweyne ee xarunta gobollka Hiiraan nabadoon ka mid ahaa odayaasha dhaqan-ka magaalada.

5/26/2012 3:33 AM EST
Sabti, May 26, 2012 (HOL) — Wararka laga helayo degmada Afgooye ayaa waxay sheegayaan in ciidamada dowladda KMG ah iyo kuwa AMISOM oo isgarabsanaya ay saakay u dhaqaaqeen dhinaca degmada Marko ee xarunta gobolka Shabellada Hoose.

5/26/2012 3:22 AM EST
Sabti, May 26, 2012 (HOL) — Maamulka Ahlusunna Waljamaaca ee gobollada dhexe xil ka qaadi ku sameeyay guddoomiyihii saddexda gole ururkaas, Prof. Xirsi Maxamed Hillowle (Laba-garre) kaddib shirar saddexdii maalmood ee lasoo dhaafay u socday degmada Guriceel ee gobolka Galguduud.

5/26/2012 3:03 AM EST
Sabti, May 26, 2012 (HOL) — Madaxweynaha Soomaaliya, Shariif Sheekh Axmed oo ku sugan dalka Koonfur Afrika ayaa wuxuu xalay kulan kula yeeshay Johannesberg dadweyne Soomaaliyeed oo ka mid ah kuwa ku nool dalkaas, isagoo ka dalbaday inay dowladda lacago ku taageeraan.

5/26/2012 2:46 AM EST
Sabti, May 26, 2012 (HOL) — Xiisado colaadeed oo u dhexeeyay ciidamada DKMG ah oo kaashanaya AMISOM iyo xoogaga Al-shabaab ayaa ka tagaan deegaannada u dhexeeya Muqdisho iyo Afgooye halkaasoo ay weli ku sugan yihiin xoogagga Al-shabaab.