9/26/2018
Today from Hiiraan Online:  _
Wararka Maanta- Sabti, May 26, 2012
Dagaal Ciidamada Dowladda KMG ah, AMISOM iyo Xoogagga Al-shabaab ku dhexmaray Duleedka Muqdisho


Sabti, May 26, 2012 (HOL) — Ugu yaraan hal qof oo rayid ah ayaa ku dhintay illaa shan qof oo kalena way ku dhaawacmeen madaafiic ku dhacay duleedka Muqdisho gaar ahaan deegaanka Ceelasha-biyaha oo ay gacan ku hayntiisa isku haystaan xoogaga Al-shabaab iyo ciidamada dowladda KMG ah ee Soomaaliya oo kaashanaya kuwa AMISOM.

Dagaalka maanta oo ahaa mid culus ayaa wuxuu ciidamada iska soo horjeeda ku dhemxaray deegaanka Siinka-dheer ee duleedka Muqdisho, halkaasoo ay tan iyo shalay ku sugnaayeen ciidamada dowladda Soomaaliya.

"Madaafiic badan ayaa kusoo dhacday deegaanka, waxaana arkay dhimashada hal qof oo rayid ahaa iyo dhaawaca shan kale," ayuu yiri goobjooge ka mid ah dad aad u yar oo ku sugan Ceelasha-biyaha.

Ciidamada dowladda KMG ah oo kaashanaya kuwa AMISOM iyo Al-shabaab ayaa waxay isku hayaan gacan ku haynta deegaannada Ceelasha-biyaha, Lafoole iyo Xaawo-Cabdi goobahaasoo ay weli ku sugan yihiin xoogagga Al-shabaab.

Lama oga khasaaraha kala gaaray labada ciidan, iyadoo madaafiic badan ay ku garaaceen ciidamada AMISOM oo caawinaya kuwa dowladda Soomaaliya dhowr goobood oo ka tirsan deegaannada loo barakacay.

Deegaannadaas ayaanay jirin cid ku sugan, waxaana xoogagga Al-shabaab ee weli gacanta ku haya deegaannada lagu hardamayo dhinac walba ka xiga ciidamada DKMG ah iyo kuwa AMISOM.

Dhaawacyada gaaray dadka rayidka ah ayaa lagu hayaa guryaha, iyadoo aanay jirin goob caafimaad oo loo qaadi karo, waxanaa jidka lagu dagaalamayo si teelteel ah u maraya gaadiidka sida dad barakacayaal ah.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/26/2012 9:32 AM EST
Sabti, May 26, 2012 (HOL) — Kumannaan ka mid ah ardayda wax-ka-barta jaamacadda Muqdisho ayaa maanta oo Sabti ah u fariistay imtixaankii ugu dambeeyay ee sanad-waxbarashadeedka 2011/2012.

5/26/2012 8:35 AM EST
Sabti, May 26, 2012 (HOL) — Odoyaal-dhaqameedyada Soomaaliyeed ee uu shirku uga socday Muqdisho oo ay tiradoodu ahayd 135-ta xubnood si ay u soo xulaan ergada ansixinta dastuurka iyo xubno ka tirsan ururrada bulshada rayidka ayaa maanta loo dhoofiyay dalka Turkiga si ay uga qaybgalaan shir arrimaha Soomaaliya looga hadlayo.

5/26/2012 8:06 AM EST
Sabti, May 26, 2012 (HOL) — Xarakada Al-shabaab ayaa ku hanjabtay maanta oo Sabti ah inay weerarro gaadmo ah la beegsanayso ciidamada dowladda KMG ah iyo kuwa AMISOM ee gacanta siinaya, kaddib markii shalay laga qabsaday degmada Afgooye oo ahayd goob ay awood badan ku lahayd.

5/26/2012 7:16 AM EST
Sabti, May 26, 2012 (HOL) — Kooxo bastoolado ku hubeysan ayaa xalay waxaa ay ku toogteen magaalada Beledweyne ee xarunta gobollka Hiiraan nabadoon ka mid ahaa odayaasha dhaqan-ka magaalada.

5/26/2012 7:08 AM EST
Sabti, May 26, 2012 (HOL) — Hay’adda horumarinta iyo isku-xirka dhallinyarada Soomaaliyeed ee SOYDEN iyo hay’adda CPD ayaa Muqdisho ka furay tartan isboorti oo ay ku tartamayaan 10-kooxood oo ka kala socda sideed degmo oo gobolka Banaadir ka tirsan iyo laba kooxood oo ka socda ciidanka booliiska Soomaaliyeed.

5/26/2012 3:33 AM EST
Sabti, May 26, 2012 (HOL) — Wararka laga helayo degmada Afgooye ayaa waxay sheegayaan in ciidamada dowladda KMG ah iyo kuwa AMISOM oo isgarabsanaya ay saakay u dhaqaaqeen dhinaca degmada Marko ee xarunta gobolka Shabellada Hoose.

5/26/2012 3:22 AM EST
Sabti, May 26, 2012 (HOL) — Maamulka Ahlusunna Waljamaaca ee gobollada dhexe xil ka qaadi ku sameeyay guddoomiyihii saddexda gole ururkaas, Prof. Xirsi Maxamed Hillowle (Laba-garre) kaddib shirar saddexdii maalmood ee lasoo dhaafay u socday degmada Guriceel ee gobolka Galguduud.

5/26/2012 3:03 AM EST
Sabti, May 26, 2012 (HOL) — Madaxweynaha Soomaaliya, Shariif Sheekh Axmed oo ku sugan dalka Koonfur Afrika ayaa wuxuu xalay kulan kula yeeshay Johannesberg dadweyne Soomaaliyeed oo ka mid ah kuwa ku nool dalkaas, isagoo ka dalbaday inay dowladda lacago ku taageeraan.

5/26/2012 2:46 AM EST
Sabti, May 26, 2012 (HOL) — Xiisado colaadeed oo u dhexeeyay ciidamada DKMG ah oo kaashanaya AMISOM iyo xoogaga Al-shabaab ayaa ka tagaan deegaannada u dhexeeya Muqdisho iyo Afgooye halkaasoo ay weli ku sugan yihiin xoogagga Al-shabaab.