11/16/2018
Today from Hiiraan Online:  _
Wararka Maanta- Sabti, May 26, 2012
Kumannaan Ardayda Jaamacadda Muqdisho ka tirsan oo u fariistay Imtixaanka ugu Dambeeyay Sannadka



Sabti, May 26, 2012 (HOL) — Kumannaan ka mid ah ardayda wax-ka-barta jaamacadda Muqdisho ayaa maanta oo Sabti ah u fariistay imtixaankii ugu dambeeyay ee sanad-waxbarashadeedka 2011/2012.

Imtixaankani ayaa ka billowday dhammaan xarumaha kala duwan oo ay jaamacaddu ay ku leedahay gobollada dalka, iyadoo ardayda imtixaanka u fariistay ay isugu jiraan wiilal iyo gabdho bartay culuun kala duwan.

Magaalada Muqdisho ayaa waxaa imtixaanka u fariistay dufcaddii 12-aad oo ka qalin-jabinaysa kulliyadaha kala duwan ee jaamacadda, iyadoo xarunta jaamacadda Boosaaso ay iyaduna u fariisteen imtixaankii kama dambeysta ahaa dufcaddii koowaad oo ka qalin-jabinaysa xaruntaas oo furan afar sano.

Guddoomiyaha jaamacadda Muqdisho Dr. Cali Sheekh Axmed Abuubakar ayaa ka warbixiyay ardayda maanta u fariisatay imtixaanka iyo marxaladdihii kala duwanaa ee ay soo martay jaamacadda, isagoo tilmaamay in maanta ay imtixaan u fariisteen in ka badan 2,000 oo arday oo laamaha kala duwan ee jaamacadda wax ka bartay.


"Maamulka iyo macallimiinta jaamacadda Muqdisho waxay u dhabar adeygeen inay ku shaqeeyaan marxaladihii adkaa ee uu dalku soo maray. Jaamacaddu way diyaar u tahay inay soo kordhiso kulliyado kale," ayuu yiri Dr. Cali Sheekh Axmed.

Guddoomiyaha ayaa wuxuu hadalkiisa ku daray in shantii sano ee ay jaamacaddu kasoo maqnayd xarunteeda ugu weyn oo qaadda 12,000 arday aysan maalinna istaagin waxbarashadeeda, taasoo uu ku tilmaamay wax Ilaahay looga mahadceliyo.

Ugu dambeyn, Dr. Cali Sheekh Axmed wuxuu u mahadceliyay dhammaan bulshada Soomaaliyeed, gaar ahaan waalidka iyo ardayda jaamacadda, isagoo ku ammaanay dadaalkooda ku aaddan inay waxbarashadooda sii wataan xilli dalka uu ku jiray xaalado kala duwan.

Jaamcadda Muqdisho oo ka mid ah jaamacadaha ugu faca-weyn Soomaaliya ayaa waxay kaalinta 29-aad ka gashay 100-ka jaamacadood ee ugu horreeya Afrika, iyadoo ardaydii jaamacadda wax ka bartay ay hadda ka shaqeeyaan dhammaan hay'adaha kala duwan ee dalka, halka qaarkood ay cilmiyada sare ka diyaariyaan jaamacadaha kale ee dunida.



Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/26/2012 8:35 AM EST
Sabti, May 26, 2012 (HOL) — Odoyaal-dhaqameedyada Soomaaliyeed ee uu shirku uga socday Muqdisho oo ay tiradoodu ahayd 135-ta xubnood si ay u soo xulaan ergada ansixinta dastuurka iyo xubno ka tirsan ururrada bulshada rayidka ayaa maanta loo dhoofiyay dalka Turkiga si ay uga qaybgalaan shir arrimaha Soomaaliya looga hadlayo.

5/26/2012 8:06 AM EST
Sabti, May 26, 2012 (HOL) — Xarakada Al-shabaab ayaa ku hanjabtay maanta oo Sabti ah inay weerarro gaadmo ah la beegsanayso ciidamada dowladda KMG ah iyo kuwa AMISOM ee gacanta siinaya, kaddib markii shalay laga qabsaday degmada Afgooye oo ahayd goob ay awood badan ku lahayd.

5/26/2012 7:27 AM EST
Sabti, May 26, 2012 (HOL) — Ugu yaraan hal qof oo rayid ah ayaa ku dhintay illaa shan qof oo kalena way ku dhaawacmeen madaafiic ku dhacay duleedka Muqdisho gaar ahaan deegaanka Ceelasha-biyaha oo ay gacan ku hayntiisa isku haystaan xoogaga Al-shabaab iyo ciidamada dowladda KMG ah ee Soomaaliya oo kaashanaya kuwa AMISOM.

5/26/2012 7:16 AM EST
Sabti, May 26, 2012 (HOL) — Kooxo bastoolado ku hubeysan ayaa xalay waxaa ay ku toogteen magaalada Beledweyne ee xarunta gobollka Hiiraan nabadoon ka mid ahaa odayaasha dhaqan-ka magaalada.

5/26/2012 7:08 AM EST
Sabti, May 26, 2012 (HOL) — Hay’adda horumarinta iyo isku-xirka dhallinyarada Soomaaliyeed ee SOYDEN iyo hay’adda CPD ayaa Muqdisho ka furay tartan isboorti oo ay ku tartamayaan 10-kooxood oo ka kala socda sideed degmo oo gobolka Banaadir ka tirsan iyo laba kooxood oo ka socda ciidanka booliiska Soomaaliyeed.

5/26/2012 3:33 AM EST
Sabti, May 26, 2012 (HOL) — Wararka laga helayo degmada Afgooye ayaa waxay sheegayaan in ciidamada dowladda KMG ah iyo kuwa AMISOM oo isgarabsanaya ay saakay u dhaqaaqeen dhinaca degmada Marko ee xarunta gobolka Shabellada Hoose.

5/26/2012 3:22 AM EST
Sabti, May 26, 2012 (HOL) — Maamulka Ahlusunna Waljamaaca ee gobollada dhexe xil ka qaadi ku sameeyay guddoomiyihii saddexda gole ururkaas, Prof. Xirsi Maxamed Hillowle (Laba-garre) kaddib shirar saddexdii maalmood ee lasoo dhaafay u socday degmada Guriceel ee gobolka Galguduud.

5/26/2012 3:03 AM EST
Sabti, May 26, 2012 (HOL) — Madaxweynaha Soomaaliya, Shariif Sheekh Axmed oo ku sugan dalka Koonfur Afrika ayaa wuxuu xalay kulan kula yeeshay Johannesberg dadweyne Soomaaliyeed oo ka mid ah kuwa ku nool dalkaas, isagoo ka dalbaday inay dowladda lacago ku taageeraan.

5/26/2012 2:46 AM EST
Sabti, May 26, 2012 (HOL) — Xiisado colaadeed oo u dhexeeyay ciidamada DKMG ah oo kaashanaya AMISOM iyo xoogaga Al-shabaab ayaa ka tagaan deegaannada u dhexeeya Muqdisho iyo Afgooye halkaasoo ay weli ku sugan yihiin xoogagga Al-shabaab.