9/18/2018
Today from Hiiraan Online:  _
Wararka Maanta- Sabti, May 26, 2012
Xarakada Al-shabaab oo ku hanjabtay inay Weerarro gaadmo ah ku qaadayso Ciidamada DKMG ah iyo kuwa AMISOM


Sabti, May 26, 2012 (HOL) — Xarakada Al-shabaab ayaa ku hanjabtay maanta oo Sabti ah inay weerarro gaadmo ah la beegsanayso ciidamada dowladda KMG ah iyo kuwa AMISOM ee gacanta siinaya, kaddib markii shalay laga qabsaday degmada Afgooye oo ahayd goob ay awood badan ku lahayd.

"Waan sii wadaynaa dagaalka, shakina kuma jiro inaan ka adkaan doonno cadowga," ayuu yiri Sheekh C/casiis Abuu-Muscab oo ah afhayeenka dhinaca howgallada ee Xarakada Al-shabaab.

Sheekh Abuu-Muscab wuxuu sheegay in qabsashada degmada Afgooye aysan wax weyn u arag, balse ay xoogaggooda oo qaabab-cusub oo dagaal isticmaalaya ay la dib ula wareegi doonaan degmadaas iyo deegaanno kale oo horay looga qabsaday.

"Mujaahidiintu xeelado dagaal awgood ayay uga baxeen dhowr goobood oo ay ku sugnaayeen, balse taasi ma ahan in laga adkaaday," ayuu yiri Sheekh Abuu-Muscab. "Mar hore ayaan ka jarnay jidadkii ay wax u soo mari lahaayeen, taasina cadowga ayay khasaare weyn ku tahay."

Degmada Afgooye ayaa waxay noqonaysaa degmadii afaraad oo Al-shabaab laga qabsaday sannadkan billlowday, iyadoo horay looga qabsaday degmooyinka Baydhabo, Ceelbuur iyo Xudur oo ka mid ahaa goobaha awoodda ku lahaayeen.

Dhanka kale, saraakiil u hadlay dowladda KMG ah iyo kuwa AMISOM ayaa sheegay in qabsashada degmada Afgooye ay dhabar-jab xooggan ku tahay Al-shabaab, waxayna ku tilmaameen degmada tii ugu muhiimsanayd ee ay Al-shabaab haysteen marka laga reebo Kismaayo.

"Ciidamadeenna ayaa si buuxda gacanta ugu haya degmada Afgooye, balse kooxo ka tirsan Al-shabaab ayaa weli ku harsan deegaannada loo barakacay ee ku yaalla duleedka Muqdisho, waxaana noo qorsheysan inaan sida ugu dhaqsiyaha badan uga saarno," ayuu yiri Col. Mukhtaar Maxamed oo ka mid ah saraakiisha hoggaaminaya ciidamada dowladda dowladda ee dagaalka ku jira.

Deegaannada loo barakacay ayaa waxaa maanta ka dhacay dagaallo ay khasaare kasoo gaartay dad shacab ah oo ku sugnaa deegaannadaas, iyadoo qiyaastii 9,000 oo qof oo deegaannadaas ku noolaa ay deegaannadaas kasoo barakceen dhowrkii casho ee lasoo dhaafay.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/26/2012 9:32 AM EST
Sabti, May 26, 2012 (HOL) — Kumannaan ka mid ah ardayda wax-ka-barta jaamacadda Muqdisho ayaa maanta oo Sabti ah u fariistay imtixaankii ugu dambeeyay ee sanad-waxbarashadeedka 2011/2012.

5/26/2012 8:35 AM EST
Sabti, May 26, 2012 (HOL) — Odoyaal-dhaqameedyada Soomaaliyeed ee uu shirku uga socday Muqdisho oo ay tiradoodu ahayd 135-ta xubnood si ay u soo xulaan ergada ansixinta dastuurka iyo xubno ka tirsan ururrada bulshada rayidka ayaa maanta loo dhoofiyay dalka Turkiga si ay uga qaybgalaan shir arrimaha Soomaaliya looga hadlayo.

5/26/2012 7:27 AM EST
Sabti, May 26, 2012 (HOL) — Ugu yaraan hal qof oo rayid ah ayaa ku dhintay illaa shan qof oo kalena way ku dhaawacmeen madaafiic ku dhacay duleedka Muqdisho gaar ahaan deegaanka Ceelasha-biyaha oo ay gacan ku hayntiisa isku haystaan xoogaga Al-shabaab iyo ciidamada dowladda KMG ah ee Soomaaliya oo kaashanaya kuwa AMISOM.

5/26/2012 7:16 AM EST
Sabti, May 26, 2012 (HOL) — Kooxo bastoolado ku hubeysan ayaa xalay waxaa ay ku toogteen magaalada Beledweyne ee xarunta gobollka Hiiraan nabadoon ka mid ahaa odayaasha dhaqan-ka magaalada.

5/26/2012 7:08 AM EST
Sabti, May 26, 2012 (HOL) — Hay’adda horumarinta iyo isku-xirka dhallinyarada Soomaaliyeed ee SOYDEN iyo hay’adda CPD ayaa Muqdisho ka furay tartan isboorti oo ay ku tartamayaan 10-kooxood oo ka kala socda sideed degmo oo gobolka Banaadir ka tirsan iyo laba kooxood oo ka socda ciidanka booliiska Soomaaliyeed.

5/26/2012 3:33 AM EST
Sabti, May 26, 2012 (HOL) — Wararka laga helayo degmada Afgooye ayaa waxay sheegayaan in ciidamada dowladda KMG ah iyo kuwa AMISOM oo isgarabsanaya ay saakay u dhaqaaqeen dhinaca degmada Marko ee xarunta gobolka Shabellada Hoose.

5/26/2012 3:22 AM EST
Sabti, May 26, 2012 (HOL) — Maamulka Ahlusunna Waljamaaca ee gobollada dhexe xil ka qaadi ku sameeyay guddoomiyihii saddexda gole ururkaas, Prof. Xirsi Maxamed Hillowle (Laba-garre) kaddib shirar saddexdii maalmood ee lasoo dhaafay u socday degmada Guriceel ee gobolka Galguduud.

5/26/2012 3:03 AM EST
Sabti, May 26, 2012 (HOL) — Madaxweynaha Soomaaliya, Shariif Sheekh Axmed oo ku sugan dalka Koonfur Afrika ayaa wuxuu xalay kulan kula yeeshay Johannesberg dadweyne Soomaaliyeed oo ka mid ah kuwa ku nool dalkaas, isagoo ka dalbaday inay dowladda lacago ku taageeraan.

5/26/2012 2:46 AM EST
Sabti, May 26, 2012 (HOL) — Xiisado colaadeed oo u dhexeeyay ciidamada DKMG ah oo kaashanaya AMISOM iyo xoogaga Al-shabaab ayaa ka tagaan deegaannada u dhexeeya Muqdisho iyo Afgooye halkaasoo ay weli ku sugan yihiin xoogagga Al-shabaab.